ਮੁਕੇਰੀਆਂ / ਦਸੂਹਾ (ਚੌਧਰੀ)

3 ਜਨਵਰੀ : ਏ ਐਸ ਆਈ ਜਸਪਾਲ ਸਿੰਘ ਸਮੇਤ ਪੁਲਿਸ ਪਾਰਟੀ ਕਮੇਟੀ ਬਜਾਰ ਮੁਕੇਰੀਆਂ ਮੌਜੂਦ ਸੀ ਤਾਂ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਪਵਨ ਕੁਮਾਰ ਉਰਫ ਟਿਪੀ ਪੁੱਤਰ ਸ਼ਾਮ ਲਾਲ ਵਾਸੀ ਮੁਹੱਲਾ ਕੁਰਸ਼ੀਦਪੁਰਾ ਵਾਰਡ ਨੰਬਰ 3 ਮੁਕਰੀਆਂ ਜੋ ਕਮੇਟੀ ਰੋਡ ਚਾਹ ਦੀ ਦੁਕਾਨ ਦੀ ਆੜ ਵਿਚ ਪੰਜਾਬ ਸਰਕਾਰ ਵੱਲੋਂ ਪਾਬੰਦੀ ਸ਼ੁਦਾ ਚਾਇਨਾ ਡੋਰ ਵੇਚਦਾ ਹੈ ਜੋ ਇਸ ਵਕਤ ਵੀ ਚਾਇਨ ਡੋਰ ਵੇਚ ਰਿਹਾ ਹੈ, ਜੋ ਏ ਐਸ ਆਈ ਸਮੇਤ ਪੁਲਿਸ ਪਾਰਟੀ ਦੇ ਮੌਕਾ ਤੇ ਪੁੱਜਾ ਜੋ ਪਵਨ ਕੁਮਾਰ ਉਕਤ ਪੁਲਿਸ ਪਾਰਟੀ ਨੂੰ ਦੇਖ ਕੇ ਬੋਰਾ ਪਲਾਸਟਿਕ ਨੂੰ ਚੁੱਕ ਕੇ ਦੁਕਾਨ ਅੰਦਰ ਨੂੰ ਕਰਨ ਲੱਗਾ। ਜਿਸਨੂੰ ਕਾਬੂ ਕਰਕੇ ਨਾਮ ਪਤਾ ਪੁੱਛਿਆ। ਜਿਸਨੇ ਆਪਣਾ ਨਾਮ ਪਵਨ ਕੁਮਾਰ ਉਰਫ ਟਿਪੀ ਪੁੱਤਰ ਸ਼ਾਮ ਲਾਲ ਵਾਸੀ ਮੁਹੱਲਾ ਕੁਰਸ਼ੀਦਪੁਰਾ ਵਾਰਡ ਨੰਬਰ 3 ਮੁਕੇਰੀਆਂ ਥਾਣਾ ਮੁਕੇਰੀਆਂ ਜਿਲਾ ਹੁਸਿਆਰਪੁਰ ਦੱਸਿਆ ਤੇ ਉਸਦੇ ਹੱਥ ਵਿਚ ਫੜੇ ਬੋਰਾ ਪਲਾਸਟਿਕ ਨੂੰ ਫੜ ਕੇ ਖੋਲ ਕੇ ਚੈੱਕ ਕਰਨ ਤੋਂ ਉਸ ਵਿਚੋਂ 12 ਗੱਟੂ ਚਾਇਨਾ ਡੋਰ ਜੋ ਪਾਬੰਦੀ ਸ਼ੁਦਾ ਬਰਾਮਦ ਹੋਈ ਜੋ 8 ਗੱਟੂ ਚਾਇਨਾ ਡੋਰ ਦੀ ਪੈਕਿੰਗ 4 ਗੱਟੂ ਖੁੱਲੇ ਹਨ। ਜੋ ਪਵਨ ਕੁਮਾਰ ਉਕਤ ਵੱਲੋ ਚਾਇਨਾ ਡੋਰ ਬਰਾਮਦ ਹੋਣ ਤੇ ਮੁਕੱਦਮਾ ਦਰਜ ਕੀਤਾ ਗਿਆ ।