ਗੜ੍ਹਦੀਵਾਲਾ  27 ਜਨਵਰੀ (ਚੌਧਰੀ /ਯੋਗੇਸ਼ ਗੁਪਤਾ /ਪ੍ਰਦੀਪ ਸ਼ਰਮਾ) : ਸਥਾਨਕ ਪੁਲਿਸ ਨੇ 33 ਬੋਤਲਾਂ ਨਜਾਇਜ਼ ਸ਼ਰਾਬ ਸਮੇਤ ਇੱਕ ਔਰਤ ਨੂੰ ਕਾਬੂ ਕਰਨ ਦਾ ਦਾਅਵਾ ਕੀਤਾ ਹੈ।ਦੋਸ਼ੀ ਦੀ ਪਹਿਚਾਣ ਸਤਵਿੰਦਰ ਕੌਰ ਪਤਨੀ ਸੋਢੀ ਵਾਸੀ ਮੱਲੀਆਂ ਥਾਣਾ ਗੜਦੀਵਾਲਾ ਵਜੋਂ ਹੋਈ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹੋਇਆਂ ਥਾਣਾ ਮੁਖੀ ਗੜਦੀਵਾਲਾ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਏ ਐਸ ਆਈ ਦਰਸਨ ਸਿੰਘ, ਐਚ ਸੀ ਸੁਖਦੇਵ ਸਿੰਘ , ਐਲ/ ਸੀ ਟੀ ਅਮਨਦੀਪ ਕੌਰ  ਬਾ ਸਵਾਰੀ ਪ੍ਰਾਈਵੇਟ ਵਹੀਕਲਾ ਬਾ ਸਿਲਸਿਲਾ ਇਲਾਕਾ ਗੁਸਤ ਬਾ ਤਲਾਸ ਸ਼ੱਕੀ ਪੁਰਸ਼ਾ ਦੇ ਸਬੰਧ ਵਿੱਚ ਪਿੰਡ ਬਾਹਗਾ, ਦਾਰਾਪੁਰ, ਮੱਲੀਆਂ ਪੰਡੋਰੀ,ਸਕਰਾਲਾ ਆਦਿ ਨੂੰ ਜਾ ਰਹੇ ਸੀ ਜਦ ਪੁਲਿਸ ਪਾਰਟੀ ਪਿੰਡ ਦਾਰਾਪੁਰ ਠੇਕਾ ਚੌਂਕ ਪਾਸ ਪੁੱਜੀ ਤਾਂ ਐਕਸਾਈਜ਼ ਇੰਸਪੈਕਟਰ ਮਹਿੰਦਰ ਸਿੰਘ ਅਤੇ ਮਨੋਹਰ ਲਾਲ ਸਮੇਤ ਐਸ ਆਰ/ ਸੀ ਟੀ  ਕਸ਼ਮੀਰ ਸਿੰਘ ਨਾਲ ਮੁਲਾਕਾਤ ਹੋਈ। ਜਿੱਥੇ  ਐਕਸਾਈਜ਼ ਇੰਸਪੈਕਟਰ  ਨੂੰ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕੇ ਸਤਵਿੰਦਰ ਕੌਰ ਪਤਨੀ ਸੋਢੀ ਵਾਸੀ ਪਿੰਡ ਮੱਲੀਆਂ ਜਿਸ ਨੇ ਆਪਣੇ ਘਰ ਅੰਦਰ ਭਾਰੀ ਮਾਤਰਾ ਵਿੱਚ ਨਜਾਇਜ ਸਰਾਬ ਇਕੱਠੀ ਕਰਕੇ ਰੱਖੀ ਹੋਈ ਹੈ, ਜੇਕਰ ਹੁਣੇ ਹੀ ਰੇਡ ਕੀਤਾ ਜਾਵੇ ਤਾਂ ਸਤਵਿੰਦਰ ਕੌਰ ਦੇ ਘਰ ਵਿੱਚ ਭਾਰੀ ਮਾਤਰਾ ਸ਼ਰਾਬ ਸਮੇਤ ਕਾਬੂ ਆ ਸਕਦੀ ਹੈ। ਜੋ ਇਤਲਾਹ ਸੱਚੀ ਤੇ ਠੋਸ ਹੋਣ ਤੇ ਮਨ ਐਸ ਆਈ ਸਮੇਤ ਐਕਸਾਈਜ਼ ਇੰਸਪੈਕਟਰ  ਅਤੇ ਸਾਥੀ ਕਰਮਚਾਰੀਆਂ ਦੇ ਮੁਖਬਰ ਖਾਸ ਵਲੋਂ ਦੱਸੇ ਸਤਵਿੰਦਰ ਕੌਰ ਉਕਤ ਦੇ ਘਰ ਰੇਡ ਕੀਤੀ ਤਾਂ ਸਤਵਿੰਦਰ ਕੌਰ ਦੇ ਘਰ ਦੀ ਤਲਾਸੀ ਕਰਨ ਤੇ ਘਰ ਦੇ ਬੈੱਡਰੂਮ ਦੀ ਇੱਕ ਨੁੱਕਰ ਵਿੱਚੋਂ ਵਜਨਦਾਰ ਬੋਰਾ ਪਲਾਸਟਿਕ ਪਿਆ ਦਿਖਾਈ ਦਿੱਤਾ। ਜਿਸ ਨੂੰ ਚੈਕ ਕਰਨ ਉਕਤ ਦਾ ਮੂੰਹ ਖੋਲ ਕੇ ਚੈੱਕ ਕੀਤਾ ਤਾਂ ਵਿੱਚ ਸ਼ਰਾਬ ਮਾਰਕਾ 555 ਗੋਲਡ ਵਿਸਕੀ,  ਯੂ. ਕੇ ਨੰ.01 ਅਤੇ ਜੋਲਟ XXX ਰਮ ਵੱਖ ਵੱਖ ਮਾਰਕੇ ਦੀ ਬਰਾਮਦ ਹੋਈ ਤੇ ਹਰੇਕ ਬੋਤਲ ਪਰ ਫਾਰ ਸੇਲ ਇੰਨ ਚੰਡੀਗੜ੍ਹ (ਯੂ ਟੀ) ਔਨਲੀ ਲਿਖਿਆ ਹੈ ਜਿਨ੍ਹਾਂ ਦੀ ਗਿਣਤੀ ਕਰਨ ਤੇ ਮਾਰਕਾ 555 ਗੋਲਡ ਵਿਸਕੀ 20 ਬੋਤਲਾਂ,ਯੂ.ਕੇ ਨੰ.01 ਦੀਆਂ 07 ਬੋਤਲਾਂ ਅਤੇ ਜੋਲਟ XXX ਰਮ ਦੀਆਂ 06 ਬੋਤਲਾਂ ਬਰਾਮਦ ਹੋਈਆਂ।ਪੁਲਿਸ ਨੇ ਦੋਸ਼ੀ ਸਤਵਿੰਦਰ ਕੌਰ ਪਤਨੀ ਸੋਢੀ ਵਾਸੀ ਮੱਲੀਆਂ ਥਾਣਾ ਗੜਦੀਵਾਲਾ ਤੇ 33 ਬੋਤਲਾਂ ਨਜਾਇਜ਼ ਸ਼ਰਾਬ ਰੱਖਣ ਦੇ ਜੁਰਮ  61-1-14 ਐਕਸਾਈਜ਼ ਐਕਟ ਅਧੀਨ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।