ਜਨਤਾ ਨੂੰ ਜਲਦ ਸਹੂਲਤਾਂ ਦੇਣ ਲਈ ਵਲੰਟੀਅਰਾਂ ਦੀਆਂ ਡਿਊਟੀਆਂ ਸੰਤੋਸ਼ ਕਟਾਰੀਆ ਤੇ ਡਾ.ਸੰਨੀ ਆਹਲੂਵਾਲੀਆ ਨੇ ਲਗਾਈਆਂ

ਬਲਾਚੌਰ,12 ਮਈ( ਜਤਿੰਦਰ ਪਾਲ ਸਿੰਘ ਕਲੇਰ ) ਪੰਜਾਬ ਦੇ ਵਿੱਚ ਭਗਵੰਤ ਮਾਨ ਜੀ ਦੀ ਅਗਵਾਈ ਵਿੱਚ ਆਮ ਪਾਰਟੀ ਦੀ ਸਰਕਾਰ ਬਣਾਉਣ ਦੇ ਵਿੱਚ ਤੇ ਵਿਸ਼ੇਸ਼ ਤੌਰ ਤੇ ਬਲਾਚੌਰ ਹਲਕੇ ਵਿੱਚ ਮੈਨੂੰ ਵਿਧਾਇਕ ਬਣਾਉਣ ਦੇ ਵਿੱਚ ਪਾਰਟੀ ਦੇ ਵਲੰਟੀਅਰਾਂ ਦੀ ਅਹਿਮ ਭੂਮਿਕਾ ਰਹੀ ਹੈ। ਜਿੱਤ ਹਾਸਲ ਕਰਨ ਤੋਂ ਬਾਅਦ ਸਾਰਿਆਂ ਦੀ ਜਿੰਮੇਵਾਰੀ ਵੱਧ ਗਈ ਹੈ। ਸਾਨੂੰ ਸਾਰਿਆਂ ਨੂੰ ਬਿਨਾਂ ਭੇਦਭਾਵ ਤੋਂ ਸਾਰਿਆਂ ਦੇ ਹੀ ਕੰਮ ਕਰਵਾਉਣੇ ਹਨ। ਪਹਿਲਾਂ ਦੀਆਂ ਸਰਕਾਰਾਂ ਜਿਵੇਂ ਵਿਰੋਧੀਆਂ ਨਾਲ ਵਿਤਕਰਾ ਕਰਦੀਆਂ ਸਨ। ਆਮ ਆਦਮੀ ਪਾਰਟੀ ਇਹ ਰਿਵਾਇਤ ਤੋੜਨ ਜਾ ਰਹੀ ਹੈ ਕਿ ਜਿਵੇਂ ਸੰਵਿਧਾਨ ਮੁਤਾਬਕ ਮੁਢਲੀਆਂ ਸੁਵਿਧਾਵਾਂ ਤੇ ਹਰੇਕ ਨਾਗਰਿਕ ਦਾ ਹੱਕ ਹੈ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਬੀਬੀ ਸੰਤੋਸ਼ ਕਟਾਰੀਆ ਵਿਧਾਇਕ ਬਲਾਚੌਰ ਨੇ ਵਲੰਟੀਅਰਾਂ ਦੀ ਪਲੇਠੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਕੀਤਾ।ਇਸ ਮੌਕੇ ਡਾ. ਸੰਨੀ ਆਹਲੂਵਾਲੀਆ ਇੰਚਾਰਜ ਦੁਆਬਾ ਜੋਨ ਤੇ ਸਪੋਕਸਪਰਸਨ ਪੰਜਾਬ ਨੇ ਵੀ ਵਲੰਟੀਅਰਾਂ ਵਿੱਚ ਜੋਸ਼ ਭਰਦਿਆਂ ਹੋਇਆ ਕਿਹਾ ਕਿ ਹਰੇਕ ਵਲੰਟੀਅਰ ਅਪਣੇ ਆਪ ਨੂੰ ਨੀਵਾਂ ਨਾ ਸਮਝੇ ਹਰੇਕ ਨੂੰ ਬਣਦਾ ਮਾਣ ਸਤਿਕਾਰ ਮਿਲੇਗਾ। ਇਸ ਮੌਕੇ ਸ਼ਿਵਕਰਨ ਚੇਚੀ, ਚੰਦਰ ਮੋਹਨ ਜੇਡੀ,ਸਤਨਾਮ ਚੇਚੀ ਜਲਾਲਪੁਰ,ਰਨਵੀਰ ਚੇਚੀ, ਪਰਵਿੰਦਰ ਮੈਹਸ਼ੀ, ਬਿੱਟਾ ਰਾਣਾ,ਹਰਮਨ ਮਾਣੇਵਾਲ, ਰਜਿੰਦਰ ਸਿੰਘ ਲੋਹਟੀਆ, ਆਤਮਾ ਰਾਮ, ਰਮਨ ਕਸਾਨਾ,ਸਿਮਰਜੀਤ ਸਿੰਘ ਬਲਾਕ ਪ੍ਰਧਾਨ,ਸੇਠੀ ਸਰਪੰਚ,ਹਨੀ ਡੱਬ,ਪ੍ਰਵੀਨ ਪੱਪਾ ਪੁਰੀ ਸੇਠੀ ਉਧਨਵਾਲ, ਮਹਿੰਦਰਪਾਲ ਉਧਨਵਾਲ,ਸੇਠੀ ਮਾਹੀਪੁਰ, ਬਿੱਟੂ ਰੱਕੜਾਂ ਢਾਹਾਂ,ਰਨਧੀਰ ਸਿੰਘ ਲਖਵਿੰਦਰ ਸਹਿਬਾਜਪੁਰ, ਪ੍ਰਵੀਨ ਵਸ਼ਿਸ਼ਟ, ਬਿੰਦੂ ਲੰਡਨ, ਜੈਮਲ ਜੋਹਰ ਆਦਿ ਵਲੰਟੀਅਰ ਹਾਜ਼ਰ ਸਨ।