ਰੰਧਾਵਾ ਸ਼ੂਗਰ ਮਿੱਲ ਦੇ ਗੇਟ ਸਾਹਮਣੇ ਮੋਟਰਸਾਈਕਲ ਅਤੇ ਬੁਲੈਰੋ ਦੀ ਭਿਆਨਕ ਟੱਕਰ,ਇੱਕ ਦੀ ਮੌਤ, ਇੱਕ ਗੰਭੀਰ ਜਖਮੀ

ਦਸੂਹਾ 12 ਜੁਲਾਈ (ਚੌਧਰੀ) : ਅੱਜ ਸ਼ਾਮ 4 ਵਜੇ ਦੇ ਕਰੀਬ  ਸ਼ੂਗਰ ਮਿੱਲ ਦੇ ਗੇਟ ਸਾਹਮਣੇ ਮੋਟਰ ਅਤੇ ਬੁਲੈਰੋ ਦੀ ਭਿਆਨਕ ਟੱਕਰ ਹੋਣ ਤੇ ਮਿੱਲ ਦੇ ਇੱਕ ਸਕਿਓਰਿਟੀ ਗਾਰਡ ਦੀ ਮੌਤ ਹੋ ਗਈ ਅਤੇ ਇੱਕ ਗੰਭੀਰ ਜਖਮੀ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਚਾਰ ਵਜੇ ਦੇ ਕਰੀਬ ਛੁੱਟੀ ਹੋਣ ਤੇ ਘਰ ਪਰਤ ਸ਼ੂਗਰ ਮਿੱਲ ਦੇ ਰੰਧਾਵਾ ਦੇ 2 ਕਰਮਚਾਰੀ ਆਪਣੇ ਮੋਟਰਸਾਈਕਲ ਤੇ ਸਵਾਰ ਹੋ ਕੇ ਦਸੂਹਾ ਹੁਸ਼ਿਆਰਪੁਰ ਰੋਡ ਤੇ ਚੜ੍ਹੇ ਤਾਂ ਤੇਜ ਰਫਤਾਰ ਆ ਰਹੀ ਬੁਲੈਰੋ ਦੀ ਚਪੇਟ ਵਿਚ ਆ ਗਏ। ਮਿੱਲ ਦੇ ਵਰਕਰਾਂ ਵਲੋਂ ਦੋਨੋਂ ਜਖਮੀਆਂ ਨੂੰ ਤੁਰੰਤ ਸਿਵਿਲ ਹਸਪਤਾਲ ਦਸੂਹਾ ਵਿਖੇ ਲੈ ਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਇੱਕ ਦੀ ਹਾਲਤ ਗੰਭੀਰ ਦੇਖਦੇ ਹੋਏ ਅੱਗੇ ਰੈਫਰ ਕਰ ਦਿੱਤਾ ਅਤੇ ਦੂਜੇ ਜਖਮੀ ਕਰਮਚਾਰੀ ਦਾ ਇਲਾਜ ਸ਼ੁਰੂ ਕਰ ਦਿੱਤਾ ਹੈ । ਗੰਭੀਰ ਜਖਮੀ ਵਿਅਕਤੀ ਕੁਲਦੀਪ ਸਿੰਘ ਪੁੱਤਰ ਕਰਤਾਰ ਸਿੰਘ ਵਾਸੀ ਬਾਹਗਾ ਅਤੇ ਦੂਜਾ ਪਰਮਜੀਤ ਸਿੰਘ ਪੁੱਤਰ ਪ੍ਰਕਾਸ਼ ਸਿੰਘ ਵਾਸੀ ਕੱਲੋਵਾਲ ਦੱਸਿਆ ਜਾ ਰਿਹਾ ਹੈ। ਦਸੂਹਾ ਪੁਲਸ ਨੇ ਸੂਚਨਾ ਮਿਲਦੇ ਹੀ ਘਟਨਾ ਵਾਲੀ ਥਾਂ ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਗੰਭੀਰ ਜਖਮੀ ਵਿਅਕਤੀ ਦੀ ਮੌਤ ਹੋ ਗਈ ਹੈ।