ਗੁਰਦਾਸਪੁਰ ( ਅਸ਼ਵਨੀ )

27 ਅਪ੍ਰੈਲ – ਮਿਲਕ ਯੂਨੀਅਨ ਗੁਰਦਾਸਪੁਰ ਦਾ 498 ਲੀਟਰ ਦੁੱਧ ਚੋਰੀ ਹੋ ਜਾਣ ਦੇ ਦੋਸ਼ ਵਿਚ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਦੀ ਪੁਲਿਸ ਵੱਲੋ ਪੰਜ ਵਿਅਕਤੀਆਂ ਨੂੰ ਨਾਮਜ਼ਦ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ । ਸਵਰਾਜਪਾਲ ਸਿੰਘ ਇੰਨਚਾਰਜ ਐਡਮਿਨ ਮਿੱਲਕ ਯੂਨੀਅਨ ਗੁਰਦਾਸਪੁਰ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀਂ ਦੱਸਿਆ ਕਿ ਅਰਜਨ , ਰਿੰਕਲ ਵਾਸੀਆਨ ਗੁਰਦਾਸਪੁਰ , ਜਗਪ੍ਰੀਤ ਸਿੰਘ ਵਾਸੀ ਜੋੜਾ ਛੱਤਰਾ , ਰਾਜੇਸ਼ ਕੁਮਾਰ ਡਰਾਈਵਰ ਅਤੇ ਮਲਕੀਅਤ ਸਿੰਘ ਹੈਲਪਰ ਮਿੱਲਕ ਪਲਾਂਟ ਗੁਰਦਾਸਪੁਰ ਬੀਤੀ 16 ਅਪ੍ਰੈਲ ਨੂੰ ਕਰੀਬ 9.10 ਵਜੇ ਰਾਤ ਆਉਟ ਸੋਰਸ ਵਰਕਰਾਂ ਵੱਲੋਂ ਟਰੱਕ ਨੰਬਰ 7956 ਰਾਹੀਂ ਦੁੱਧ ਅਤੇ ਦੁੱਧ ਦੇ ਬਣੇ ਪਦਾਰਥਾਂ ਦੀ ਚੋਰੀ ਕਰਨ ਦੀ ਕੋਸ਼ਿਸ ਕੀਤੀ ਗਈ ਹੈ ਅਤੇ ਮਿੱਲਕ ਪਲਾਂਟ ਦੀ ਟੀਮ ਵੱਲੋ ਮੋਕਾ ਤੇ ਚੈਕਿੰਗ ਕਰਨ ਤੇ 498 ਲੀਟਰ ਦੁੱਧ ਚੋਰੀ ਹੋਣਾ ਪਾਇਆ ਗਿਆ ਹੈ ।ਤਫਤੀਸ਼ੀ ਅਫਸਰ ਏ ਐਸ ਆਈ ਰਾਜ ਕੁਮਾਰ ਨੇ ਦੱਸਿਆ ਕਿ ਪੁਲਿਸ ਵੱਲੋ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।