ਐਕਟਿਵਾ ਸਵਾਰ ਵਿਅਕਤੀ 10 ਕਿਲੋ ਗ੍ਰਾਮ ਚੂਰਾ ਪੋਸਤ ਸਮੇਤ ਪੁਲਸ ਅੜਿੱਕੇ 

ਮਾਹਿਲਪੁਰ 18 ਮਈ (ਬਿਊਰੋ ) : ਸਧਾਨਕ ਪੁਲਸ ਨੇ 10 ਕਿਲੋ ਗ੍ਰਾਮ ਚੂਰਾ ਪੋਸਤ ਸਮੇਤ ਇੱਕ ਵਿਅਕਤੀ ਨੂੰ ਕਾਬੂ ਕਰਨ ਦਾ ਦਾਅਵਾ ਕੀਤਾ ਹੈ ।ਮੁਲਜ਼ਮ ਦੀ ਪਛਾਣ ਗੁਰਚਰਨ ਸਿੰਘ ਪੁੱਤਰ ਅੱਛਰ ਸਿੰਘ ਵਾਸੀ ਪੰਜੋੜਾ ਥਾਣਾ ਮੇਹਟੀਆਣਾ ਵਜੋਂ ਹੋਈ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਏ ਐਸ ਆਈ ਬਲਜਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਨਾਕਾਬੰਦੀ ਦੇ ਸਬੰਧ ਵਿਚ ਪਿੰਡ ਨਗਦੀਪੁਰ ਨਹਿਰ ਵਾਲੀ ਸੜਕ ਪਰ ਠੇਕੇ ਸ਼ਰਾਬ ਤੋਂ ਥੋੜਾ ਪਿੱਛੇ ਨਾਕਬੰਦੀ ਕੀਤੀ ਹੋਈ ਸੀ ਅਤੇ ਸ਼ੱਕੀ ਪੁਰਸ਼ਾਂ ਅਤੇ ਵਹੀਕਲਾਂ ਦੀ ਕੀਤੀ ਜਾ ਰਹੀ ਸੀ ਤਾਂ ਇਕ ਐਕਟਿਵਾ ਜਿਸ ਨੂੰ ਇਕ ਸਰਦਾਰ ਨੌਜਵਾਨ ਚਲਾ ਰਿਹਾ ਸੀ ਜੋ ਇਸਪੁਰ ਤੋਂ ਕੋਟਫਤੂਹੀ ਨੂੰ ਆ ਰਿਹਾ ਸੀ ਜਿਸ ਨੂੰ ਨਾਕਾਬੰਦੀ ਪਰ ਟਾਰਚ ਦਾ ਇਸ਼ਾਰਾ ਦੇ ਕੇ ਰੁਕਣ ਦਾ ਇਸ਼ਾਰਾ ਕੀਤਾ ਜੋ ਨਾਕਬੰਦੀ ਦੇਖ ਕੇ ਯਕਦਮ ਮੋੜਨ ਲੱਗਾ ਜਿਸ ਨੂੰ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਨਾਮ ਪਤਾ ਪੁਛਿਆ। ਜਿਸ ਨੇ ਆਪਣਾ ਨਾਮ ਗੁਰਚਰਨ ਸਿੰਘ ਪੁੱਤਰ ਅੱਛਰ ਸਿੰਘ ਵਾਸੀ ਪੰਜੋੜਾ ਥਾਣਾ ਮੇਹਟੀਆਣਾ ਦੱਸਿਆ ਜਿਸ ਦੀ ਐਕਟਿਵਾ ਦਾ ਨੰਬਰ PB 24 C 0561 ਰੰਗ ਚਿੱਟਾ ਤੇ ਸਵਾਰ ਸੀ। ਜਿਸ ਉਪਰ ਰੱਖੇ ਬੋਰੇ ਦੀ ਤਲਾਸੀ ਕੀਤੀ ਗਈ ਜਿਸ ਵਿਚੋਂ 10 ਕਿਲੋ ਗ੍ਰਾਮ ਚੂਰਾ ਪੋਸਤ ਬਰਾਮਦ ਹੋਏ।ਜਿਸ ਤੇ ਮੁਕੱਦਮਾ ਦਰਜ ਰਜਿਸਟਰ ਕੀਤਾ ਗਿਆ।