ਇਲਾਕੇ ਅੰਦਰ ਵੱਧਦੀਆ ਵਾਰਦਾਤਾਂ ਨੂੰ ਠੱਲ ਪਾਉਣ ਲਈ ਪੁਲਿਸ ਵਲੋਂ ਵਿਸ਼ੇਸ ਜਾਂਚ ਮੁਹਿੰਮ ਕੀਤੀ ਸੁਰੂ
ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਬਲਾਚੌਰ ਇਲਾਕੇ ਅੰਦਰ ਚੋਰ ਅਤੇ ਝਪਟਮਾਰ ਕਿਸਮ ਦਾ ਸਰਗਰਨਾ ਪੂਰੀ ਤਰ੍ਹਾਂ ਨਾਲ ਸਰਗਰਮ ਹੈ ਜਿਸ ਵਲੋਂ ਲਗਾਤਾਰ ਵੱਖ ਵੱਖ ਚੋਰੀ ਦੀਆ ਵਾਰਦਾਤਾ ਨੂੰ ਅੰਜ਼ਾਮ ਦਿੱਤਾ ਜਾ ਰਿਹਾ ਹੈ । ਬੀਤੇ ਕੁੱਝ ਦਿਨਾ ਅੰਦਰ ਹੀ ਖਾਸ ਕਰਕੇ ਮੋਟਰ ਸਾਇਕਲ ਚੋਰੀ ਹੋਣ ਦੀਆਂ ਘਟਨਾਵਾਂ ਵਿੱਚ ਕਾਫੀ ਵਾਧਾ ਹੋਇਆ ਹੈ । ਇੱਥੋ ਤੱਕ ਕਿ ਤਹਿਸੀਲ ਕੰਪਲੈਕਸ ਬਲਾਚੌਰ ਲਾਗਿਓ ਅਤੇ ਅੰਦਰ ਪਾਰਕਿੰਗ ਵਿੱਚੋ ਵੀ ਮੋਟਰ ਸਾਇਕਲ ਚੋਰੀ ਹੋ ਚੁੱਕੇ ਹਨ। ਇਹਨਾਂ ਘਟਨਾਵਾਂ ਨੂੰ ਰੋਕਣ ਅਤੇ ਸਰਗਰਮ ਗਰੋਚ ਨੂੰ ਦਬੋਚਨ ਲਈ ਪੁਲਿਸ ਅੱਜ ਸਵੇਰ ਤੋਂ ਹੀ ਪੂਰੀ ਤਰ੍ਹਾਂ ਨਾਲ ਸਰਗਰਮ ਨਜ਼ਰ ਆਈ ।ਪੁਲਿਸ ਵਲੋਂ ਜਿੱਥੇ ਤਹਿਸੀਲ ਕੰਪਲੈਕਸ ਬਲਾਚੌਰ ਅੰਦਰ ਅਤੇ ਬਾਹਰ ਆਉਣ ਜਾਣ ਵਾਲੇ ਸੱ਼ਕੀ ਨੌਜਵਾਨਾ ਦੀ ਤਲਾਸੀ ਮੁਹਿੰਮ ਅਰੰਭ ਕੀਤੀ ਗਈ ਉਥੇ ਹੀ ਵਿਸ਼ੇਸ ਤੌਰ ਤੇ ਡੀਐਸਪੀ ਬਲਾਚੌਰ ਤਰਲੋਚਨ ਸਿੰਘ ਵਲੋਂ ਵੀ ਪੁਲਿਸ ਟੀਮਾ ਦੀ ਸਹਾਇਤਾ ਨਾਲ ਵੱਖ ਵੱਖ ਸੜਕਾਂ ਉਪਰ ਆਉਣ ਜਾਣ ਵਾਲੇ ਵਾਹਨ ਚਾਲਕਾ ਦੀ ਚੈਕਿੰਗ ਕੀਤੀ ਗਈ ਅਤੇ ਸੱਕੀ ਨੌਜਵਾਨਾ ਨੂੰ ਦੀ ਡੁੰਘਾਈ ਨਾਲ ਪੜਤਾਲ ਕੀਤੀ ਗਈ । ਪੁਲਿਸ ਦਾ ਕਹਿਣਾ ਹੈ ਕਿ ਉਹਨਾ ਵਲੋਂ ਜਲਦ ਹੀ ਮੋਟਰ ਸਾਇਕਲ ਚੋਰ ਗਰੋਹ ਨੂੰ ਕਾਬੂ ਕਰ ਲਿਆ ਜਾਵੇਗਾ।
ਫੋਟੋ: ਡੀਐਸਪੀ ਬਲਾਚੌਰ ਤਰਲੋਚਨ ਸਿੰਘ ਪੁਲਿਸ ਟੀਮ ਸਮੇਤ ਸੱਕੀ ਨੌਜਵਾਨਾ ਤੋਂ ਪੜਤਾਲ ਕਰਦੇ ਹੋਏ।
