ਕੇ.ਐਮ.ਐਸ ਨੂਰ 2022 ਫੈਸ਼ਨ ਸ਼ੋ ਮੰਜੁਲਾ ਸੈਣੀ ਫੈਸ਼ਨ ਡਿਜ਼ਾਇਨਿੰਗ ਵਿਭਾਗ ਵੱਲੋਂ ਕਰਵਾਇਆ : ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ

ਦਸੂਹਾ 6 ਅਪ੍ਰੈਲ (ਚੌਧਰੀ) : ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਦੇ ਅਧੀਨ ਬੀਬੀ ਅਮਰ ਕੌਰ ਜੀ ਐਜੂਕੇਸ਼ਨਲ ਸੁਸਾਇਟੀ ਵੱਲੋਂ ਸਥਾਪਿਤ ਕੇ.ਐਮ.ਐਸ ਕਾਲਜ ਆਫ ਆਈ.ਟੀ. ਐਂਡ ਮੈਨੇਜਮੈਂਟ ਚੌ. ਬੰਤਾ ਸਿੰਘ ਕਲੋਨੀ ਦਸੂਹਾ ਦੇ ਕੁਮਾਰ ਆਡੀਟੋਰੀਅਮ ਵਿਖੇ ਦੋ ਦਿਨਾਂ ਕੇ.ਐਮ.ਐਸ ਨੂਰ 2022 ਫੈਸ਼ਨ ਸ਼ੋ ਸ਼੍ਰੀਮਤੀ ਮੰਜੁਲਾ ਸੈਣੀ ਫੈਸ਼ਨ ਡਿਜ਼ਾਇਨਿੰਗ ਵਿਭਾਗ ਵੱਲੋਂ ਕਰਵਾਇਆ ਗਿਆ, ਜਿਸਦੀ ਪ੍ਰਧਾਨਗੀ ਸ਼੍ਰੀਮਤੀ ਸੁਰਜੀਤ ਕੌਰ ਲੌਂਗੀਆ ਅਤੇ ਚੇਅਰਮੈਨ ਚੌ. ਕੁਮਾਰ ਸੈਣੀ ਵੱਲੋਂ ਕੀਤੀ ਗਈ। ਫੈਸ਼ਨ ਸ਼ੋ ਦੀ ਸ਼ੁਰੂਆਤ ਆਏ ਹੋਏ ਮਹਿਮਾਨਾਂ ਵੱਲੋ ਜੋਤੀ ਪ੍ਰਚਲਿਤ ਕਰਕੇ ਕੀਤੀ ਗਈ। ਇਸ ਫੈਸ਼ਨ ਸ਼ੋ ਦੇ ਜੱਜਮੇਂਟ ਪੈਨਲ ਵਿੱਚ ਮੈਡਮ ਗੀਤਿਕਾ ਰੰਜਨ, ਮੈਡਮ ਆਸ਼ੂ ਅਰੋੜਾ, ਪ੍ਰਿਯੰਕਾ ਸ਼ਰਮਾ ਅਤੇ ਗੁਰਪ੍ਰੀਤ ਪੂਰੀ ਸ਼ਾਮਲ ਸਨ। ਇਸ ਫੈਸ਼ਨ ਸ਼ੋ ਦੇ ਪਹਿਲੇ ਦਿਨ 7 ਰਾਊਂਡ ਕਰਵਾਏ ਗਏ, ਜਿਸ ਵਿੱਚ ਸਾੜੀ ਰਾਊਂਡ, ਗਾਊਨ, ਇੰਡੋ-ਵੈਸਟਰਨ, ਵੈਸਟਰਨ ਡਰੈੱਸ, ਨਾਈਟ ਵੀਅਰ, ਜੀਨਸ ਟੋਪ ਅਤੇ ਲਹਿੰਗਾ ਕਮ ਸਕਰਟ ਟੋਪ ਦੇ ਰਾਊਂਡ ਸਨ। ਇਸ ਫੈਸਨ ਸ਼ੋ ਵਿੱਚ ਮੰਜੁਲਾ ਸੈਣੀ ਫੈਸ਼ਨ ਵਿਭਾਗ ਦੇ ਫੈਕਲਟੀ ਮੈਂਬਰ ਅਮਨਪ੍ਰੀਤ ਕੌਰ, ਰਜਨੀਤ ਕੌਰ, ਸੰਦੀਪ ਕਲੇਰ, ਕਿਰਨਦੀਪ ਕੌਰ ਅਤੇ ਦਲਜੀਤ ਕੌਰ ਦੇ ਨਾਲ ਨਾਲ ਡਿਜ਼ਾਈਨਰ, ਕੋਰਿਓਗ੍ਰਾਫਰ, ਮੇਕਅੱਪ ਆਰਟਿਸਟ, ਮਾਡਲਸ ਅਤੇ ਪ੍ਰਤੀਯੋਗੀਆਂ ਨੇ ਬੜੀ ਖੂਬੀ ਨਾਲ ਇਸ ਫੈਸ਼ਨ ਸ਼ੋ ਨੂੰ ਕਾਮਯਾਬ ਬਣਾਇਆ ਅਤੇ ਫੈਸ਼ਨ ਸ਼ੋ ਵਿੱਚ ਜਲਵੇ ਬਿਖੇਰੇ। ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ ਨੇ ਦੱਸਿਆ ਕਿ ਇਸ ਫੈਸ਼ਨ ਸ਼ੋ ਵਿੱਚ ਸਾਰੀਆਂ ਡਰੈੱਸਜ਼, ਮਾਡਲਸ ਅਤੇ ਪ੍ਰਤੀਯੋਗੀਆਂ ਨੇ ਕੜੀ ਮਿਹਨਤ ਨਾਲ ਕੋਵਿਡ ਕਾਲ ਤੋਂ ਲੈ ਕੇ ਅੱਜ ਤੱਕ ਮੰਜੁਲਾ ਸੈਣੀ ਫੈਸ਼ਨ ਡਿਜ਼ਾਇਨਿੰਗ ਵਿਭਾਗ ਦੇ ਫੈਕਲਟੀ ਮੈਂਬਰਾਂ ਦੇ ਸਹਿਯੋਗ ਨਾਲ ਸਾਰਾ ਕੁਝ ਖੁਦ ਹੀ ਤਿਆਰ ਕਰਕੇ ਇਸ ਸ਼ੋ ਨੂੰ ਕਾਮਯਾਬ ਬਣਾਉਣ ਤੇ ਵਧਾਈ ਦਿੱਤੀ। ਇਸ ਮੌਕੇ ਤੇ ਚੇਅਰਮੈਨ ਚੌਧਰੀ ਕੁਮਾਰ ਸੈਣੀ ਨੇ ਦੱਸਿਆ ਕਿ ਕੇ.ਐਮ.ਐਸ ਕਾਲਜ ਵਿਖੇ ਫੈਸ਼ਨ ਡਿਜ਼ਾਇਨਿੰਗ ਵਿਭਾਗ ਦੀ ਮੰਗ ਤੇ ਇਸ ਸਾਲ ਐਮ.ਐਸ.ਸੀ ਫੈਸ਼ਨ ਡਿਜ਼ਾਇਨਿੰਗ ਦੇ ਕੋਰਸ ਨੂੰ ਵੀ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਇਲਾਕੇ ਦੀਆਂ ਵਿਦਿਆਰਥਣਾਂ ਨੂੰ ਬੀ.ਐਸ.ਸੀ ਫੈਸ਼ਨ ਡਿਜ਼ਾਇਨਿੰਗ ਤੋਂ ਬਾਅਦ ਐਮ.ਐਸ.ਸੀ ਫੈਸ਼ਨ ਡਿਜ਼ਾਇਨਿੰਗ ਕਰਨ ਦਾ ਮੌਕਾ ਮਿਲੇਗਾ। ਇਸ ਮੌਕੇ ਤੇ ਡਾਇਰੈਕਟਰ ਡਾ. ਮਾਨਵ ਸੈਣੀ ਨੇ ਕਿਹਾ ਕਿ ਕੇ.ਐਮ.ਐਸ ਕਾਲਜ ਦਾ ਫੈਸ਼ਨ ਡਿਜ਼ਾਇਨਿੰਗ ਵਿਭਾਗ ਬੁਲੰਦੀਆਂ ਨੂੰ ਹਾਸਲ ਕਰਕੇ ਬਹੁਤ ਹੀ ਥੋੜ੍ਹੇ ਸਮੇਂ ਵਿੱਚ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਕਰ ਰਿਹਾ ਹੈ। ਇਸ ਸਮਾਗਮ ਵਿੱਚ ਹੋਰਨਾਂ ਤੋਂ ਇਲਾਵਾ ਡਾਇਰੈਕਟਰ ਡਾ. ਮਾਨਵ ਸੈਣੀ, ਮੈਡਮ ਅਨੁਰਾਧਾ ਸ਼ਰਮਾ, ਹਰਭਜਨ ਸਿੰਘ ਲੌਂਗੀਆ, ਤੇਗਵੀਰ ਸਿੰਘ, ਸ਼੍ਰੀਮਤੀ ਸੰਤੋਸ਼ ਕੁਮਾਰੀ ਗਿੱਲ, ਰਵਨੀਤ ਕੌਰ, ਐਚ.ਓ.ਡੀ ਰਾਜੇਸ਼ ਕੁਮਾਰ, ਸਤਵੰਤ ਕੌਰ, ਕੁਸਮ ਲਤਾ, ਰੂਮਾਨੀ ਗੋਸਵਾਮੀ, ਲਖਵਿੰਦਰ ਕੌਰ ਪਿੰਕੀ, ਮਨਪ੍ਰੀਤ ਕੌਰ, ਲਖਵਿੰਦਰ ਕੌਰ ਬੇਬੀ, ਅਮਨਪ੍ਰੀਤ ਕੌਰ, ਗੁਰਿੰਦਰਜੀਤ ਕੌਰ, ਰਮਨਪ੍ਰੀਤ ਕੌਰ, ਗੁਰਜੀਤ ਕੌਰ ਆਦਿ ਹਾਜ਼ਰ ਸਨ।