ਨਵੀਂ ਬਰੀਜਾ ਕਾਰ ਕਇ ਖੂਬੀਆਂ ਨਾਲ ਲੈਸ ਹੈ : ਮੁਨੀਸ਼ ਕੁਮਾਰ ਸ਼ਰਮਾ

ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ,ਚੌਧਰੀ)  ਹੁਸ਼ਿਆਰਪੁਰ ਆਟੋਮੋਬਾਇਲਜ ਗੜ੍ਹਦੀਵਾਲਾ ਬ੍ਰਾਂਚ ਵਿਖੇ ਨਵੀਂ ਮਾਰੂਤੀ ਸੁਜ਼ੂਕੀ ਬ੍ਰਿਜ਼ਾ 1.5 ਕਾਰ ਦੀ ਘੁੰਢ ਚੁਕਾਇ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਲਵਦੀਪ ਸਿੰਘ ਧੂਤ ਨੇ ਕਰ ਕਮਲਾਂ ਨਾਲ ਕੀਤੀ। ਇਸ ਮੌਕੇ ਸਭ ਤੋਂ ਪਹਿਲਾਂ ਗੁਰੂ ਚਰਨਾਂ ਵਿੱਚ ਅਰਦਾਸ ਕੀਤੀ ਗਈ ਅਤੇ ਕੇਕ ਕੱਟਣ ਦੀ ਰਸਮ ਅਦਾ ਕਰਨ ਉਪਰੰਤ ਇਸ ਨਵੀਂ ਬਰੀਜਾ ਕਾਰ ਨੂੰ ਲੋਕਅਰਪਣ ਕਿਤਾ ਗਿਆ।

ਇਸ ਦੌਰਾਨ ਨਾਇਬ ਤਹਿਸੀਲਦਾਰ ਲਵਦੀਪ ਸਿੰਘ ਧੂਤ ਨੇ ਕਿਹਾ ਕਿ ਐਮ.ਡੀ ਸਵਰਗੀ ਅਜਵਿੰਦਰ ਸਿੰਘ ਅਤੇ ਉਨ੍ਹਾਂ ਦੇ ਸਪੁੱਤਰ ਗੁਰਪ੍ਰੀਤ ਸਿੰਘ ਦੀ ਸਖ਼ਤ ਮਿਹਨਤ ਦੇ ਬਾਵਜੂਦ ਪਿਛਲੇ ਕਈ ਸਾਲਾਂ ਤੋਂ ਦੇਸ਼ ਦੀ ਪਲੈਟੀਨਮ ਏਜੰਸੀ ਦਾ ਦਰਜਾ ਹਾਸਲ ਕਰਨ ਵਾਲੀ ਹੁਸ਼ਿਆਰਪੁਰ ਆਟੋਮੋਬਾਈਲ ਏਜੰਸੀ ਨੂੰ ਇਹ ਐਵਾਰਡ ਮਿਲਿਆ ਹੈ।

ਇਸ ਮੌਕੇ ਟੀਮ ਲੀਡਰ ਮੁਨੀਸ਼ ਕੁਮਾਰ ਨੇ ਇਸ ਕਾਰ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਾਰ ਵਿੱਚ ਅੱਠ ਰੰਗ ਉਪਲਬਧ ਹਨ, ਇਹ ਸਨਰੂਫ ਵਿੱਚ,360 ਡਿਗਰੀ ਕੈਮਰਾ, ਰੀਅਰ ਏਸੀ ਆਦਿ ਕਇ ਵਿਸ਼ੇਸ਼ਤਾਵਾਂ ਨਾਲ ਲੈਸ ਹੈ । ਇਸ ਮੌਕੇ ਸੀਈਓ ਗੁਰਪ੍ਰੀਤ ਸਿੰਘ, ਜੀਐਮ ਸੂਰਜ ਸੂਦ, ਮੈਨੇਜਰ ਵਿਸ਼ਾਲ ਰਾਏ ਦੀਵਾਨ, ਟੀਮ ਲੀਡਰ ਮਨੀਸ਼ ਕੁਮਾਰ ਸ਼ਰਮਾ, ਕੁਲਦੀਪ ਸਿੰਘ, ਪ੍ਰਦੀਪ ਕੁਮਾਰ, ਡਾ: ਵਿਜੇ ਕੁਮਾਰ, ਕੈਪਟਨ ਕਰਨ ਸਿੰਘ, ਐਮ ਐਸ ਧੁੱਗਾ, ਦੀਪ ਬਰਿਆਣਾ, ਸਾਬਕਾ ਐਮਸੀ ਗੁਰਦੀਪ ਸਿੰਘ, ਕੈਪਟਨ ਸ. ਗੁਰਵਿੰਦਰ ਸਿੰਘ, ਨਿਤਿਨ, ਜੀਵਨ, ਦਿਸ਼ਾਂਤ, ਮੋਨੂੰ, ਗੋਪਾਲ ਐਰੀ, ਆਦਿ ਸ਼ਹਿਰ ਵਾਸੀ ਹਾਜ਼ਰ ਸਨ ।