ਹੁਸ਼ਿਆਰਪੁਰ ( ਤਰਸੇਮ ਦੀਵਾਨਾ )

13 ਦਸੰਬਰ : ਬੀਤੇ ਦਿਨੀ ਸੂਬਾ ਪ੍ਰਧਾਨ ਲੇਬਰ ਵਿੰਗ ਸੰਯੁਕਤ ਸਮਾਜ ਮੋਰਚਾ ਦੇ ਸੂਬਾ ਪ੍ਰਧਾਨ ਪ੍ਰਸ਼ੋਤਮ ਰਾਜ ਅਹੀਰ ਦੇ ਪਿੰਡ ਹਰਦੋਖਾਨਪੁਰ ਉਨ੍ਹਾਂ ਦੇ ਘਰ 108 ਸੰਤ ਬਾਬਾ ਨਿਰਮਲ ਦਾਸ ਜੀ ਗੱਦੀ ਨਸ਼ੀਨ ਬਾਬੇ ਜੌੜੇ ਰਾਏਪੁਰ ਰਸੂਲਪੁਰ ਜਲੰਧਰ ਅਤੇ ਸ੍ਰੀ ਗੁਰੂ ਰਵਿਦਾਸ ਸਾਧੂ ਸੰਪਰਦਾਇ ਸੁਸਾਇਟੀ ਰਜਿ. ਪੰਜਾਬ ਦੇ ਪ੍ਰਧਾਨ ਪਹੁਚੇ ਉਹਨਾ ਦੇ ” ਨਾਰੀ ਸ਼ਕਤੀ ਫਾਉਂਡੇਸ਼ਨ ” ਦੀ ਕੌਮੀ ਪ੍ਰਧਾਨ ਮੈਡਮ ਸੰਤੋਸ਼ ਕੁਮਾਰੀ ਤੇ ਬਾਬਾ ਜਗੀਰ ਸਿੰਘ ਵੀ ਨਾਲ ਹਾਜਰ ਸਨ । ਇਸ ਮੌਕੇ ਸੰਤ ਬਾਬਾ ਨਿਰਮਲ ਦਾਸ ਨੇ ਸੰਗਤਾ ਨੂੰ ਗੁਰਬਾਣੀ ਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਲੋਕਾ ਰਾਹੀ ਗੁਰੂ ਚਰਨਾ ਨਾਲ ਜੋੜਿਆ ਉਹਨਾ ਕਿਹਾ ਕਿ ਅੱਜ ਦੇ ਪਦਾਰਥਵਾਦੀ ਯੁੱਗ ਵਿੱਚ ਗਰੀਬ ,ਲਚਾਰ ਤੇ ਭੁੱਖਮਰੀ ਨਾਲ ਲਬਰੇਜ ਲੋਕਾ ਦੀ ਵੱਧ ਤੋ ਵੱਧ ਸੇਵਾ ਕਰਨੀ ਚਾਹੀਦੀ ਹੈ । ਉਹਨਾ ਦੱਸਿਆ ਕਿ ਗੁਰੂ ਰਵਿਦਾਸ ਸਾਧੂ ਸੰਪਰਦਾਇ ਸੁਸਾਇਟੀ ਰਜਿ. ਪੰਜਾਬ ਵਲੋ ਪਿੰਡ ਚੂਹੜਵਾਲੀ ਵਿਖੇ ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਨਾਮ ਤੇ ਚੱਲ ਰਹੇ ਸਕੂਲ ਵਿੱਚ ਬਹੁਤ ਬਹੁਤ ਘੱਟ ਫੀਸ ਤੇ ਬੱਚਿਆ ਨੂੰ ਪੜ੍ਹਾਇਆ ਜਾ ਰਿਹਾ ਅਤੇ ਮਾ ਪਿਉ ਤੋ ਲੈਸ ਬੱਚਿਆਂ ਨੂੰ ਬਿੱਲਕੁੱਲ ਪੜ੍ਹਾਈ ਮੁਫਤ ਕਰਵਾਈ ਜਾ ਰਹੀ ਹੈ । ਸੰਤ ਬਾਬਾ ਨਿਰਮਲ ਦਾਸ ਨੇ ਦੱਸਿਆ ਕਿ ਸੁਸਾਇਟੀ ਵਲੋ ਸੰਤ ਬਾਬਾ ਪ੍ਰੀਤਮ ਦਾਸ ਚੈਰੀਟੇਬਲ ਹਸਪਤਾਲ ਚਲਾਇਆ ਜਾ ਰਿਹਾ ਹੈ । ਉਹਨਾ ਦੱਸਿਆ ਕਿ ਚੈਰੀਟੇਬਲ ਹਸਪਤਾਲ ਵਿੱਚ ਹਰ ਸਾਲ ਸੈਕੜੇ ਲੋਕਾ ਦੀਆ ਅੱਖਾ ਦੇ ਚੋਟੀ ਦੇ ਡਾਕਟਰਾ ਵਲੋ ਅਪ੍ਰੇਸ਼ਨ ਕਰਕੇ ਬਿੱਲਕੁੱਲ ਫ੍ਰੀ ਲੈਨਜ਼ ਪਾਏ ਜਾਦੇ ਹਨ ਜੋ ਕਿ ਬਹੁਤ ਹੀ ਸੇਵਾ ਦਾ ਕੰਮ ਹੈ ।