ਹੋਮਿਓਪੈਥਿਕ ਮਹੀਨਾਵਾਰ ਮੁਫਤ ਕੈਂਪ ਆਯੋਜਿਤ
ਦਸੂਹਾ 27 ਮਈ (ਚੌਧਰੀ) : ਸੈਮ ਢਿੱਲੋਂ ਵੈਲਫੇਅਰ ਸੁਸਾਇਟੀ (ਰਜਿ) ਵਲੋਂ ਪਿੰਡ ਕਲੋਆ,ਨਜਦੀਕ ਟਾਂਡਾ ਵਿਖੇ ਮਹੀਨਾਵਾਰ ਹੋਮਿਓਪੈਥਿਕ ਦਾ ਮੁਫਤ ਕੈਂਪ ਲਗਾਇਆ ਗਿਆ।ਇਸ ਕੈਂਪ ਵਿੱਚ ਡਾਕਟਰ ਮਨਜੀਤ ਸਿੰਘ ਨੇ 95 ਮਰੀਜ਼ਾਂ ਦਾ ਚੈੱਕ ਅਪ ਕਰਕੇ ਮੁਫਤ ਦਵਾਈਆਂ ਦਿੱਤੀਆਂ।
ਇੱਥੇ ਇਹ ਗੱਲ ਵਿਸ਼ੇਸ਼ ਤੌਰ ਤੇ ਦੱਸਣ ਯੋਗ ਹੈ ਕਿ ਇਸ ਵੈਲਫੇਅਰ ਸੁਸਾਇਟੀ ਦੇ ਸਰਪ੍ਰਸਤ ਸਰਦਾਰ ਸਰਮੁੱਖ ਸਿੰਘ ਢਿਲੋਂ ਵਲੋਂ ਹਰ ਸਾਲ ਅਨੇਕਾਂ ਅੱਖਾਂ ਦੇ ਕੈਂਪ ਲਗਾਏ ਜਾਂਦੇ ਰਹੇ ਹਨ।ਉਹ ਇਸ ਸੁਸਾਇਟੀ ਰਾਹੀਂ ਗਰੀਬ ਲੜਕੀਆਂ ਦੀ ਸ਼ਾਦੀ ਕਰਨ ਲਈ ਗਰੀਬ ਲੋਕਾਂ ਦੀ ਸਹਾਇਤਾ ਕਰਦੇ ਆ ਰਹੇ ਹਨ। ਅੱਜ ਦੇ ਇਸ ਕੈਂਪ ਦਾ ਪ੍ਰਬੰਧ ਸੁਸਾਇਟੀ ਦੇ ਜਨਰਲ ਸਕੱਤਰ ਜਗਤਾਰ ਸਿੰਘ, ਤਰਸੇਮ ਲਾਲ ਅਤੇ ਹੋਰ ਮੈਂਬਰਾਂ ਨੇ ਬੜੀ ਮਿਹਨਤ ਨਾਲ ਕੀਤਾ। ਇਸ ਮੌਕੇ ਮਾਸਟਰ ਸੁਰਜੀਤ ਸਿੰਘ
ਪਰੈਜੀਡੈਂਟ ਤੇ ਸੈਮ ਢਿੱਲੋਂ ਵੈਲਫੇਅਰ ਸੁਸਾਇਟੀ(ਰਜਿ) ਕਲੋਆ ਦੇ ਸਮੂਹ ਮੈਬਰ ਸਹਿਬਾਨ ਹਾਜਰ ਸਨ।
