ਵੱਡੀ ਖਬਰ.. ਦਸੂਹਾ ਦੇ ਪਿੰਡ ਜਲਾਲ ਚੱਕ ਵਿਖੇ ਚੋਰਾਂ ਨੇ ਇੱਕ ਘਰ ਨੂੰ ਬਣਾਇਆ ਨਿਸ਼ਾਨਾ, 6 ਤੋਲੇ ਸੋਨਾ ਤੇ 80 ਹਜਾਰ ਰੁਪਏ ਦੀ ਨਕਦੀ ਲੈ ਕੇ ਹੋਏ ਫਰਾਰ

ਦਸੂਹਾ 9 ਮਈ(ਬਿਊਰੋ) : ਦਸੂਹਾ ਦੇ ਪਿੰਡ ਜਲਾਲ ਚੱਕ ਦੇ ਇੱਕ ਘਰ ਨੂੰ ਅਣਪਛਾਤੇ ਚੋਰਾਂ ਨੇ ਇੱਕ ਘਰ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ਹੈ। ਜਿਸ ਵਿੱਚ 6 ਤੋਲੇ ਸੋਨਾ ਤੇ 80 ਹਜਾਰ ਰੁਪਏ ਦੀ ਨਕਦੀ ਲੈਕੇ ਫਰਾਰ ਹੋ ਗਏ ਹਨ।

ਮਿਲੀ ਜਾਣਕਾਰੀ ਅਨੁਸਾਰ ਜੋਗਿੰਦਰ ਸਿੰਘ ਪੁੱਤਰ ਦਲੀਪ ਸਿੰਘ ਵਾਸੀ ਪਿੰਡ ਜਲਾਲ ਚੱਕ ਨੇ ਦਸੂਹਾ ਪੁਲਿਸ ਨੂੰ ਦੱਸਿਆ ਬੀਤੀ ਰਾਤ ਕੁਝ ਅਣਪਛਾਤੇ ਚੋਰਾਂ ਵਲੋਂ ਮੇਰੇ ਘਰ ਦੇ ਬਾਹਰਲੇ ਪਾਸੋਂ ਖੇਤਾਂ ਵਲੋਂ ਘਰ ਦੀ ਖਿੜਕੀ ਤੋੜ ਕੇ ਘਰ ਅੰਦਰੋਂ ਅਲਮਾਰੀ ਚੋਂ 6 ਤੋਲੇ ਸੋਨਾ ਤੇ 80 ਹਜਾਰ ਰੁਪਏ ਦੀ ਨਕਦੀ ਲੈ ਕੇ ਫਰਾਰ ਹੋ ਗਏ ਹਨ। ਪ੍ਰੀੜਤ ਪਰਿਵਾਰ ਦੂਜੇ ਪਾਸੇ ਘਰ ਦੀ ਲੋਬੀ ਵਿਚ ਸੂਤਾ ਪਿਆ ਸੀ ਜਦੋਂ ਸਵੇਰੇ ਚਾਰ ਵਜੇ ਉੱਠੇ ਤਾਂ ਇਸ ਘਟਨਾ ਸਬੰਧੀ ਪਤਾ ਚੱਲਿਆ।

ਇਸ ਘਟਨਾ ਸਬੰਧੀ ਸਾਨੂੰ ਸਵੇਰੇ ਪਤਾ ਲੱਗਾ। ਸੂਚਨਾ ਮਿਲਦੇ ਹੀ ਦਸੂਹਾ ਪੁਲਸ ਨੇ ਸਵੇਰੇ 7.15 ਦੇ ਕਰੀਬ ਘਟਨਾ ਵਾਲੀ ਥਾਂ ਤੇ ਪਹੁੰਚਕੇ ਘਟਨਾ ਦਾ ਜਾਇਜਾ ਲਿਆ। ਪੁਲਿਸ ਨੂੰ ਇਸ ਘਟਨਾ ਸਬੰਧੀ ਕੁਝ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ ਜਿਸ ਵਿਚ ਕੁਝ 5/6 ਅਣਪਛਾਤੇ ਲੋਕ ਰਾਤ ਸਮੇਂ ਇੱਧਰ ਉੱਧਰ ਘੁਮਦੇ ਨਜਰ ਆ ਰਹੇ ਹਨ। ਘਟਨਾ ਦੀ ਜਾਂਚ ਕਰ ਰਹੇ ਅਧਿਕਾਰੀ ਨੇ ਕਿਹਾ ਕਿ ਇਸ ਘਟਨਾ ਸਬੰਧੀ ਤਬਦੀਸ਼ ਜਾਰੀ ਹੈ।