ਚੋਰ ਤਹਿਸੀਲ ਕੰਪਲੈਕਸ ‘ਚ ਇੰਤਕਾਲ ਕਰਵਾਉਣ ਗਏ ਵਿਅਕਤੀ ਦੀ ਸਕੂਟਰੀ ਚੋਰੀ ਕਰਕੇ ਹੋਏ ਰਫੂਚੱਕਰ

ਤਲਵਾੜਾ / ਦਸੂਹਾ 21 ਅਪ੍ਰੈਲ (ਚੌਧਰੀ) ਤਹਿਸੀਲ ਕੰਪਲੈਕਸ ਤਲਵਾੜਾ ਦੇ ਮੇਨ ਗੇਟ ਪਾਸ ਰੈਸਟ ਹਾਊਸ ਦੀ ਕੰਧ ਦੇ ਪਾਸ ਖੜੀ ਸਕੂਟਰੀ ਚੋਰੀ ਹੋਣ ਤੇ ਤਲਵਾੜਾ ਪੁਲਿਸ ਨੇ ਨਾ ਮਾਲੂਮ ਵਿਅਕਤੀ ਤੇ ਮਾਮਲਾ ਦਰਜ ਕੀਤਾ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਬਲਦੇਵ ਸਿੰਘ ਪੁੱਤਰ ਭਜਨੋਕ੍ਰ ਲਾਲ ਵਾਸੀ ਚੰਗੜਵਾਂ ਥਾਣਾ ਤਲਵਾੜਾ ਜਿਲਾ ਹੁਸ਼ਿ: ਕਿ ਉਹ ਮਿਤੀ 18.04.2022 ਨੂੰ ਵਕਤ ਕਰੀਬ 10.00 ਏ.ਐਮ ਆਪਣੇ ਘਰ ਪਿੰਡ ਚੰਗੜਵਾਂ ਤੋਂ ਆਪਣੀ ਸਕੂਟਰੀ ਹੋਂਡਾ ਐਕਟਿਵਾ 4G ਨੰਬਰੀ PB07-BM-2547 ਪਰ ਸਵਾਰ ਹੋ ਕੇ ਤਹਿਸੀਲ ਕੰਪਲੈਕਸ ਤਲਵਾੜਾ ਆਇਆ ਸੀ ਅਤੇ ਆਪਣੀ ਐਕਟਿਵਾ ਤਹਿਸੀਲ ਕੰਪਲੈਕਸ ਤਲਵਾੜਾ ਦੇ ਮੇਨ ਗੇਟ ਪਾਸ ਰੈਸਟ ਹਾਊਸ ਦੀ ਕੰਧ ਦੇ ਪਾਸ ਲਾਕ ਲਗਾ ਕੇ ਖੜੀ ਕਰਕੇ ਆਪਣੀ ਜਮੀਨ ਦੇ ਇੰਤਕਾਲ ਕਰਾਉਣ ਸਬੰਧੀ ਤਹਿਸੀਲ ਕੰਪਲੈਕਸ ਅੰਦਰ ਚਲਾ ਗਿਆ ਸੀ। ਜੋ ਜਮੀਨ ਦੇ ਇੰਤਕਾਲ ਦਾ ਕੰਮ ਕਰਵਾ ਕੇ ਵਕਤ ਕਰੀਬ 11.30 ਏ.ਐਮ ਗੇਟ ਦੇ ਬਾਹਰ ਆਇਆ ਤਾਂ ਦੇਖਿਆ ਕਿ ਉਸਦੀ ਐਕਟਿਵਾ ਉਥੇ ਨਹੀਂ ਸੀ ਜੋ ਕੋਈ ਨਾ ਮਲੂਮ ਵਿਅਕਤੀ ਚੋਰੀ ਕਰਕੇ ਲੈ ਗਿਆ।ਜਿਸ ਤੇ ਮੁਕੱਦਮਾ ਦਰਜ ਰਜਿਸਟਰ ਕੀਤਾ ਗਿਆ।