ਗੁਰਦਾਸਪੁਰ(ਅਸ਼ਵਨੀ)

8 ਨਵੰਬਰ – ਪੁਲਿਸ ਸਟੇਸ਼ਨ ਬਹਿਰਾਮਪੁਰ ਅਧੀਨ ਪੈਂਦੇ ਪਿੰਡ ਮੁੰਨਣਾਵਾਲੀ ਵਸਨੀਕ ਇਕ ਅੋਰਤ ਦੇ ਖਾਤੇ ਵਿਚੋ 4 ਲੱਖ 15 ਹਜ਼ਾਰ ਤਰੇਹਟ ਰੁਪਏ ਆਨਲਾਈਨ ਕਢਵਾ ਕੇ ਠੱਗੀ ਮਾਰਣ ਦੇ ਦੋਸ਼ ਵਿੱਚ ਨਾਮਲੂਮ ਨੂੰ ਨਾਮਜ਼ਦ ਕੀਤਾ ਗਿਆ ਹੈ । ਗੁਰਮੀਤ ਕੋਰ ਪਤਨੀ ਯੁੱਧਵੀਰ ਸਿੰਘ ਵਾਸੀ ਮੁੰਨਣਾਵਾਲੀ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀ ਦੱਸਿਆ ਕਿ ਉਸ ਦਾ ਗੁਰਦਾਸਪੁਰ ਸਥਿਤ ਐਕਸਿਸ ਬੈਂਕ ਵਿੱਚ ਖਾਤਾ ਹੈ ਜਿਸ ਵਿੱਚ ਕਰੀਬ 6 ਲੱਖ ਰੁਪਏ ਜਮਾ ਸਨ । ਬੀਤੀ 30 ਅਗਸਤ 2021 ਤੋਂ 5 ਸਤੰਬਰ 2021 ਤੱਕ ਕਿਸੇ ਨਾਮਾਲੂਮ ਵਿਅਕਤੀ ਵਲੋ 415063/- ਰੁਪਏ ਆਨਲਾਈਨ ਯੂ ਪੀ ਆਈ ਰਾਹੀ ਕਢਵਾ ਕੇ ਉਸ ਦੇ ਨਾਲ ਠੱਗੀ ਮਾਰੀ ਗਈ ਹੈ । ਸਹਾਇਕ ਸਬ ਇੰਸਪੈਕਟਰ ਗੁਰਨਾਮ ਸਿੰਘ ਨੇ ਦੱਸਿਆ ਕਿ ਗੁਰਮੀਤ ਕੋਰ ਵਲੋ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਪੁਲਿਸ ਕਪਤਾਨ ਦੀਨਾ ਨਗਰ ਵਲੋ ਕਰਨ ਉਪਰਾਂਤ ਨਾਮਲੂਮ ਵਿੱਰੁਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।