ਸ਼ਹੀਦ ਭਗਤ ਸਿੰਘ ਚੈਰੀਟੇਬਲ ਸੁਸਾਇਟੀ ਰਜਿ:ਗੜਸ਼ੰਕਰ ਵਲੋਂ ਲੋੜਵੰਦ ਨੂੰ ਰੇਹੜਾ ਰਿਕਸ਼ਾ ਭੇਟ ਕੀਤਾ

ਗੜਸ਼ੰਕਰ (ਜਤਿੰਦਰ ਪਾਲ ਸਿੰਘ ਕਲੇਰ ) ਅੱਜ ਸ਼ਹੀਦ ਭਗਤ ਸਿੰਘ ਸਮਾਰਕ ਗੜਸ਼ੰਕਰ ਵਿਖੇ ਲੋੜਵੰਦ ਅਨੂਪ ਸਿੰਘ ਨੂੰ ਰੇਹੜਾ ਰਿਕਸ਼ਾ ਸ਼ਹੀਦ ਭਗਤ ਸਿੰਘ ਚੈਰੀਟੇਬਲ ਰਜਿ: ਸੁਸਾਇਟੀ ਵਲੋਂ ਸੁਰਿੰਦਰ ਕੁਮਾਰ ਭੱਜਲ, ਅਵਿਨਾਸ਼ ਕੁਮਾਰ ਸ਼ਰਮਾ ਨੇ ਭੇਂਟ ਕੀਤਾ। ਇਸ ਮੌਕੇ ਦਰਸ਼ਨ ਸਿੰਘ ਮੱਟੂ ਪ੍ਰਧਾਨ, ਰਣਜੀਤ ਸਿੰਘ ਬੰਗਾ ਸਕੱਤਰ, ਮੋਟੀਵੇਟਰ ਰੌਕੀ ਮੋਲਾ, ਬੀਬੀ ਸੁਭਾਸ਼ ਮੱਟੂ, ਪ੍ਰੋਫੈਸਰ ਸੁਭਾਸ਼ ਜੋਸ਼ੀ, ਹੈਪੀ ਸਾਧੋਵਾਲ, ਮਨਜੀਤ ਸਿੰਘ, ਗੁਰਪ੍ਰੀਤ ਕੌਰ ਆਦਿ ਹਾਜਰ ਸੀ। ਦਰਸ਼ਨ ਸਿੰਘ ਮੱਟੂ ਨੇ ਕਿਹਾ ਸਾਡਾ ਟਰੱਸਟ ਲੋੜਵੰਦਾਂ ਦੀ ਲਗਾਤਾਰ ਮੱਦਦ ਕਰ ਰਿਹਾ ਹੈ। ਉਹਨਾਂ ਨੇ ਕਿਹਾ ਕਿ ਸਾਰੇ ਸਾਥੀਆਂ ਨੂੰ 5 ਜੂਨ ਨੂੰ ਵਣ ਮਹਾਂਉਤਸਵ ਮੌਕੇ ਘਟੋ ਘੱਟ ਦੋ ਬੂਟੇ ਲਗਾਕੇ ਪਾਲਣੇ ਚਾਹੀਦੇ ਹਨ ਤਾਂ ਕਿ ਵਾਤਾਵਰਣ ਪ੍ਰੇਮੀ ਬਣ ਸਕੀਏ।ਬੀਬੀ ਸੁਭਾਸ਼ ਮੱਟੂ ਨੇ ਆਏ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ ਅਤੇ ਖੂਨਦਾਨ ਕੈਂਪ ਲਗਾਉਣ ਤੇ ਲੋੜਵੰਦਾਂ ਦੀ ਮੱਦਦ ਕਰਨ ਦੀ ਅਪੀਲ ਕੀਤੀ।