ਕੰਡੀ ਇਲਾਕੇ ਵਿੱਚ ਪਾਣੀ ਦਾ ਪੱਧਰ ਹੇਠਾਂ ਜਾਣ ਕਰਕੇ ਕੰਡੀ ਨਹਿਰ ਨੂੰ ਹੇਠਾਂ ਤੋਂ ਕੱਚੀ ਛੱਡਣ ਦੀ ਜ਼ੋਰਦਾਰ ਮੰਗ: ਸੰਜੀਵ ਮਨਹਾਸ
ਗੜ੍ਹਦੀਵਾਲਾ : (ਯੋਗੇਸ਼ ਗੁਪਤਾ/ ਚੌਧਰੀ) ਅੱਜ ਭਾਜਪਾ ਜਿਲ੍ਹਾ ਪ੍ਰਧਾਨ ਸੰਜੀਵ ਮਨਹਾਸ ਦੀ ਅਗਵਾਈ ਵਿੱਚ ਕੰਡੀ ਇਲਾਕੇ ਦੇ ਲੋਕਾਂ ਵੱਲੋਂ ਐਸ ਸੀ ਕੰਡੀ ਕਨਾਲ ਨੂੰ ਇੱਕ ਮੰਗ ਪੱਤਰ ਦਿੱਤਾ ਗਿਆ । ਮਨਹਾਸ ਨੇ ਦੱਸਿਆ ਕੇ ਕਾਫ਼ੀ ਸਮੇਂ ਤੋਂ ਇਲਾਕੇ ਦੇ ਨਲਕੇ ਤੇ ਟੀਉਵਵੈਲ ਵਗੈਰਾ ਦਾ ਪਾਣੀ ਸੁੱਕ ਰਿਹਾ ਹੈ ਇਸ ਦਾ ਮੁੱਖ ਕਾਰਨ ਹੈ ਕੇ ਇੱਕ ਸਾਲ ਤੋਂ ਨਹਿਰ ਦੀ ਮੁਰੰਮਤ ਦਾ ਕੰਮ ਚੱਲਿਆ ਹੋਣ ਕਰਕੇ ਸੇਮ ਹੇਠਾਂ ਚਲੀ ਗਈ ਹੈ ਪਰ ਹੁਣ ਨਹਿਰ ਮਹਿਕਮੇ ਵਲੋਂ ਕੰਕਰੀਟ ਪਾ ਕੇ ਨਹਿਰ ਦੀ ਉਸਾਰੀ ਕੀਤੀ ਜਾ ਰਹੀ ਹੈ ਜਿਸ ਨਾਲ਼ ਕੰਡੀ ਇਲਾਕੇ ਵਿੱਚ ਸੇਮ ਦੀ ਸਮੱਸਿਆ ਹੋਰ ਵੱਧ ਜਾਵੇਗੀ। ਜ਼ਿਕਰਯੋਗ ਹੈ ਕੇ ਇਸ ਤੋਂ ਪਹਿਲਾਂ ਨਹਿਰ ਇੱਟਾਂ ਦੀ ਵਣੀ ਹੋਈ ਸੀ ਜਿਸ ਨਾਲ਼ ਇਲਾਕੇ ਵਿੱਚ ਸੇਮ ਦੀ ਕੋਈ ਸਮੱਸਿਆ ਨਹੀਂ ਸੀ।ਸੰਜੀਵ ਮਨਹਾਸ ਨੇ ਦੱਸਿਆ ਕੇ ਇਲਾਕੇ ਦੇ ਲੋਕਾਂ ਦੀ ਮੰਗ ਨੂੰ ਅੱਜ ਨਹਿਰ ਮਹਿਕਮੇ ਦੇ ਅਫ਼ਸਰ ਸੇਹਵਾਨਾਂ ਦੇ ਧਿਆਨ ਵਿੱਚ ਲਿਆਂਦਾ ਹੈ ਅਤੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਨਹਿਰ ਦੇ ਵਿਚਕਾਰ ਵਾਲੇ ਹਿੱਸੇ ਨੂੰ ਕੱਚਾ ਛੱਡਿਆ ਜਾਵੇਂ ਤਾਂ ਹੀ ਸੇਮ ਦੀ ਸਮੱਸਿਆ ਦਾ ਹੱਲ ਹੋ ਸਕਦਾ ਹੈ। ਇਸ ਮੌਕੇ ਬਲਾਕ ਸੰਮਤੀ ਮੈਂਬਰ ਅੰਕੁਸ਼ ਸ਼ਰਮਾ,ਸਾਬਕਾ ਸਰਪੰਚ ਗੁਰਵਿੰਦਰ ਸਿੰਘ,ਸਰਪੰਚ ਕੁਲਵੀਰ ਸਿੰਘ ਆਦਿ ਹਾਜਰ ਸਨ ।
