ਪੀ.ਐਚ.ਸੀ ਮੰਡ ਭੰਡੇਰ ਵਿਖੇ ਅੰਤਰਰਾਸ਼ਟਰੀ ਯੋਗਾ ਦਿਵਸ ਮਨਾਇਆ 

ਦਸੂਹਾ 21 ਜੂਨ (ਚੌਧਰੀ) : ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ. ਪਵਨ ਕੁਮਾਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਅਤੇ ਡਾ. ਸੁਰਿੰਦਰ ਪਾਲ ਸਿੰਘ ਸੀਨੀਅਰ ਮੈਡੀਕਲ ਅਫਸਰ ਮੁਢਲਾ ਸਿਹਤ ਕੇਂਦਰ ਮੰਡ ਭੰਡੇਰ ਜੀ ਦੀ ਯੋਗ ਅਗਵਾਈ ਹੇਠ ਮਿਤੀ 21-06-2022 ਨੂੰ ਪੀ. ਐਚ. ਸੀ. ਮੰਡ ਭੰਡੇਰ ਵਿਖੇ ਅੰਤਰਰਾਸ਼ਟਰੀ ਯੋਗਾ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਤੇ ਡਾ. ਐਸ. ਪੀ. ਸਿੰਘ ਜੀ ਨੇ ਦੱਸਿਆ ਕਿ ਯੋਗਾ ਕਰਨ ਨਾਲ ਅਸੀਂ ਆਪਣੇ ਸ਼ਰੀਰ ਨੂੰ ਤੰਦਰੁਸਤ ਰੱਖ ਸਕਦੇ ਹਾਂ। ਯੋਗਾ ਕਰਨ ਨਾਲ ਜਿੱਥੇ ਸ਼ਰੀਰਕ ਲਾਭ ਹੁੰਦਾ ਹੈ ਉੱਥੇ ਮਾਨਸਿਕ ਲਾਭ ਵੀ ਹੁੰਦਾ ਹੈ। ਕੰਮ ਕਰਨ ਵਿੱਚ ਮਨ ਲਗਦਾ ਹੈ। ਯੋਗਾ ਕਰਨ ਨਾਲ ਕਈ ਖਰਤਨਾਕ ਬਿਮਾਰੀਆਂ ਵੀ ਠੀਕ ਹੋ ਜਾਂਦੀਆਂ ਹਨ। ਉਹਨਾਂ ਨੇ ਯੋਗਾ ਨੂੰ ਵਿਸ਼ਵ ਲਈ ਭਾਰਤ ਦੀ ਮਹਾਨ ਦੇਣ ਦੱਸਿਆ।

ਰਾਜੀਵ ਕੁਮਾਰ ਬੀ. ਈ. ਈ. ਨੇ ਦੱਸਿਆ ਕਿ ਰੋਜਾਨਾ 30 ਮਿੰਟ ਯੋਗਾ ਕਰਨਾ ਕਾਫੀ ਹੁੰਦਾ ਹੈ। ਯੋਗਾ ਕਰਕੇ ਅਸੀਂ ਬਿਮਾਰੀਆਂ ਤੋਂ ਬੱਚ ਸਕਦੇ ਹਾਂ। ਇਸ ਨਾਲ ਆਰਥਿਕ ਪੱਖੋਂ ਵੀ ਫਾਇਦਾ ਹੁੰਦਾ ਹੈ। ਸਾਨੂੰ ਸਾਰਿਆ ਨੂੰ ਆਪ ਵੀ ਯੋਗਾ ਕਰਨਾ ਚਾਹੀਦਾ ਹੈ ਅਤੇ ਲੋਕਾਂ ਨੂੰ ਵੀ ਇਸ ਦੇ ਫਾਇਦੇ ਦਸਦੇ ਹੋਏ ਜਾਗਰੂਕ ਕਰਨਾ ਚਾਹੀਦਾ ਹੈ। ਇਸ ਮੌਕੇ ਡਾ. ਵਰੁਣ ਨਈਅਰ, ਡਾ. ਸਾਹਿਲ ਪਵਨ, ਸ੍ਰੀਮਤੀ ਜਸਵੀਰ ਕੌਰ ਨਰਸਿੰਗ ਅਫਸਰ, ਪਰਵਿੰਦਰ ਸਿੰਘ ਮਲਹੋਤਰਾ, ਸੰਦੀਪ ਕੁਮਾਰ, ਸਤਪਾਲ ਸਿੰਘ ਐਮ. ਐਲ. ਟੀ., ਸੀ ਰਜੇਸ਼ ਕੁਮਾਰ,  ਹਰਪਾਲ ਸਿੰਘ ਸ.ਪ.ਹ.ਸ. ਮੇਲ) ਅਤੇ ਪਿੰਡ ਵਾਸੀ ਹਾਜ਼ਰ ਸਨ।