ਸੜਕ ਬਣਾਉਣ’ਚ ਹੋ ਰਹੀ ਦੇਰੀ ਤੇ ਸਰਕਾਰ ਵਿਰੁੱਧ ਲਾਇਆ ਧਰਨਾ 

ਗੜ੍ਹਦੀਵਾਲਾ,8 ਜੂਨ (ਚੌਧਰੀ ) : ਧੀਮੀ ਗਤੀ ਨਾਲ ਸੜਕ ਬਣਾਉਣ ਦੇ ਖਿਲਾਫ ਇਲਾਕਾ ਵਾਸੀਆਂ ਵਲੋਂ ਸਰਕਾਰ ਖਿਲਾਫ
ਰਵਿੰਦਰ ਸਿੰਘ ਕਾਹਲੋਂ ਪ੍ਰਧਾਨ ਸ਼ਹੀਦ ਭਗਤ ਸਿੰਘ ਕ੍ਰਾਂਤੀਕਾਰੀ ਸੁਸਾਇਟੀ ਵਲੋਂ ਧਰਨਾ ਦਿੱਤਾ ਗਿਆ ਤੇ ਇਸ ਧਰਨੇ ’ਚ ਜੰਗਵੀਰ ਸਿੰਘ ਚੌਹਾਨ ਪ੍ਰਧਾਨ ਦੋਆਬਾ ਕਿਸਾਨ ਸੰਘਰਸ਼ ਕਮੇਟੀ ਪੰਜਾਬ ਨੇ ਉਚੇਚੇ ਤੌਰ ’ਤੇ ਸ਼ਿਰਕਤ ਕੀਤੀ ਤੇ ਜੇ.ਈ ਅਨਿਲ ਕੁਮਾਰ ਪੀ.ਡਬਲਯੂ.ਡੀ ਦੇ ਭਰੋਸੇ ’ਤੇ ਧਰਨਾ ਖਤਮ ਕੀਤਾ ਗਿਆ। ਇਸ ਮੌਕੇ ਰਵਿੰਦਰ ਸਿੰਘ ਕਾਹਲੋਂ ਤੇ ਜੰਗਵੀਰ ਸਿੰਘ ਚੌਹਾਨ ਨੇ ਕਿਹਾ ਬੜੇ ਚਿਰ ਤੋਂ ਲੋਕਾਂ ਦੀ ਮੰਗ ਸੀ ਕਿ ਅੱਡਾ ਭੂੰਗਾ ਤੋਂ ਢੋਲਵਾਹਾ (ਕਰੀਬ 8 ਕਿਲੋਮੀਟਰ) ਤੱਕ 18 ਫੁੱਟ ਚੌੜੀ ਸੜਕ ਬਣਾਈ ਜਾਏ, ਜਿਸ ਨੂੰ ਬਣਾਉਣ ਲਈ ਪਿਛਲੀ ਸਰਕਾਰ ਵਲੋਂ ਕੰਮ ਸ਼ੁਰੂ ਕਰਵਾਇਆ ਗਿਆ ਜੋ ਅਜੇ ਤੱਕ ਸੜਕ ਦਾ ਮਾਮੂਲੀ ਜਿਹਾ ਕੰਮ ਸ਼ੁਰੂ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਇਸ ਸੜਕ ਕੰਮ 9 ਮਹੀਨੇ ਦੇ ਚੱਲਦੇ ਸਿਰਫ 5 ਫੀਸਦੀ ਹੀ ਸੜਕ ਦਾ ਕੰਮ ਹੀ ਹੋਇਆ ਜਦਕਿ ਬਾਕੀ ਸਮੇਂ ਅੰਦਰ 95 ਫੀਸਦੀ ਸੜਕ ਮੁਕੰਮਲ ਕਿਸ ਤਰ੍ਹਾਂ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਸੜਕ ਦੇ ਕੁਝ ਹਿੱਸੇ ’ਤੇ ਪੱਥਰ ਤੇ ਮਿੱਟੀ ਪਾਈ ਹੋਈ ਹੈ, ਜਿਸ ਨਾਲ ਇਲਾਕੇ ਦੇ ਲੋਕਾਂ ਨੂੰ ਭਾਰੀ ਦਿਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਪਰ ਸਰਕਾਰ ਤੇ ਵਿਭਾਗ ਇਸ ਵੱਲ ਕੋਈ ਵੀ ਧਿਆਨ ਨਹੀਂ ਦੇ ਰਿਹਾ, ਜਿਸ ਲਈ ਵਿਭਾਗ ਪੀ.ਡਬਲਯੂ.ਡੀ ਤੇ ਹਲਕਾ ਵਿਧਾਇਕ ਨੂੰ ਵਾਰ ਵਾਰ ਬੇਨਤੀ ਕੀਤੀ ਪਰ ਇਸ ਸਮੱਸਿਆ ਦਾ ਕੋਈ ਵੀ ਹੱਲ ਨਹੀ । ਉਨ੍ਹਾਂ ਦੱਸਿਆ ਕਿ ਜੇਕਰ ਸਰਕਾਰ ਨੇ ਇਸ ਸੜਕ ਦਾ ਜਲਦ ਕੰਮ ਸ਼ੁਰੂ ਨਾ ਕਰਵਾਇਆ ਤਾਂ ਇਸ ਸੰਘਰਸ਼ ਨੂੰ ਹੋਰ ਤਿੱਖਾ ਕੀਤਾ ਜਾਏਗਾ, ਇਸ ਮੌਕੇ ਇਹ ਵੀ ਫੈਸਲਾ ਕੀਤਾ ਗਿਆ ਕਿ ਜਲਦ ਹੀ ਵਿਧਾਇਕ ਡਾ.ਰਵਜੋਤ ਸਿੰਘ ਨੂੰ ਮੰਗ ਪੱਤਰ ਦਿੱਤਾ ਜਾਏਗਾ।ਇਸ ਮੌਕੇ ਜੇ.ਈ ਅਨਿਲ ਕੁਮਾਰ ਪੀ.ਡਬਲਯੂ.ਡੀ ਨੇ ਧਰਨੇ ’ਤੇ ਆ ਕੇ
ਕਿਹਾ ਕਿ ਪਿਛਲੇ ਦਿਨੀ ਮਾਈਨਿੰਗ ਦੀ ਸਮੱਸਿਆ ਕਾਰਨ ਸੜਕ ਦਾ ਕੰਮ ਬੰਦ ਹੋਇਆ ਸੀ ਤੇ ਹੁਣ ਕੰਮ ਸ਼ੁਰੂ ਹੋ ਚੁੱਕਾ ਹੈ ਤੇ ਮਿੱਥੇ ਸਮੇਂ ਅੰਦਰ ਹੀ ਮੁਕੰਮਲ ਕਰ ਦਿੱਤਾ ਜਾਏਗਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮਨਿੰਦਰ ਸਿੰਘ ਟਿੰਮੀ ਸ਼ਾਹੀ,ਦਵਿੰਦਰ ਸਿੰਘ ਸੋਨੀ,ਰਾਜ ਕੁਮਾਰ,ਅਮਰੀਕ ਸਿੰਘ ਕਾਹਲਵਾਂ,ਅਵਤਾਰ ਸਿੰਘ, ਜਸਵਿੰਦਰ ਸਿੰਘ,ਬਲਵਿੰਦਰ ਸਿੰਘ, ਕਮਲਜੀਤ ਸਿੰਘ ਨੂਰਪੁਰ, ਦੀਪਕ ਕੁਮਾਰ, ਕਰਨਵੀਰ ਰੋੜਾ ਅਤੇ ਹੋਰ ਹਾਜ਼ਰ ਸਨ।
ਫੋਟੋ :  ਸਰਕਾਰ ਵਿਰੁੱਧ ਨਆਰੇਬਾਜੀ ਕਰਦੇ ਹੋਏ ਜੱਕੇਬੰਦੀ ਦੇ ਆਗੂ ਅਤੇ ਹੋਰ।