ਡੇਰਾ ਬਾਬਾ ਟਿੱਬੀ ਸਾਹਿਬ ਵਿਖੇ ਦੋ ਦਿਨਾ ਸਾਲਾਨਾ ਮੇਲਾ ਨਾਮਵਰ ਗਾਇਕਾਂ ਦੀ ਹਾਜ਼ਰੀ ਨਾਲ ਸੰਪਨ

ਬਲਾਚੌਰ /ਕਾਠਗੜ੍ਹ, 13 ਅਪ੍ਰੈਲ (ਜਤਿੰਦਰ ਪਾਲ ਸਿੰਘ ਕਲੇਰ ) : ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ  ਵੀ ਕਾਠਗਡ਼੍ਹ ਦੇ ਧਾਰਮਿਕ ਅਸਥਾਨ ਡੇਰਾ ਬਾਬਾ ਟਿੱਬੀ ਸਾਹਿਬ ਵਿਖੇ ਵਿਸਾਖੀ ਨੂੰ ਸਮਰਪਿਤ ਸਾਲਾਨਾ ਮੇਲਾ ਬਹੁਤ ਹੀ ਧੂਮਧਾਮ ਅਤੇ ਉਤਸ਼ਾਹ ਨਾਲ ਕਰਵਾਇਆ ਗਿਆ। ਦਰਬਾਰ ਦੇ ਮੌਜੂਦਾ ਗੱਦੀ ਨਸ਼ੀਨ ਬਾਬਾ ਸਖੀ ਰਾਮ ਜੀ ਦੀ ਅਗਵਾਈ ਵਿਚ ਅਤੇ ਸੇਵਾਦਾਰ ਸਾਈਂ ਕਾਲੇ ਸ਼ਾਹ ਦੇ ਸਮੁੱਚੇ ਪ੍ਰਬੰਧਾਂ ਨਾਲ ਕਰਵਾਏ ਗਏ ਇਸ ਸਾਲਾਨਾ ਮੇਲੇ ਦੇ ਪਹਿਲੇ ਦਿਨ ਲੜਕੇ  ਤੇ ਲੜਕੀਆਂ ਦਾ ਕੁਸ਼ਤੀ ਦੰਗਲ ਕਰਵਾਇਆ ਗਿਆ ਜਿਸ ਵਿੱਚ ਸੱਦੇ ਹੋਏ ਨਾਮਵਰ ਪਹਿਲਵਾਨਾਂ ਨੇ ਭਾਗ ਲਿਆ । ਮੇਲੇ ਦੇ ਦੂਜੇ ਦਿਨ ਵਿਧੀਪੂਰਵਕ ਪਾਠ ਪੂਜਾ ਕਰਨ ਉਪਰੰਤ ਝੰਡੇ ਦੀ ਰਸਮ ਨਿਭਾਈ ਗਈ ਤੇ ਦਰਬਾਰ ਤੇ ਚਾਦਰ ਚੜ੍ਹਾਈ ਗਈ। ਸ਼ਾਮ ਢਲਦੇ ਹੀ ਪੰਜਾਬ ਦੇ ਪ੍ਰਸਿੱਧ ਤੇ ਸੂਫੀ ਲੋਕ ਗਾਇਕਾ ਪ੍ਰਵੀਨ ਭਾਰਟਾ, ਹਸ਼ਮਤ -ਸੁਲਤਾਨਾ, ਨਾਜ਼ਿਮਾਂ ਖ਼ਾਨ ਨੂਰਾਂ ਸਿਸਟਰ, ਯਾਸਰ ਹੁਸੈਨ, ਜੀ ਖਾਨ, ਸੰਗਰਾਮ, ਉਸਤਾਦ ਮਾਸਟਰ ਸਲੀਮ ਤੋਂ ਇਲਾਵਾ ਜੌਨੀ ਮਹੇ ਐਂਡ ਪਾਰਟੀ, ਨਿਰਮਲ ਨਿੰਮਾ, ਬੁੱਲ੍ਹਾ ਬਾਦਸ਼ਾਹ, ਅਵਤਾਰ ਮੁਸਾਫ਼ਿਰ, ਮੁਨੱਵਰ ਅਲੀ, ਹੇਮੰਤ ਵਾਲੀਆ ਆਦਿ ਨੇ ਦੇਰ ਰਾਤ ਤਕ ਧਾਰਮਿਕ ਤੇ ਸੱਭਿਆਚਾਰਕ ਗੀਤਾਂ ਨਾਲ ਹਾਜ਼ਰੀ ਭਰਦੇ ਹੋਏ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਸੰਗਤਾਂ ਦਾ ਮਨੋਰੰਜਨ ਕੀਤਾ । ਸੇਵਾਦਾਰ ਕਾਲੇ ਸ਼ਾਹ ਵੱਲੋਂ ਆਏ ਸਾਰੇ ਕਲਾਕਾਰਾਂ ਤੇ ਹੋਰ ਅਹਿਮ ਸ਼ਖ਼ਸੀਅਤਾਂ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਤ ਕੀਤਾ ਗਿਆ । ਭਾਰੀ ਗਿਣਤੀ ਵਿਚ ਦੂਰੋਂ ਨੇਡ਼ਿਓਂ ਆਈਆਂ ਸੰਗਤਾਂ ਦਰਬਾਰ ਤੇ ਨਤਮਸਤਕ ਹੋਈਆਂ ਤੇ ਮੱਥਾ ਟੇਕਿਆ । ਸੰਗਤਾਂ ਲਈ ਭੰਡਾਰੇ ਅਤੁੱਟ ਵਰਤਾਏ ਗਏ ।

ਇਸ ਮੌਕੇ ਮੁੱਖ ਤੌਰ ‘ਤੇ ਬਾਬਾ ਸਖੀ ਰਾਮ ਜੀ, ਸੰਤ ਅਮਰਦਾਸ ਜੀ ਰੋਪੜ, ਸਵਾਮੀ ਸਚਦਾਨੰਦ, ਸਵਾਮੀ ਅਜਰਾ ਨੰਦ, ਆਚਾਰੀਆ ਨਮਰਤਾ ਨੰਦ, ਮਹੰਤ ਹਾਜੀ ਤਮੰਨਾ ਰੋਪੜ, ਸਾਬਕਾ ਵਿਧਾਇਕ ਚੌਧਰੀ ਦਰਸ਼ਨ ਲਾਲ ਮੰਗੂਪੁਰ, ਚੇਅਰਮੈਨ ਧਰਮਪਾਲ, ਸਰਪੰਚ ਗੁਰਨਾਮ ਸਿੰਘ ਚਾਹਲ, ਸਾਬਕਾ ਸਰਪੰਚ ਜੋਗਿੰਦਰਪਾਲ ਦੱਤ, ਪ੍ਰਵੀਨ ਚੌਧਰੀ ਆਦਿ ਤੋਂ ਇਲਾਵਾ ਇਲਾਕੇ ਦੇ ਪਤਵੰਤੇ ਤੇ ਸੰਗਤਾਂ ਹਾਜ਼ਰ ਸਨ