ਕਬਾੜ ਲੈ ਕੇ ਜਾ ਰਹੀ ਟਾਟਾ 407 ਬ੍ਰੇਕ ਨਾ ਲੱਗਣ ਕਾਰਨ ਪਲਟੀ 

ਤਿੰਨ ਸਵਾਰਾਂ ਦਾ ਹੋਇਆ ਬਾਲ-ਬਾਲ  ਬਚਾਅ  

ਕਾਠਗੜ੍ਹ, 02 ਜੁਲਾਈ (ਜਤਿੰਦਰ ਪਾਲ ਸਿੰਘ ਕਲੇਰ ) ਰੋਪਡ਼- ਬਲਾਚੌਰ ਰਾਜਮਾਰਗ ‘ਤੇ ਸਥਿਤ ਹਾਈਟੈਕ ਨਾਕੇ ਦੇ ਨੇੜੇ ਬੀਤੀ ਰਾਤ ਇੱਕ ਕਬਾੜ ਲੈ ਕੇ ਜਾ ਰਹੀ ਟਾਟਾ 407 ਗੱਡੀ ਬਰੇਕ ਨਾ ਲੱਗਣ ਕਰਕੇ ਪਲਟ ਗਈ ਲੇਕਿਨ ਇਸ ਹਾਦਸੇ ‘ਚ ਗੱਡੀ ‘ਚ ਸਵਾਰ ਤਿੰਨ ਵਿਅਕਤੀਆਂ ਦਾ ਵਾਲ-ਵਾਲ ਬਚਾਅ ਹੋ ਗਿਆ।

ਪੁਲਸ ਚੌਕੀ ਆਸਰੋਂ ਦੇ ਇੰਚਾਰਜ ਐਸ.ਆਈ ਮਨਜੀਤ ਸਿੰਘ ਨੇ ਹਾਦਸੇ ਦੀ  ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਬਾੜ ਨਾਲ ਲੱਦੀ ਇਕ  407 ਟਾਟਾ ਗੱਡੀ ਬੰਗਾ ਤੋਂ ਮੰਡੀ ਗੋਬਿੰਦਗੜ੍ਹ ਵੱਲ ਜਾ ਰਹੀ ਸੀ ਪ੍ਰੰਤੂ ਗੱਡੀ ਦੀਆਂ ਬਰੇਕਾਂ ਵਿੱਚ ਪਾਣੀ ਪੈ ਗਿਆ ਸੀ ਅਤੇ ਜਦੋਂ ਗੱਡੀ ਦਾ ਚਾਲਕ ਬਰੇਕ ਲਾਉਣ ਲੱਗਾ ਤਾਂ ਗੱਡੀ ਬੇਕਾਬੂ ਹੋ ਕੇ ਹਾਈਵੇ ਵਿਚਕਾਰ ਬਣੇ ਡਿਵਾਈਡਰ ਵੱਲ ਪਲਟ ਗਈ । ਇਸ ਹਾਦਸੇ ਵਿੱਚ ਗੱਡੀ ਦਾ ਤਾਂ ਕੁਝ ਨੁਕਸਾਨ ਹੋ ਗਿਆ ਪ੍ਰੰਤੂ ਗੱਡੀ ਦੇ ਚਾਲਕ ਸਮੇਤ ਤਿੰਨੇ ਵਿਅਕਤੀ ਵਾਲ ਵਾਲ ਬਚ ਗਏ ।