ਟਾਂਡਾ / ਦਸੂਹਾ (ਚੌਧਰੀ) :  ਟਾਂਡਾ ਹਲਕੇ ਵਿਚ ਲੁੱਟਖੋਹ ਦੀਆਂ ਵਾਰਦਾਤਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਸਥਾਨਕ ਪੁਲਸ ਨੇ ਇੱਕ ਫੀਲਡ ਅਫਸਰ ਕੋਲੋਂ 3 ਅਣਪਛਾਤੇ ਵਿਅਕਤੀਆਂ ਵਲੋਂ 55435 ਰੁਪਏ ਅਤੇ ਕੁਝ ਜਰੂਰੀ ਕਾਗਜਾਤ ਖੋਹਣ ਤੇ ਮਾਮਲਾ ਦਰਜ ਕੀਤਾ ਗਿਆ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਸਮਸੂਨ ਪੁੱਤਰ ਹੀਰਾ ਵਾਸੀ | ਮੰਗੀਆਂ ਡੇਰਾ ਬਾਬਾ ਨਾਨਕ ਜਿਲ੍ਹਾ ਗੁਰਦਾਸਪੁਰ ( ਉਮਰ ਕਰੀਬ 19 ਸਾਲ) ਨੇ ਕਿਹਾ ਉਹ ਮਿਡਲੈੰਡ ਮਾਇਕਰੋ ਫਾਇਨਾਸ ਲਿਮ: ਕੰਪਨੀ ਦਸੂਹਾ ਵਿਖੇ ਬਤੋਰ ਫੀਲਡ ਅਫਸਰ ਕੰਮ ਕਰਦਾ ਹੈ ਮਿਤੀ 29-03-2022 ਨੂੰ ਵਕਤ ਕਰੀਬ 08:30 ਵਜੇ ਰਾਤ ਨੂੰ ਆਪਣੇ ਮੋਟਰ ਸਾਈਕਲ ਪਲਾਟੀਨਾ ਤੇ ਲੋਨ ਦੀ ਉਗਰਾਹੀ ਕਰਨ ਲਈ ਜਾ ਰਿਹਾ ਸੀ ਜਦੋਂ ਉਹ ਨੇੜੇ ਰਾਜਪੁਰ ਗਹੋਤ ਪਾਸ ਪੁੱਜਾ ਤਾ 3 ਅਣਪਛਾਤੇ ਵਿਅਕਤੀਆਂ ਵੱਲੋਂ ਮੋਟਰ ਸਾਈਕਲ ਸਪਲੈਡਰ ਤੇ ਸਵਾਰ ਹੋ ਕੇ ਆ ਕੇ ਆਪਣੇ ਦਸਤੀ ਡੰਡੇ ਦਾ ਵਾਰ ਪਿਠ ਪਰ ਕਰਨ ਤੇ ਉਹ ਮੋਟਰ ਸਾਈਕਲ ਤੋਂ ਲੜਖੜਾ ਕੇ ਜਮੀਨ ਪਰ ਡਿੱਗ ਗਿਆ ਤਾ ਉਗਰਾਹੀ ਕੀਤੇ ਰਕਮ 53435/- ਰੁ: ਤੇ ਉਸ ਦੀ ਪਹਿਨੀ ਹੋਈ ਪੈਟ ਵਿੱਚੋ ਪੁਰਸ ਜਿਸ ਵਿਚ 2000/- ਸਨ ਅਧਾਰ ਕਾਰਡ,ਡਰਾਈਵਿੰਗ ਲਾਇਸੰਸ ਖੋਹ ਕੇ ਲੈ ਗਏ ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।