ਚੋਰਾਂ ਵਲੋਂ ਇਕ ਮੋਬਾਇਲਾਂ ਦੀ ਦੁਕਾਨ ਦਾ ਸ਼ਟਰ ਪੁੱਟ ਚੋਰੀ ਦੀ ਵਾਰਦਾਤ ਨੂੰ ਦਿੱਤਾ ਅੰਜਾਮ 

ਬਲਾਚੌਰ 24 ਮਈ (ਜਤਿੰਦਰ ਪਾਲ ਸਿੰਘ ਕਲੇਰ ) ਬੀਤੀ ਰਾਤ ਚਣਕੋਆ ਅੱਡੇ ‘ਚ ਚੋਰਾਂ ਵਲੋਂ ਇਕ ਮੋਬਾਇਲਾਂ ਦੀ ਦੁਕਾਨ ਦਾ ਸ਼ਟਰ ਪੁੱਟ ਕੇ ਚੋਰੀ ਕਰ ਲਏ ਜਾਣ ਦੀ ਖ਼ਬਰ ਹੈ | ਇਸ ਬਾਰੇ ਦੁਕਾਨਦਾਰ ਰਾਮ ਕੁਮਾਰ ਪੁੱਤਰ ਮਸਤ ਰਾਮ ਪਿੰਡ ਚਣਕੋਆ ਨੇ ਦੱਸਿਆ ਕਿ ਬੀਤੀ ਸ਼ਾਮ ਵੇਲੇ ਉਹ ਦੁਕਾਨ ਬੰਦ ਕਰਕੇ ਘਰੇ ਚਲਾ ਗਿਆ ਸੀ|ਜਦੋਂ ਸਵੇਰੇ ਦੁਕਾਨ ‘ਤੇ ਆਇਆ ਤਾਂ ਚੋਰਾਂ ਵਲੋਂ ਇਕ ਪਾਸੇ ਤੋਂ ਦੁਕਾਨ ਦਾ ਸ਼ਟਰ ਜਿੰਦਰਾ ਵੱਢ ਕੇ ਉੱਪਰ ਨੂੰ ਚੁੱਕਿਆ ਹੋਇਆ ਸੀ | ਜਦੋਂ ਅੰਦਰ ਜਾ ਕੇ ਵੇਖਿਆ ਤਾਂ ਚੋਰਾਂ ਵਲੋਂ ਗੱਲੇ ਵਿਚ ਰੱਖੇ 11000 ਰੁ. ਨਕਦ, 7 ਨਵੇਂ ਕੀ ਪੈਡ ਵਾਲੇ ਮੋਬਾਇਲ, 3 ਮੁਰੰਮਤ ਲਈ ਆਏ ਮੋਬਾਇਲ ਤੇ ਇਕ ਟੈਬਲੇਟ ਚੋਰੀ ਕਰ ਲਿਆ ਗਿਆ | ਜਿਸ ਦੀ ਸੂਚਨਾ ਥਾਣਾ ਬਲਾਚੌਰ ਵਿਖੇ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ | ਪੁਲਿਸ ਨੇ ਮੌਕਾ ਦੇਖ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |