ਗੜਦੀਵਾਲਾ 4 ਮਾਰਚ ( ਚੌਧਰੀ ) : ਅੱਜ ਜਲ ਸਪਲਾਈ ਤੇ ਸੈਨੀਟੇਸ਼ਨ ਵਰਕਰ ਯੂਨੀਅਨ ਪੰਜਾਬ ਜਿਲਾ ਹੁਸ਼ਿਆਰਪੁਰ ਵਲੋਂ ਜਿਲ੍ਹਾ ਪ੍ਰਧਾਨ ਦਰਸ਼ਵੀਰ ਸਿੰਘ ਰਾਣਾ ਅਤੇ ਜਿਲ੍ਹਾ ਜਰਨਲ ਸਕੱਤਰ ਕੁਲਦੀਪ ਸਿੰਘ ਰਾਣਾ ਵਲੋ ਪ੍ਰੈਸ ਨੂੰ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਜਲ ਸਪਲਾਈ ਵਿਭਾਗ ਵਿੱਚ ਪਿਛਲੇ ਲੰਮੇ ਸਮੇਂ ਤੋਂ ਸੇਵਾਵਾਂ ਨਿਭਾ ਰਹੇ ਇਨਲਿਸਟਮੈਟ ਠੇਕਾ ਵਰਕਰਾਂ ਨੂੰ ਪਿਛਲੇ ਤਿੰਨ ਮਹੀਨਿਆਂ ਤੋਂ ਤਨਖ਼ਾਹਾ ਨਹੀ ਮਿਲੀਆਂ ਹਨ ਜਿਸ ਕਾਰਨ ਉਹਨਾਂ ਦੇ ਘਰਾਂ ਦੇ ਚੁੱਲ੍ਹੇ ਠੰਡੇ ਹੋ ਗਏ ਹਨ।ਇਸ ਸਬੰਧੀ ਜਥੇਬੰਦੀ ਵਲੋ ਵਿਭਾਗ ਦੀ ਉਚ ਮੈਨੇਜਮੈਂਟ ਨਾਲ ਗੱਲ ਬਾਤ ਕੀਤੀ ਗਈ ਤਾ ਉਹਨਾ ਵਲੋ ਦੱਸਿਆ ਗਿਆ ਕਿ ਵਿੱਤ ਵਿਭਾਗ ਕੋਲੋ ਤਨਖਾਹਾਂ ਦੇ ਫੰਡ ਸਬੰਧੀ ਮੰਗ ਕੀਤੀ ਹੋਈ ਹੈ ਪਰ ਇਕ ਮਹੀਨੇ ਤੋਂ ਵਿੱਤ ਵਿਭਾਗ ਕੋਲੋ ਫੰਡ ਦੀ ਮੰਗ ਕਰ ਰਹੇ ਹਨ ਪਰ ਹਜੇ ਤੱਕ ਫੰਡ ਨਹੀ ਭੇਜੇ ਜਾ ਰਹੇ ਜਿਸ ਕਾਰਨ ਤਨਖਾਹਾਂ ਲੇਟ ਹੋ ਰਹੀਆਂ ਹਨ।ਇਸ ਤੋ ਜਲ ਸਪਲਾਈ ਵਿਭਾਗ ਦੀ ਕਾਰਗੁਜ਼ਾਰੀ ਦਾ ਸਾਫ ਪਤਾ ਚਲਦਾ ਹੈ ਕਿ ਆਪਣੇ ਠੇਕਾ ਮੁਲਾਜਮ ਪ੍ਰਤੀ ਕਿੰਨਾ ਕੁ ਸੰਜੀਦਾ ਹੈ ਇਸ ਲਈ ਜੇਕਰ ਜਲਦ ਹੀ ਵਿਭਾਗ ਨੇ ਤਨਖਾਹ ਦੇ ਫੰਡ ਜਾਰੀ ਨਹੀ ਕੀਤੇ ਤਾ ਜਥੇਬੰਦੀ ਸ਼ੰਘਰਸ਼ ਕਰੇਗੀ ਜਿਸ ਦੀ ਸਾਰੀ ਜਿੰਮੇਵਾਰੀ ਵਿਭਾਗ ਦੀ ਉਚ ਮੈਨੇਜਮੈਂਟ ਹੋਵੇਗੀ।ਇਸ ਸਮੇ ਕਮਲਜੀਤ ਸਿੰਘ ਸੰਦੀਪ ਕੁਮਾਰ ਠਾਕੁਰ ਮਹਿੰਦਰ ਸਿੰਘ ਮਨਪ੍ਰੀਤ ਸਿੰਘ ਜਗੀਰ ਸਿੰਘ ਅਦਿ ਹਾਜਰ ਸਨ।