ਦਸੂਹਾ 3 ਮਾਰਚ (ਚੌਧਰੀ) : ਸੀਨੀਅਰ ਸਿਟੀਜ਼ਨਜ਼ ਵੈਲਫੇਅਰ ਐਸੋਸੀਏਸ਼ਨ ਰਜਿ. ਦਸੂਹਾ ਵੱਲੋ ਕੇ.ਐਮ.ਐਸ ਕਾਲਜ ਵਿਖੇ ਬੀਤੇ ਦਿਨੀਂ ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਜੀ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਵਿੱਚ ਚਰਚਾ ਦੌਰਾਨ ਰੂਸ – ਯੂਕਰੇਨ ਵਿਚਕਾਰ ਛਿੜੇ ਯੁੱਧ ਵਿੱਚ ਫਸੇ ਭਾਰਤੀ ਵਿਦਿਆਰਥੀਆਂ ਦੀ ਤੁਰੰਤ ਵਾਪਸੀ ਅਤੇ ਯੁੱਧ ਨੂੰ ਰੋਕਣ ਦੀ ਅਪੀਲ ਕੀਤੀ ਗਈ। ਮੀਟਿੰਗ ਦੀ ਜਾਣਕਾਰੀ ਦਿੰਦੇ ਹੋਏ ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ ਨੇ ਦੱਸਿਆ ਕਿ ਸੀਨੀਅਰ ਸਿਟੀਜ਼ਨਜ਼ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਅਪੀਲ ਕੀਤੀ ਹੈ ਕਿ ਉਹ ਜਲਦੀ ਤੋਂ ਜਲਦੀ ਦੋਨਾਂ ਦੇਸ਼ਾਂ ਵਿੱਚ ਕੜੀ ਬਣ ਕੇ ਇਸ ਭਿਅੰਕਰ ਯੁੱਧ ਨੂੰ ਵਿਸ਼ਵ ਯੁੱਧ ਵਿੱਚ ਤਬਦੀਲ ਹੋਣ ਤੋਂ ਰੋਕਣ ਲਈ ਆਪਣੀ ਪੂਰੀ ਤਾਕਤ ਲਗਾਉਣ। ਭਾਰਤ ਸਰਕਾਰ ਵੱਲੋਂ ਆਪਣੀ ਪੂਰੀ ਤਾਕਤ ਦੀ ਵਰਤੋਂ ਕਰਦੇ ਹੋਏ ਮਿਸ਼ਨ ਗੰਗਾ ਦੇ ਤਹਿਤ ਯੂਕਰੇਨ ਤੋਂ ਵਾਪਸ ਲਿਆਂਦੇ ਜਾ ਰਹੇ ਵਿਦਿਆਰਥੀਆਂ ਨੂੰ ਮੁਫਤ ਹਵਾਈ ਸੇਵਾ ਰਾਹੀਂ ਭਾਰਤ ਲਿਆਉਣ ਤੇ ਪ੍ਰਸ਼ੰਸਾ ਕੀਤੀ ਗਈ।
ਸੈਣੀ ਨੇ ਦੱਸਿਆ ਕਿ ਡਾ. ਅਮਰੀਕ ਸਿੰਘ ਪੈਟਰਨ, ਕਮਾਂਡੈਂਟ ਬਖਸ਼ੀਸ਼ ਸਿੰਘ ਚੇਅਰਮੈਨ ਅਤੇ ਕਰਨਲ ਜੇ.ਐਲ. ਸ਼ਰਮਾ ਪ੍ਰਧਾਨ ਦੀ ਹਾਈ ਪਾਵਰ ਕਮੇਟੀ ਵੱਲੋਂ ਜਗਜੀਤ ਸਿੰਘ ਅਤੇ ਰਾਜਿੰਦਰ ਸਿੰਘ ਸੀਨੀਅਰ ਵਾਈਸ ਪ੍ਰਧਾਨ, ਭਾਗ ਸਿੰਘ, ਜਗਮੋਹਣ ਸ਼ਰਮਾ, ਰਮੇਸ਼ ਸ਼ਰਮਾ, ਰਾਮੇਸ਼ਵਰ ਜੋਸ਼ੀ, ਰਣਬੀਰ ਚੰਦ ਅਤੇ ਸ਼੍ਰੀਮਤੀ ਸੰਤੋਸ਼ ਗਿੱਲ ਵਾਈਸ ਪ੍ਰਧਾਨ, ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ, ਵਿਨੋਦ ਹੰਸ ਆਫਿਸ ਸੈਕਟਰੀ, ਡਾ. ਤਰਸੇਮ ਡੋਗਰਾ ਸੈਕਟਰੀ ਅਤੇ ਅਨਿਲ ਕੁਮਾਰ ਜੁਆਇੰਟ ਸੈਕਟਰੀ ਦੇ ਨਾਲ ਨਾਲ ਸਤੀਸ਼ ਕਾਲੀਆ ਫਾਇਨਾਂਸ ਸੈਕਟਰੀ, ਪ੍ਰੇਮ ਕੁਮਾਰ ਕੈਸ਼ੀਅਰ ਤੋਂ ਇਲਾਵਾ ਬ੍ਰਹਮ ਦੇਵ ਰੱਲ੍ਹਣ, ਸੁਰਿੰਦਰ ਨਾਥ, ਵਿਪਨ ਕੁਮਾਰ, ਗਣੇਸ਼ ਦੱਤ, ਧਰਮ ਪਾਲ, ਹਰਮਿੰਦਰ ਲਾਲ, ਅਮਰੀਕ ਸਿੰਘ ਗੱਗੀ, ਕਿਰਪਾਲ ਸਿੰਘ ਪੂਰੀ ਅਤੇ ਸ਼ਾਮ ਨਾਥ ਕਾਰਜਕਾਰਣੀ ਮੈਬਰਾਂ ਨੂੰ ਨਿਯੁਕਤ ਕੀਤਾ ਗਿਆ।
