ਪੀਐੱਚਸੀ ਸੜੋਆ ਦੀ ਸਿਹਤ ਸੁਧਾਰ ਲਈ ਇਲਾਕਾ ਨਿਵਾਸੀਆਂ ਨੇ ਦਿੱਤਾ ਮੰਗ ਪੱਤਰ

ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਸਥਾਨਕ ਪਿੰਡ ਸੜੋਆ ਨਿਵਾਸੀਆ ਵਲੋਂ ਅੱਜ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਦੇ ਗ੍ਰਹਿ ਪਿੰਡ ਸਿਆਣਾ ਵਿਖੇ ਪੀਐਚਸੀ ਸੜੋਆ ਵਿਖੇ ਲੰਮੇ ਸਮੇਂ ਤੋਂ ਚੱਲ ਰਹੀ ਡਾਕਟਰਾ , ਸਟਾਫ ਅਮਲੇ ਸਮੇਤ ਹੋਰ ਸਾਜੋ ਸਮਾਨ ਦੀ ਪੂਰਤੀ ਲਈ ਰਾਣਾ ਜਸਵੀਰ ਸਿੰਘ ਸਰਪੰਚ ਪਿੰਡ ਸੜੋਆ ਦੀ ਅਗਵਾਈ ਵਿੱਚ ਮੰਗ ਪੱਤਰ ਦਿੱਤਾ ਗਿਆ । ਉਹਨਾ ਮੰਗ ਪੱਤਰ ਰਾਹੀਂ ਅਪੀਲ ਕੀਤੀ ਕਿ ਇਸ ਹਸਪਤਾਲ ਵਿੱਚ ਮੀਟਿੰਗ ਹਾਲ ਨਹੀ ਹੈ, ਮਰੀਜ਼ਾ ਅਤੇ ਸਟਾਫ ਦੇ ਵਾਹਨ ਖੜੇ ਕਰਨ ਲਈ ਕੋਈ ਨਿਸਚਿਤ ਸਥਾਨ ਅਤੇ ਆਮ ਲੋਕਾ ਦੇ ਵਾਹਨਾ ਲਈ ਪਾਰਕਿੰਗ ਸੈਂਡ ਨਹੀ ਹੈ, ਬਿਲਡਿੰਗ ਦੀ ਹਾਲਤ ਕਾਫੀ ਖਸਤਾ ਹੋਣ ਕਾਰਨ ਮੇਜਰ ਰਿਪੇਅਰ ਕਰਾਉਣ ਦੀ ਲੋੜ ਹੈ, ਹਸਪਤਾਲ ਵਿਚਕਾਰ ਆਮ ਰਸਤਾ ਹੈ , ਜਿਸ ਦੀ ਚਾਰ ਦੀਵਾਰੀ ਨਹੀ ਹੈ, ਡਿਜ਼ੀਟਲ ਐਕਸਰੇ ਮਸ਼ੀਨ ਨਹੀ ਹੈ, ਐਬੂਲੈਸ ਸਮੇਤ ਡਰਾਇਵਰ ਦੀ ਲੋੜ ਹੈ, ਹਸਪਤਾਲ ਦਾ ਸਟਾਫ ਜਿਹੜਾ ਕਿ ਆਰਜੀ ਤੋਰ ਤੇ ਹੋਰ ਸੰਸਥਾਵਾਂ ਵਿੱਚ ਤੈਨਾਤ ਹੈ ਜਿਨ੍ਹਾਂ ਦੇ ਡੈਪੂਟੇਸ਼ਨ ਤੁਰੰਤ ਰੱਦ ਹੋਣ ਯੋਗ ਹਨ , ਸਫਾਈ ਸੇਵਕ ਲਗਾਏ ਜਾਣ , ਮਰੀਜਾ ਲਈ ਵਾਟਰ ਕੂਲਰ ਲਗਾਏ ਜਾਣ , ਹਸਪਤਾਲ ਵਿੱਚ ਪੁਰਾਣੇ ਦਰੱਖਤਾਦੀ ਕਟਾਈ ਕਰਾਈ ਜਾਵੇ, ਹਸਪਤਾਲ ਵਿੱਚ ਮੈਡੀਕਲ ਅਫਸਰਾਂ ਦੀਆਂ ਅਸਾਮੀਆਂ ਜਿਨ੍ਹਾਂ ਵਿੱਚ ਇੱਕ ਅਸਾਮੀ ਸੀਐਚਸੀ ਸੜੋਆ, ਐੱਸਐਚਸੀ ਵਿੱਚ 5 ਮੈਡੀਕਲ ਅਫਸਰ, 2 ਮਾਰਮੇਸ਼ੀ ਅਫਸਰ, ਐੱਸਐਚਸੀ ,3 ਸਟਾਫ ਨਰਸ ਅਤੇ ਦਫਤਰ ਵਿੱਚ ਕਲੈਰੀਕਲ ਅਮਲੇ ਦੀਆ ਸਾਰੀਆ ਹੀ ਅਸਾਮੀਆ ਜੋ ਖਾਲੀ ਹਨ ਨੂੰ ਭਰਿਆ ਜਾਵੇ, ਸੰਸਥਾ ਅਧੀਨ ਆਉਦੀਆਂ ਡਿਸਪੈਂਸਰੀਆ /ਮਿੰੰਨੀ ਪੀਐੱਚਸੀਜ ਦੀ ਬਿਲਡਿੰਗ ਦੀ ਬਹੁਤ ਖਸਤਾ ਹਾਲਤ ਹੈ ਦੀ ਰਿਪੇਅਰ , ਐਮਰਜੈਂਸੀ ਵਾਰਡ , ਮੇਲ ਵਾਰਡ ਅਤੇ ਫੀਮੇਲ ਵਾਰਡ ਬਣਾਇਆ ਜਾਵੇ ਅਤੇ ਸੜੋਆ ਅਧੀਨ 70 ਪਿੰਡ ਆਉਂਦੈ ਹਨ। ਇਸ ਪੀਐਚਸੀ ਨੂੰ (ਅਪਗਰੇਡ ) ਵਿੱਚ ਹਸਪਤਾਲ ਬਣਾਇਆ ਜਾਵੇ।ਉਹਨਾ ਮੰਗ ਕੀਤੀ ਕਿ ਲੋਕ ਹਿੱਤ ਨੂੰ ਮੁੱਖ ਰੱਖਦੇ ਹੋਏ ਮੰਗਾ ਨੂੰ ਧਿਆਨ ਵਿੱਚ ਲਿਆਂਦਾ ਜਾਵੇ ਤਾਂ ਜੋ ਪੀਐਚਸੀ ਸੜੋਆ ਅਤੇ ਇਸ ਅਧੀਨ ਆਉਂਦੀਆਂ ਸੰਸਥਾਵਾਂ ਨੂੰ ਸੰਚਾਰੂ ਢੰਗ ਨਾਲ ਚਲਾਇਆ ਜਾ ਸਕੇ।ਇਸ ਮੌਕੇ ਹੁਸ਼ਨ ਲਾਲ ਪੰਚ ਸੜੋਆ, ਸੁਰਜੀਤ ਕੌਰ ਪੰਚ, ਸੋਹਣ ਲਾਲ ਪੰਚ , ਬਬੀਤਾ ਪੰਚ, ਬਲਵਿੰਦਰ ਕੌਰ ਬਲਾਕ ਸੰਮਤੀ ਮੈਬਰ ਸਮੇਤ ਹੋਰ ਵੀ ਪ੍ਰਮੁੱਖ ਸਖਸ਼ੀਅਤਾ ਹਾਜ਼ਰ ਸਨ ।
ਇਸ ਮੌਕੇ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਨੇ ਉਹਨਾ ਦੀਆ ਮੰਗਾ ਨੂੰ ਜਾਇਜ਼ ਠਹਿਰਾਇਆ ਅਤੇ ਆਖਿਆ ਕਿ ਜਲਦ ਹੀ ਪੰਜਾਬ ਸਰਕਾਰ ਨੂੰ ਮੰਗ ਪੱਤਰ ਭੇਜਕੇ ਇਹਨਾਂ ਮੰਗਾ ਨੂੰ ਪੂਰਾ ਕਰਾਇਆ ਜਾਵੇਗਾ।

ਫੋਟੋ : ਪਿੰਡ ਸੜੋਆ ਨਿਵਾਸੀ ਪੀਐਚਸੀ ਸੜੋਆ ਵਿਖੇ ਅੱਧ ਅਧੂਰੇ ਅਮਲੇ ਸਬੰਧੀ ਅਤੇ ਹੋਰ ਤਰੁੱਟੀਆ ਸਬੰਧੀ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਨੂੰ ਮੰਗ ਪੱਤਰ ਦਿੰਦੇ ਹੋਏ।