ਗੜ੍ਹਦੀਵਾਲਾ 3 ਫ਼ਰਵਰੀ (ਚੌਧਰੀ) : ਹਲਕਾ ਟਾਂਡਾ ਦੇ ਪਿੰਡ ਜੌਹਲ ਵਿਖੇ ਸੁਖਵਿੰਦਰ ਸਿੰਘ ਜੌਹਲ ਦੀ ਅਗਵਾਈ ਹੇਠ ਹਲਕਾ ਉਮੀਦਵਾਰ ਮਨਜੀਤ ਸਿੰਘ ਦਸੂਹਾ ਦੇ ਹੱਕ ਵਿੱਚ ਇੱਕ ਭਰਵੀਂ ਮੀਟਿੰਗ ਹੋਈ। ਜਿਸ ਦੌਰਾਨ ਜ਼ਿਲ੍ਹਾ ਪ੍ਰਧਾਨ ਸਤਵਿੰਦਰਪਾਲ ਸਿੰਘ ਢੱਟ ਤੇ ਅਵਤਾਰ ਸਿੰਘ ਜੌਹਲ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜ਼ਰ ਹੋਏ ਇਸ ਮੌਕੇ ਸੰਬੋਧਨ ਕਰਦਿਆਂ ਸਤਵਿੰਦਰਪਾਲ ਸਿੰਘ ਢੱਟ ਤੇ ਅਵਤਾਰ ਸਿੰਘ ਜੌਹਲ ਨੇ ਜਿੱਥੇ ਦਸੂਹਾ ਦੇ ਹੱਕ ਵਿੱਚ ਚੋਣ ਪ੍ਰਚਾਰ ਕੀਤਾ ਓਥੇ ਉਹਨਾਂ ਕਿਹਾ ਕੇ ਦਸੂਹਾ ਇਕ ਬੇਮਿਸਾਲ ਸ਼ਖਸ਼ੀਅਤ ਹਨ। ਉਹਨਾਂ ਕਿਹਾ ਕਿ ਦਸੂਹਾ ਇੱਕ ਐਨ ਆਰ ਆਈ ਹੋਣ ਦੇ ਨਾਲ ਨਾਲ ਸਮਾਜ ਸੇਵੀ ਵੀ ਹਨ, ਜਿਹਨਾ ਅਨੇਕਾਂ ਹੀ ਲੜਕੀਆਂ ਦੇ ਵਿਆਹ ਮੌਕੇ ਆਪਣੀ ਤਰਫੋਂ ਸ਼ਗਨ ਸਕੀਮ, ਅਪਾਹਿਜ ਲੋਕਾਂ ਦਾ ਵਿਕਾਸ ਅਤੇ ਗਰੀਬ ਵਰਗ ਦੇ ਲੋਕਾਂ ਨੂੰ ਪੜਾਉਣ ਲਈ ਜੋ ਲੜੀ ਚਲਾਈ ਹੈ ਉਹ ਬਾਦਸਤੂਰ ਲਾਗੂ ਹੈ। ਉਹਨਾਂ ਪਿੰਡ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਇਹੋ ਜਿਹੀ ਸ਼ਖਸ਼ੀਅਤ ਨੂੰ ਹਲਕਾ ਟਾਂਡਾ ਦੀ ਕਮਾਨ ਦੇਣਾ ਤੁਹਾਡੇ ਸਮੂਹ ਵੋਟਰਾਂ ਦੇ ਹੱਥ ਹੈ। ਇਸ ਮੌਕੇ ਮਨਜੀਤ ਸਿੰਘ ਦਸੂਹਾ ਨੇ ਜਿੱਥੇ ਆਪਣੇ ਨਾਲ ਪੁੱਜੀ ਸਮੁੱਚੀ ਟੀਮ ਦਾ ਧੰਨਵਾਦ ਕੀਤਾ ਓਥੇ ਵੱਡੀ ਗਿਣਤੀ ਵਿੱਚ ਪਹੁੰਚੇ ਪਿੰਡ ਵਾਸੀਆਂ ਨੂੰ ਕਿਹਾ ਕਿ ਉਹ ਮੈਨੂੰ ਇੱਕ ਮੌਕਾ ਦੇ ਕੇ ਦੇਖਣ ਜੇਕਰ ਮੈ ਉਹਨਾਂ ਦੀਆਂ ਆਸਾਂ ਤੇ ਖਰਾ ਉਤਰਾਂ ਤਾਂ ਮੈਨੂੰ ਬਣਾ ਸਕਦੇ ਹਨ ਜੇਕਰ ਨਾ ਉਤਰਾ ਤਾਂ ਮੈਨੂੰ ਅਹੁਦੇ ਤੋਂ ਉਤਾਰ ਵੀ ਸਕਦੇ ਹਨ। ਇਸ ਮੌਕੇ ਰਵਾਇਤੀ ਪਾਰਟੀਆਂ ਛੱਡ ਕੇ ਸ਼ਾਮਿਲ ਹੋਏ ਵਿਅਕਤੀਆਂ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸ਼ਾਮਿਲ ਹੋਇਆ ਵਿੱਚ ਪਰਮਿੰਦਰ ਸਿੰਘ, ਬਲਵੰਤ ਸਿੰਘ, ਬਲਰਾਮ ਕੁਮਾਰ, ਜਗਦੀਸ਼ ਕੁਮਾਰ, ਅਮਨਦੀਪ ਸਿੰਘ, ਪਾਲਾ, ਲਖਵੀਰ ਸਿੰਘ , ਬੇਅੰਤ ਸਿੰਘ, ਇਕਬਾਲ, ਸਾਹਿਲ, ਰਜਿੰਦਰ ਸਿੰਘ , ਕੁਲਵੰਤ ਸਿੰਘ, ਮੰਨੂ ਜੌਹਲ, ਬੱਗਾ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜ਼ਰ ਸਨ।