ਨਬਾਲਿਗਾ ਨੂੰ ਵਰਗਲਾ-ਫੁਸਲਾ ਕੇ ਲੈ ਜਾਣ ਤੇ ਨੌਜਵਾਨ ਤੇ ਮਾਮਲਾ ਦਰਜ 

ਗੜਸ਼ੰਕਰ 22 ਮਾਰਚ (ਅਸ਼ਵਨੀ) : ਨਬਾਲਿਗਾ ਨੂੰ ਵਰਗਲਾ-ਫੁਸਲਾ ਕੇ ਲੈ ਜਾਣ ਤੇ ਗੜ੍ਹਸ਼ੰਕਰ ਪੁਲਿਸ ਨੇ ਇੱਕ ਨੌਜਵਾਨ ਤੇ ਮਾਮਲਾ ਦਰਜ ਕੀਤਾ ਹੈ।

ਨਬਾਲਿਗ ਦੇ ਪਿਤਾ ਨੇ ਪੁਲਸ ਨੂੰ ਦਿੱਤੇ ਬਿਆਨਾਂ ਵਿਚ ਕਿਹਾ ਕਿ ਉਸਦੇ ਚਾਰ ਬੱਚੇ ਹਨ। ਤਿੰਨ ਲੜਕੀਆਂ ਅਤੇ ਇੱਕ ਲੜਕਾ ਹੈ । ਉਸਦੀ ਤੀਸਰੀ ਲੜਕੀ ਜੋ ਸੱਤਵੀ ਕਲਾਸ ਵਿੱਚ ਪੜਦੀ ਹੈ। ਜੋ ਮਿਤੀ 19-03-2021 ਨੂੰ ਸੁਭਾ 8 ਵਜੇ ਸਕੂਲ ਨੂੰ ਪੜਨ ਸਕੂਲ ਗਈ ਸੀ ਜੋ ਵਾਪਸ ਘਰ ਨਹੀਂ ਆਈ । ਲੜਕੀ ਪਾਸ ਫੋਨ ਵੀ ਹੈ, ਜੋ ਬੰਦ ਆ ਰਿਹਾ ਹੈ । ਜਿਸ ਦੀ ਉਹ ਭਾਲ ਕਰਦੇ ਰਹੇ। ਜਿਹਨਾਂ ਨੂੰ ਪਤਾ ਲੱਗਾ ਕਿ ਉਹਨਾਂ ਦੀ ਲੜਕੀ ਨੂੰ ਅਮਨਦੀਪ ਸਿੰਘ ਪੁੱਤਰ ਤਰਸੇਮ ਲਾਲ ਵਾਸੀ ਪਿੰਡ ਭਲਾਣ ਥਾਣਾ ਨੰਗਲ ਜਿਲਾ ਰੂਪ ਨਗਰ ਵਰਗਲਾ-ਫੁਸਲਾ ਕੇ ਲੈ ਗਿਆ ਹੈ। ਨਬਾਲਿਗ ਲੜਕੀ ਦੇ ਪਿਤਾ ਦੇ ਬਿਆਨਾਂ ਦੇ ਆਧਾਰ ਤੇ ਅਮਨਦੀਪ ਸਿੰਘ ਖਿਲਾਫ ਧਾਰਾ 363,366 ਭ:ਦ ਅਧੀਨ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।