ਹੁਸ਼ਿਆਰਪੁਰ (ਬਿਊਰੋ) 

9 ਨਵੰਬਰ : ਐਸ.ਐਸ.ਪੀ. ਹੁਸਿਆਰਪੁਰ ਸਰਤਾਜ ਸਿੰਘ ਚਾਹਲ ਆਈ.ਪੀ.ਐਸ. ਵੱਲੋਂ 12 ਨਵੰਬਰ 2022 ਨੂੰ ਹਿਮਾਚਲ ਪ੍ਰਦੇਸ਼ ਵਿੱਚ ਹੋਣ ਜਾ ਰਹੀਆਂ ਵਿਧਾਨ ਸਭਾ ਚੌਣਾਂ ਦੇ ਮੱਦੇਨਜਰ ਹੁਸ਼ਿਆਰਪੁਰ ਜਿਲ੍ਹਾ ਨਾਲ ਲਗਦੀ ਹਿਮਾਚਲ ਪ੍ਰਦੇਸ਼ ਦੀ ਸਰਹੱਦ ਤੇ ਹੁਸ਼ਿਆਰਪੁਰ ਜਿਲ੍ਹਾ ਪੁਲਿਸ ਵੱਲੋਂ ਲਗਾਏ ਗਏ ਅੰਤਰ ਰਾਜੀ ਨਾਕਿਆਂ ਦੀ ਚੈਕਿੰਗ ਕੀਤੀ ਗਈ। ਚੈਕਿੰਗ ਦੌਰਾਨ ਮੰਗੂਵਾਲ ਨਾਕੇ ਪਰ ਐਸ.ਐਸ.ਪੀ ਹੁਸ਼ਿਆਰਪੁਰ ਵੱਲੋਂ ਖੁੱਦ ਪਹੁੰਚ ਕੇ ਸਾਰੇ ਹਾਲਾਤਾਂ ਦਾ ਖੁਦ ਜਾਇਜਾ ਲਿਆ ਗਿਆ। ਉਹਨਾਂ ਵੱਲੋਂ ਦੱਸਿਆ ਗਿਆ ਕਿ ਹਿਮਾਚਲ ਪ੍ਰਦੇਸ਼ ਵਿੱਚ ਚੌਣਾ ਦੇ ਸਬੰਧ ਵਿੱਚ ਐਸ.ਪੀ ਜਿਲ੍ਹਾ ਊਨ੍ਹਾਂ ਅਤੇ ਐਸ.ਪੀ ਜਿਲ੍ਹਾ ਕਾਂਗੜਾ ਨਾਲ ਰੋਜਾਨਾ ਪੱਧਰ ਤੇ ਤਾਲਮੇਲ ਕੀਤਾ ਜਾ ਰਿਹਾ ਹੈ, ਤਾਂ ਜੋ ਚੌਣਾ ਦੌਰਾਨ ਕਿਸੇ ਵੀ ਕਿਸਮ ਦੀ ਕੋਈ ਲਾਅ ਐਂਡ ਆਰਡਰ ਸਬੰਧੀ ਸਮੱਸਿਆ ਨਾ ਆਵੇ ਅਤੇ ਚੌਣਾ ਸੁਖਾਵੇ ਮਹੋਲ ਵਿੱਚ ਸੰਪੂਰਨ ਹੋ ਜਾਣ। ਇਸ ਦੇ ਨਾਲ ਹੀ ਉਹਨਾਂ ਵੱਲੋਂ ਇਹ ਜਾਣਕਾਰੀ ਵੀ ਦਿੱਤੀ ਗਈ ਕਿ ਹੁਸ਼ਿਆਰਪੁਰ ਜਿਲ੍ਹਾ ਦੇ ਥਾਣਾ ਗੜ੍ਹਸ਼ੰਕਰ, ਚੱਬੇਵਾਲ, ਸਦਰ ਹੁਸ਼ਿਆਰਪੁਰ,ਹਰਿਆਣਾ, ਮੁਕੇਰੀਆਂ, ਹਾਜੀਪੁਰ ਅਤੇ ਤਲਵਾੜਾ ਦੀਆ ਹੱਦਾਂ ਜਿਲ੍ਹਾ ਊਨਾ ਅਤੇ ਜਿਲ੍ਹਾ ਕਾਂਗੜਾ ਨਾਲ ਲਗਦੀਆਂ ਹਨ, ਜੋ ਇਹਨਾਂ ਹੱਦਾਂ ਪਰ ਕੁੱਲ 11 ਇੰਟਰ ਸਟੇਟ ਨਾਕੇ ਲੱਗੇ ਹੋਏ ਹਨ। ਜਿਹਨਾਂ ਪਰ ਲਗਾਤਾਰ 24 ਘੰਟੇ ਪੁਲਿਸ ਫੋਰਸ ਅਤੇ ਸੀ.ਸੀ.ਟੀ.ਵੀ ਕੈਮਰਿਆਂ ਦੀ ਮਦਦ ਨਾਲ ਹਰ ਆਉਣ ਜਾਣ ਵਾਲੇ ਵਹੀਕਲ ਦੀ ਚੈਕਿੰਗ ਅਤੇ ਨਿਗਰਾਨੀ ਰਖੀ ਜਾ ਰਹੀ ਹੈ ਤਾਂ ਜੋ ਕੋਈ ਵੀ ਮਾੜਾ ਅਨਸਰ ਇਹੋ ਜਿਹਾ ਕੋਈ ਕਾਰਜ ਨਾ ਕਰ ਸਕੇ ਜਿਸ ਨਾਲ ਹਿਮਾਚਲ ਪ੍ਰਦੇਸ਼ ਦੀਆਂ ਚੌਣਾ ਪ੍ਰਭਾਵਿਤ ਹੋਣ ਅਤੇ ਨਾ ਹੀ ਕੋਈ ਵੀ ਸਮੱਗਲਰ ਕਿਸੇ ਵੀ ਤਰ੍ਹਾਂ ਦਾ ਨਸ਼ਾ ਜਾਂ ਸਰਾਬ ਦੀ ਤਸਕਰੀ ਕਰ ਸਕੇ।