ਤਲਵਾੜਾ / ਦਸੂਹਾ 6 ਫਰਵਰੀ (PPT NEWS) 

:  ਅੱਡਾ ਬੈਰੀਅਰ ਤੇ 5 ਫਰਵਰੀ ਰਾਤ ਕਰੀਬ 8 ਵਜੇ 2 ਗੱਡੀਆਂ ਦੀ ਆਪਸੀ ਟੱਕਰ ਹੋਣ ਤੇ ਗੱਡੀ ਚਾਲਕ ਅਤੇ ਸਵਾਰ ਬਾਲ ਬਾਲ ਬਚੇ, ਕਰੀਬ 10 ਘੰਟਿਆਂ ਬਾਅਦ ਤੜਕਸਾਰ ਸਪਾਰਕਿੰਗ ਹੋਣ ਤੇ ਦੋਵੇਂ ਗੱਡੀਆਂ ਅੱਗ ਦੀ ਭੇਂਟ ਚੜ੍ਹੀਆਂ।

ਪ੍ਰਪਾਤ ਜਾਣਕਾਰੀ ਅਨੁਸਾਰ ਸਥਾਨਕ ਲੋਕਾਂ ਨੇ ਦੱਸਿਆ ਕਿ 5 ਫ਼ਰਵਰੀ ਕਰੀਬ ਸ਼ਾਮ 8 ਵਜੇ ਅਠਾਰਾਂ ਟੈਰੀ ਟਰਾਲਾ ਨੰਬਰ ਪੀ. ਬੀ 03 ਏ.ਜੇ 2899 ਬਜਰੇ ਨਾਲ ਭਰਿਆ ਬਠਿੰਡਾ ਜਾ ਰਿਹਾ ਸੀ ਅਤੇ ਦੂਜੀ ਗੱਡੀ ਕਾਰ ਨੰਬਰ ਪੀ. ਬੀ 35 ਏ. ਜੇ 4780 ਵਿਚ ਚਾਲਕ ਅਤੇ ਸਵਾਰ ਵਿਆਹ ਤੇ ਜਾ ਰਹੇ ਸਨ। ਦੋਨਾਂ ਗੱਡੀਆਂ ਦੀ ਆਪਸੀ ਭਿੜਤ ਹੋਣ ਤੇ ਕਾਰ ਚਾਲਕ – ਸਵਾਰ ਨੂੰ ਸੱਟਾਂ ਲੱਗੀਆਂ ਅਤੇ ਟਰਾਲਾ ਡਰਾਇਵਰ ਬਲਕਰਨ ਸਿੰਘ (ਰਾਮਪੁਰਾਫੂਲ ) ਨੂੰ ਮਾਮੂਲੀ ਸੱਟਾਂ ਲੱਗੀਆਂ । ਵਿਆਹ ਤੇ ਜਾ ਰਹੇ ਕਾਰ ਚਾਲਕ ਸਵਾਰ ਨੂੰ ਰਾਹਗੀਰਾਂ ਦੇ ਸਹਿਯੋਗ ਨਾਲ ਇਲਾਜ਼ ਲਈ ਹਸਪਤਾਲ ਪਹੁੰਚਾ ਦਿੱਤਾ। ਦੋਨਾਂ ਗੱਡੀਆਂ ਦੀ ਆਪਸੀ ਭਿੜਤ ਉਪਰੰਤ ਕਰੀਬ 10 ਘੰਟਿਆਂ ਬਾਅਦ ਦੋਨੋਂ ਗੱਡੀਆਂ ਅੱਗ ਦੀਆਂ ਲਾਟਾਂ ‘ਚ ਸੜ ਕੇ ਸੁਆਹ ਹੋ ਗਈਆਂ। ਸਥਾਨਕ ਲੋਕਾਂ ਦੀ ਜਾਣਕਾਰੀ ਅਨੁਸਾਰ ਦੋਹਾਂ ਗੱਡੀਆਂ ਨੂੰ ਅੱਗ ਸਪਾਰਕਿੰਗ ਹੋਣ ਕਰਕੇ ਦੱਸਿਆ ਜਾ ਰਿਹਾ ਹੈ। ਸੰਪਰਕ ਕਰਨ ਤੇ ਤਲਵਾੜਾ ਥਾਣਾ ਮੁਖੀ ਹਰਪ੍ਰੇਮ ਸਿੰਘ ਨੇ ਦੱਸਿਆ ਕਿ ਅੱਡਾ ਬੈਰੀਅਰ ਤੇ ਗੱਡੀਆਂ ਦੀ ਆਪਸੀ ਭਿੜਤ ਹੋਣ ਤੇ ਪੁਲਿਸ ਪ੍ਰਸ਼ਾਸਨ ਵਲੋਂ ਅਗਲੇਰੀ ਕਾਰਵਾਈ ਆਰੰਭ ਦਿੱਤੀ ਹੈ।