ਤਹਿਸੀਲ ਕੰਪਲੈਕਸ ‘ਚ ਵਾਤਾਵਰਣ ਨੂੰ ਸ਼ੁੱਧ ਬਣਾਉਣ ਲਈ ਲਗਾਏ ਪੌਦੇ
ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਅੱਜ ਸਥਾਨਕ ਕੋਰਟ ਕੰਪਲੈਕਸ ਬਲਾਚੌਰ ਵਿੱਚ ਸ. ਸੁਖਵਿੰਦਰ ਸਿੰਘ ਅਡੀਸ਼ਨਲ ਸਿਵਲ ਜੱਜ (ਸੀਨੀਅਰ ਡਵੀਜ਼ਨ) ਬਲਾਚੌਰ ਅਤੇ ਸੀਮਾ ਅਗਨੀਹੋਤਰੀ ਸਿਵਲ ਜੱਜ (ਜੁਨੀਅਰ ਡਵੀਜ਼ਨ ) ਬਲਾਚੌਰ ਵਲੋਂ ਵਾਤਾਵਾਰਣ ਨੂੰ ਸੁੱ਼ਧ ਬਣਾਏ ਜਾਣ ਲਈ ਪੌਦੇ ਲਗਾਏ ਗਏ । ਇਸ ਮੌਕੇ ਅਡੀਸ਼ਨਲ ਸਿਵਲ ਜੱਜ (ਸੀ.ਡਵੀਜ਼ਨ) ਬਲਾਚੌਰ ਨੇ ਦੱਸਿਆ ਕਿ ਖਰਾਬ ਰਹੇ ਵਾਤਾਵਰਣ ਨੂੰ ਬਚਾਏ ਜਾਣ ਲਈ ਅਤੇ ਜਮੀਨ ਹੇਠਲਾ ਪਾਣੀ ਦਾ ਪੱਧਰ ਉੱਚਾ ਚੁੱਕਣ ਲਈ ਸਾਨੂੰ ਜਿੱਥੇ ਵੱਧ ਤੋਂ ਵੱਧ ਪੌਦੇ ਲਗਾਉਣ ਦੀ ਲੋੜ ਹੈ ਉਥੇ ਹੀ ਸੰਜ਼ਮ ਨਾਲ ਪਾਣੀ ਵੀ ਵਰਤੋਂ ਕਰਨ ਦੀ ਵੀ ਵਿਸ਼ੇਸ ਲੋੜ ਹੈ।ਉਹਨਾਂ ਆਖਿਆ ਕਿ ਰੁੱਖਾ ਤੋਂ ਮਿਲੇ ਹਰਿਆਲੀ , ਜੀਵਨ ਨੂੰ ਮਿਲੇ ਖੁਸ਼ਹਾਲੀ ਵਾਲੀ ਕਹਾਵਤ ਉਸ ਸਮੇਂ ਹੀ ਸਚ ਹੋ ਸਕਦੀ ਹੈ ਜਦੋਂ ਵਾਤਾਵਰਣ ਨੂੰ ਸੁੱਂਧ ਰੱਖਣ ਵਿੱਚ ਅਸੀਂ ਸੱਭ ਆਪਣਾ ਰਲ ਮਿਲ ਕੇ ਇਸ ਨੂੰ ਅਨੁਕੂਲ ਬਣਾਉਣ ਵਿੱਚ ਯੋਗਦਾਨ ਪਾਉਣ ਲਈ ਅੱਗੇ ਹੋ ਕੇ ਚੱਲਿਏ । ਉਹਨਾਂ ਕਿਹਾ ਕਿ ਅੱਜ ਹਰ ਇੱਕ ਵਿਅਕਤੀ ਨੂੰ ਚੌਗਿਰਦੇ ਦੀ ਹਿਫਾਜ਼ਤ ਲਈ ਅੱਗੇ ਆਉਣਾ ਚਾਹੀਦਾ ਹੈ ਅਤੇ ਵੱਧ ਤੋਂ ਵੱਧ ਪੌਦੇ ਲਗਾਉਣੇ ਚਾਹੀਦੇ ਹਨ । ਆਪਣੇ ਇਰਧ ਗਿਰਧ ਯੋਗ ਥਾਵਾਂ ਤੇ ਵੱਧ ਤੋਂ ਵੱਧ ਪੌਦੇ ਲਗਾਉਣੇ ਅਤੇ ਉਹਨਾਂ ਦੀ ਦੇਖ ਭਾਲ ਕਰਨੀ ਚਾਹੀਦੀ ਹੈ । ਉਹਨਾਂ ਆਖਿਆ ਕਿ ਦਰੱਖਤ ਸਾਨੂੰ ਮੁਫਤ ਵਿੱਚ ਜਿੱਥੇ ਸਾਹ ਲੈਣ ਲਈ ਆਕਸ਼ੀਜਨ ਦਿੰਦੇ ਹਨ ਅਤੇ ਸਾਡੇ ਜੀਵਨ ਲਈ ਲਾਹੇਵੰਦ ਹਨ । ਦਰੱਖਤਾ ਦੀ ਘੱਟ ਰਹੀ ਗਿਣਤੀ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ । ਵਾਤਾਵਰਣ ਨੂੰ ਸੁੱਧ ਰੱਖਣ ਅਤੇ ਮੌਸਮ ਵਿੱਚ ਗਰਮੀ ਅਤੇ ਹੂੰਮਸ ਦੀ ਆਈ ਵੱਡੀ ਤਬਦੀਲੀ ਨੂੰ ਰੋਕਣ ਲਈ ਸਾਨੂੰ ਵੱਧ ਤੋਂ ਵੱਧ ਰੁੱਖ ਲਗਾਉਣੇ ਚਾਹੀਦੇ ਹਨ । ਇਸ ਮੌਕੇ ਉਹਨਾ ਨਾਲ ਹਾਜ਼ਰ ਮੈਡਮ ਸੀਮਾ ਅਗਨੀਹੋਤਰੀ ਸਿਵਲ ਜੱਜ (ਜੂਨੀਅਰ ਡਵੀਜ਼ਨ) ਬਲਾਚੌਰ ਅਤੇ ਸਮੇਤ ਦਫਤਰੀ ਅਮਲੇ ਵਲੋਂ ਕੋਰਟ ਕੰਪਲੈਕਸ ਬਲਾਚੌਰ ਦੇ ਵੱਖ ਵੱਖ ਸਥਾਨਾ ਉਪਰ ਪੌਦੇ ਲਗਾ ਕੇ ਉਹਨਾ ਦਾ ਪਾਲਣ ਪੌਸਣ ਕਰਨ ਦਾ ਅਹਿਦ ਲਿਆ । ਇਸ ਮੌਕੇ ਗੁਰਦਰਸ਼ਨ ਸਿੰਘ (ਨਾਜਰ ) , ਏਐਸਆਈ ਪ੍ਰੇਮ , ਏਐਸਆਈ ਸ਼ਸੀ ਪਾਲ ਸਿੰਘ, ਏਐਸਆਈ ਸੁਭਾਸ਼ ਚੰਦਰ ਨਾਇਬ ਕੋਰਟ, ਬਾਰ ਐਸੋਸ਼ੀਏਸ਼ਨ ਬਲਾਚੌਰ ਦੇ ਪ੍ਰਧਾਨ ਨਵੀਨ ਕੁਮਾਰ ਭਾਟੀਆ, ਅਰੁਣਜੀਤ ਸਿੰਘ ਢਿੱਲੋ ਵਾਇਸ ਪ੍ਰਧਾਨ, ਜਤਿੰਦਰ ਅਗਨੀਹੋਤਰੀ ਜਨਰਲ ਸੈਕਟਰੀ, ਐਡਵੋਕੇਟ ਹਰਜਿੰਦਰ ਸਿੰਘ ਸੈਣੀ , ਚੌ.ਚਰਨ ਦਾਸ ਸਮੇਤ ਹੋਰ ਵੀ ਪ੍ਰਮੁੱਖ ਸਖਸ਼ੀਅਤਾ ਹਾਜ਼ਰ ਸਨ।
ਫੋਟੋ : ਕੋਰਟ ਕੰਪਲੈਕਸ ਬਲਾਚੌਰ ਦੇ ਵੱਖ ਵੱਖ ਸਥਾਨਾ ਉਪਰ ਪੌਦੇ ਲਗਾਉਣ ਮੌਕੇ ਸ. ਸੁਖਵਿੰਦਰ ਸਿੰਘ ਅਡੀਸ਼ਨਲ ਸਿਵਲ ਜੱਜ (ਸੀ.ਡਵੀ.) ਬਲਾਚੌਰ , ਮੈਡਮ ਸੀਮਾ ਅਗਨੀਹੋਤਰੀ ਸਿਵਲ ਜੱਜ (ਜੂਨੀਅਰ ਡਵੀਜ਼ਨ) ਬਲਾਚੌਰ, ਬਾਰ ਐਸੋ:ਦੇ ਪ੍ਰਧਾਨ ਕੁਮਾਰ ਭਾਟੀਆ ਅਤੇ ਹੋਰ ਪ੍ਰਮੁੱਖ ਸਖਸ਼ੀਅਤਾ ।
