ਗੜ੍ਹਦੀਵਾਲਾ (ਚੌਧਰੀ)
ਅਧੂਰੀ ਪਈ ਸੜਕ ਤੋਂ ਇਲਾਕੇ ਦੇ ਲੋਕ ਡਾਢੇ ਪ੍ਰੇਸ਼ਾਨ
15 ਸਤੰਬਰ : ਇਹ ਸੜਕ ਤਕਰੀਬਨ ਡੇਢ ਕਿਲੋਮੀਟਰ ਨੰਗਲ ਘੋੜੇਵਾਹਾ ਤੋਂ ਕੰਢੀ ਨਹਿਰ ਤੱਕ ਵੋਟਾਂ ਵੇਲੇ ਬਣਾਉਣੀ ਸ਼ੁਰੂ ਹੋਈ ਸੀ ,ਹੁਣ ਤੱਕ ਇਹ ਸੜਕ ਅਧੂਰੀ ਹੀ ਪਈ ਹੈ । ਸਿਰਫ਼ ਇੱਕ ਵਾਰੀ ਹੀ ਪੱਥਰ ਪਾਇਆ ਗਿਆ ਅਤੇ ਦੁਆਰਾ ਪੱਥਰ ਵੀ ਨਹੀਂ ਪਾਇਆ ਗਿਆ ।ਅੱਜ ਪਿੰਡ ਵਾਸੀਆਂ ਨੇ ਇਕੱਠੇ ਹੋ ਕੇ ਪੱਤਰਕਾਰਾਂ ਨਾਲ ਸੜਕ ਤੇ ਫੋਟੋ ਵੀ ਖਿਚਵਾਈ ਅਤੇ ਸਰਕਾਰ ਨੂੰ ਅਪੀਲ ਕੀਤੀ ਕਿ ਸਡ਼ਕ ਨੂੰ ਜਲਦੀ ਬਣਾਇਆ ਜਾਵੇ ਤਾਂ ਕਿ ਸਾਨੂੰ ਆਉਣ ਜਾਣ ਤੋਂ ਪ੍ਰੇਸ਼ਾਨੀ ਨਾ ਹੋਵੇ ।ਇਸ ਸੰਬੰਧੀ ਜਦੋਂ ਐਕਸੀਅਨ ਸਾਹਿਬ ਨਾਲ ਗੱਲਬਾਤ ਕਰਨੀ ਚਾਹੀ ਤਾਂ ਉਨ੍ਹਾਂ ਨੇ ਟੈਲੀਫੋਨ ਚੁੱਕਣਾ ਮੁਨਾਸਿਬ ਨਹੀਂ ਸਮਝਿਆ।ਸਥਾਨਕ ਲੋਕਾਂ ਨੇ ਜ਼ੋਰਦਾਰ ਮੰਗ ਕੀਤੀ ਹੈ ਕਿ ਸੜਕ ਨੂੰ ਜਲਦੀ ਤੋਂ ਜਲਦੀ ਬਣਾਇਆ ਜਾਵੇ ਤਾਂ ਕਿ ਲੋਕ ਸਹੀ ਸਲਾਮਤ ਲੰਘ ਸਕਣ। ਅੱਜ ਸੜਕ ਬਣਾਉਣ ਲਈ ਜਿਨ੍ਹਾਂ ਨੇ ਰੋਸ ਪ੍ਰਗਟ ਕੀਤਾ ਉਨ੍ਹਾਂ ਚ ਗੁਰਮੇਲ ਸਿੰਘ ਸੈਣੀ, ਸ਼ਕਤੀ ਕੁਮਾਰ, ਗੁਰਨਾਮ ਸਿੰਘ, ਵਾਸਦੇਵ ,ਪ੍ਰੇਮ ਚੰਦ , ਵਿਨੋਦ ਕੁਮਾਰ’ ਰਾਮਪਾਲ ,ਸੋਮਚੰਦ ,ਗਣੇਸ਼ ,ਰਵੀ ਅੰਜਨਾ ,ਮੀਨਾ ,ਰੇਖਾ ਦੇਵੀ ,ਅਰਜਨ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ: ਪਿੰਡ ਨੰਗਲ ਘੋੜੇਵਾਹਾ ਵਾਸੀ ਸੜਕ ਤੇ ਇਕੱਠੇ ਹੋ ਕੇ ਸੜਕ ਬਣਾਉਣ ਦੀ ਮੰਗ ਕਰਦੇ ਹੋਏ ।
Post Views: 395
