ਗੜਦੀਵਾਲਾ(ਚੌਧਰੀ)
ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਵੱਲੋਂ ਅਚਨਚੇਤ ਚੈਕਿੰਗ
8 ਸਤੰਬਰ : ਨਾਇਬ ਤਹਿਸੀਲਦਾਰ ਗੜਦੀਵਾਲਾ ਲਵਦੀਪ ਸਿੰਘ ਧੂਤ ਵੱਲੋਂ ਅਚਨਚੇਤ ਸਵੇਰੇ ਪਿੰਡ ਪੰਡੋਰੀ ਅਟਵਾਲ ਦੇ ਸਰਕਾਰੀ ਐਲੀਮੈਂਟਰੀ ਸਕੂਲ ਪੰਡੋਰੀ ਅਟਵਾਲ ਅਤੇ ਪੰਚਾਇਤ ਦੀ ਬਣ ਰਹੀ ਡਿਸਪੈਂਸਰੀ ਦੀ ਚੈਕਿੰਗ ਕੀਤੀ ਗਈ।ਐਲੀਮੈਂਟਰੀ ਸਕੂਲ ਵਿਚ ਢੋਲ ਤੇ ਡਰੰਮ ਨਾਲ ਪੀ ਟੀ ਡਰਿੱਲ ਕੀਤੀ ਜਾ ਰਹੀ ਸੀ, ਇਹ ਸਭ ਦੇਖ ਨੈਬ ਤਹਿਸੀਲਦਾਰ ਉਸ ਤੋਂ ਬਹੁਤ ਪ੍ਰਭਾਵਿਤ ਹੋਏ।ਇਸ ਮੌਕੇ ਉਨ੍ਹਾਂ ਵਲੋਂ ਸਕੂਲ ਵਿਚ ਮਿਡ ਡੇ ਮੀਲ ਦੀ ਰਸੋਈ ਦੀ ਵੀ ਚੈਕਿੰਗ ਕੀਤੀ, ਜਿੱਥੇ ਬੱਚਿਆਂ ਲਈ ਕੜੀ ਚਾਵਲ ਬਣ ਰਹੇ ਸਨ ।ਸਕੂਲ ਵਿਚ ਹੋਈ ਸਫ਼ਾਈ ਦੀ ਵੀ ਉਨ੍ਹਾਂ ਵਲੋਂ ਸ਼ਲਾਘਾ ਕੀਤੀ ਤੇ ਸ਼ਾਬਾਸ਼ ਦਿੱਤੀ ਅਤੇ ਹੋਰ ਵਧੀਆ ਸਫ਼ਾਈ ਰੱਖਣ ਲਈ ਕਿਹਾ ।ਪੰਚਾਇਤ ਵੱਲੋਂ ਪਿੰਡ ਵਿੱਚ ਬਣਦੀ ਡਿਸਪੈਂਸਰੀ ਦੀ ਬਿਲਡਿੰਗ ਤੇ ਮਨਰੇਗਾ ਮਜ਼ਦੂਰਾਂ ਦੀ ਮਸਟਰੋਲ ਦੀ ਵੀ ਚੈਕਿੰਗ ਕੀਤੀ।ਇਸ ਮੌਕੇ ਨੈਬ ਤਹਿਸੀਲਦਾਰ ਲਵਦੀਪ ਸਿੰਘ ਧੂਤ ਦੇ ਨਾਲ ਪਟਵਾਰੀ ਮਨਜੀਤ ਸਿੰਘ, ਪਟਵਾਰੀ ਸਤਵਿੰਦਰ ਸਿੰਘ , ਲੰਬੜਦਾਰ ਮਲਕੀਤ ਸਿੰਘ ,ਸਰਪੰਚ ਹਰਵਿੰਦਰ ਕੌਰ ,ਕਰਨੈਲ ਸਿੰਘ, ਮੇਟ ਜਸਬੀਰ ਸਿੰਘ ,ਜਗਵੀਰ ਸਿੰਘ ਅਟਵਾਲ ‘ਨਰਿੰਦਰਪਾਲ ਸਿੰਘ ਕੰਪਿਊਟਰ ਆਪਰੇਟਰ ਆਦਿ ਹਾਜ਼ਰ ਸਨ ।
Post Views: 718
