ਬਟਾਲਾ (ਅਵਿਨਾਸ਼ ਸ਼ਰਮਾ )

14 ਦਸੰਬਰ : ਅੱਜ ਕਿਸੇ ਵੱਲੋਂ ਬਟਾਲਾ ਦੇ ਸਿਟੀ ਰੋਡ ਹੰਸਲੀ ਦੇ ਪੁਲ ਲਾਗੇ ਕੂੜੇ ਦੇ ਢੇਰ ਉੱਤੇ ਇਕ ਪਾਰਟੀ ਦੇ ਝੰਡੇ ਨਾਲ ਓਮ ਲਿਖੇ ਹੋਏ ਪੀਲੇ ਧਾਰਮਿਕ ਝੰਡੇ ਸੁੱਟੇ ਗਏ ਸਨ ਜਿਸ ਦਾ ਪਤਾ ਲੱਗਣ ਤੇ ਸ਼ਿਵ ਸੈਨਾ ਬਾਲਾ ਸਾਹਿਬ ਠਾਕਰੇ ਦੇ ਸੀਨੀਅਰ ਮੀਤ ਪ੍ਰਧਾਨ ਪੰਜਾਬ ਰਮੇਸ਼ ਨਈਅਰ ਨੇ ਓਥੇ ਜਾ ਕੇ ਧਾਰਮਿਕ ਝੰਡੇ ਸਨਮਾਨ ਸਾਹਿਤ ਚੁੱਕ ਲਏ।
ਓਹਨਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਧਾਰਮਿਕ ਝੰਡਿਆਂ ਦੀ ਬੇਅਦਬੀ ਨਾ ਕੀਤੀ ਜਾਵੇ ਜੇਕਰ ਕਿਸੇ ਨੇ ਗਲਤੀ ਨਾਲ ਸੁੱਟੇ ਹਨ ਤਾਂ ਅੱਗੇ ਤੋਂ ਏਹੋ ਜਹੀ ਗਲਤੀ ਨਾ ਕਰੇ ਅਤੇ ਨਾਲ ਹੀ ਤਾੜਨਾ ਵੀ ਕੀਤੀ ਕਿ ਜੇਕਰ ਕਿਸੇ ਨੇ ਸ਼ਰਾਰਤ ਕੀਤੀ ਹੈ ਤਾਂ ਬਾਜ ਆ ਜਾਵੇ । ਓਹਨਾਂ ਨੇ ਕਿਹਾ ਕਿ ਜਦੋਂ ਸੁਧੀਰ ਸੂਰੀ ਜੀ ਦਾ ਕਤਲ ਕੀਤਾ ਗਿਆ ਸੀ ਓਸ ਸਮੇ ਵੀ ਓਹ ਧਾਰਮਿਕ ਚੀਜਾਂ ਨੂੰ ਕੂੜੇ ਤੇ ਸੁੱਟਣ ਖਿਲਾਫ ਧਰਨੇ ਤੇ ਬੈਠੇ ਸਨ । ਸਰਕਾਰ ਅਤੇ ਪ੍ਰਸ਼ਾਸਨ ਬੇਅਦਬੀ ਦੇ ਮੁੱਦਿਆਂ ਤੇ ਕਾਰਵਾਈ ਨਹੀਂ ਕਰਦੀ ਇਸੇ ਕਰ ਕੇ ਇਹੋ ਜਿਹੀਆਂ ਘਟਨਾਵਾਂ ਵਾਪਰਦੀਆਂ ਹਨ ।