ਇਨਵਰਵੀਲ ਕਲੱਬ ਵੱਲੋਂ ਡਾ ਡੇਅ ਤੇ ਸਿਵਲ ਹਸਪਤਾਲ ‘ਚ ਵੱਧੀਆਂ ਸੇਵਾਵਾਂ ਨਿਭਾ ਰਹੇ ਡਾਕਟਰਾਂ ਨੂੰ ਕੀਤਾ ਸਨਮਾਨਿਤ

ਡਾਕਟਰਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਇਹ ਕੋਈ ਨੋਕਰੀ ਨਹੀਂ ਬਲਕਿ ਮਨੁੱਖਤਾ ਦੀ ਬਹੁਤ ਵੱਡੀ ਸੇਵਾ ਹੈ : ਡਾ ਨਿੱਜਰ

ਬਟਾਲਾ 2 ਜੁਲਾਈ (ਅਵਿਨਾਸ਼ ਸ਼ਰਮਾ ) : ਇੰਨਰਵੀਲ ਕਲੱਬ ਬਟਾਲਾ ਵੱਲੋਂ ਦਫਤਰ ਸੀਨੀਅਰ ਮੈਡੀਕਲ ਅਫਸਰ, ਸਿਵਲ ਹਸਪਤਾਲ ਬਟਾਲਾ ਵਿਖੇ ਡਾਕਟਰ ਡੇਅ ਨੂੰ ਮਨਾਉਣ ਸਬੰਧੀ ਇੱਕ ਪ੍ਰੋਗਰਾਮ ਕੀਤਾ ਗਿਆ, ਜਿਸ ਵਿੱਚ ਡਾ. ਸਤਿੰਦਰ ਨਿੱਜਰ ਡਿਸਟ੍ਰਿਕ ਚੇਅਰਮੈਨ ਇੰਨਰਵੀਲ ਕਲੱਬ ਬਟਾਲਾ, ਸ਼੍ਰੀ ਮੀਨਾ ਚਾਂਡੇ ਪ੍ਰੈਜੀਡੈਂਟ, ਸ਼੍ਰੀ ਗਵਨੀਤ, ਸ਼੍ਰੀ ਅਨੂੰ ਵਰਮਾ, ਸ਼੍ਰੀ ਰਸਨੀਤ ਅਤੇ ਸ਼੍ਰੀ ਪੂਜਾ ਅਬਰੋਲ ਵੱਲੋਂ ਸ਼ਿਰਕਤ ਕੀਤੀ ਗਈ। ਇਸ ਮੌਕੇ ‘ਤੇ ਡਾ. ਸਤਿੰਦਰ ਨਿੱਜਰ ਡਿਸਟ੍ਰਿਕ ਚੇਅਰਮੈਨ ਇੰਨਰਵੀਲ ਕਲੱਬ ਬਟਾਲਾ ਵੱਲੋਂ ਡਾਕਟਰਾਂ ਦੇ ਕੰਮਕਾਜ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਗਿਆ ਕਿ ਉਹ ਇੱਕ ਨੌਕਰੀ ਨਹੀਂ ਬਲਕਿ ਮਨੁੱਖਤਾ ਦੀ ਇੱਕ ਬਹੁਤ ਵੱਡੀ ਸੇਵਾ ਕਰ ਰਹੇ ਹਨ। ਇੰਨਰਵੀਲ ਕਲੱਬ ਬਟਾਲਾ ਵੱਲੋਂ ਵਧੀਆ ਸਿਹਤ ਸੇਵਾਵਾਂ ਦੇਣ ਲਈ ਮਾਤਾ ਸੁਲੱਖਣੀ ਜੀ, ਸਿਵਲ ਹਸਪਤਾਲ ਦੇ ਡਾਕਟਰਾਂ ਡਾ. ਰਵਿੰਦਰ ਸਿੰਘ ਸੀਨੀਅਰ ਮੈਡੀਕਲ ਅਫਸਰ I/c, ਸਿਵਲ ਹਸਪਤਾਲ ਬਟਾਲਾ, ਡਾ. ਹਰਪਾਲ ਸਿੰਘ ਐਨੇਥੀਸੀਆ ਸਪੈਸ਼ਲਿਸਟ, ਡਾ. ਕੁਲਦੀਪ ਸਿੰਘ, ਐਨੇਸਥੀਸੀਆ ਸਪੈਸ਼ਲਿਸਟ, ਡਾ. ਹਰਪ੍ਰੀਤ ਸਿੰਘ ਆਰਥੋਪੈਡਿਕ ਸਰਜਨ, ਡਾ. ਪਰਜੀਤ ਕੌਰ ਸਰਜੀਕਲ ਸਪੈਸ਼ਲਿਸਟ, ਡਾ. ਭੁਪਿੰਦਰਜੀਤ ਕੌਰ ਗਾਇਨੀਕੋਲੋਜਿਸਟ, ਡਾ. ਤੇਜਿੰਦਰ ਕੌਰ ਸਕਿਨ ਸਪੈਸ਼ਲਿਸਟ, ਡਾ. ਰਵਿੰਦਰ ਸਿੰਘ ਬੱਚਿਆਂ ਦੇ ਮਾਹਿਰ, ਡਾ. ਰੀਤੂ ਪੁਨੀਤ ਕੌਰ ਟੀ.ਬੀ. ਅਤੇ ਚੈਸਟ ਸਪੈਸ਼ਲਿਸਟ ਨੂੰ ਸਨਮਾਨਿਤ ਕੀਤਾ ਗਿਆ।

ਅਖੀਰ ਵਿੱਚ ਡਾ. ਰਵਿੰਦਰ ਸਿੰਘ ਸੀਨੀਅਰ ਮੈਡੀਕਲ ਅਫਸਰ I/c, ਸਿਵਲ ਹਸਪਤਾਲ ਬਟਾਲਾ ਬਟਾਲਾ ਵੱਲੋਂ ਇੰਨਰਵੀਲ ਕਲੱਬ, ਬਟਾਲਾ ਦਾ ਸਿਵਲ ਹਸਪਤਾਲ ਬਟਾਲਾ ਦੇ ਡਾਕਟਰਾਂ ਦੀ ਹੌਂਸਲਾ ਅਫਜਾਈ ਕਰਨ ਲਈ ਦਿਲੋਂ ਧੰਨਵਾਦ ਕੀਤਾ ਗਿਆ ਅਤੇ ਇੰਨਰਵੀਲ ਕਲੱਬ ਬਟਾਲਾ ਨਾਲ਼ ਮਿਲ ਕੇ ਲੋਕਾਂ ਦੀ ਸੇਵਾ ਕਰਨ ਦਾ ਭਰੋਸਾ ਦਿਵਾਇਆ ਗਿਆ।