ਪਠਾਨਕੋਟ (ਤਰੁਣ)

ਐਨ.ਐਚ.ਐਮ. ਠੇਕਾ ਮੁਲਾਜ਼ਮਾਂ ਵੱਲੋਂ ਰੈਗੂਲਰ ਨਾ ਕਰਨ ਤੇ ਪਠਾਨਕੋਟ ਯੂਨੀਅਨ ਵੱਲੋਂ ਕਾਲੇ ਬਿੱਲੇ ਲਗਾ ਕੇ ਕੰਮ ਕਰਨ ਦਾ ਕੀਤਾ ਗਿਆ ਫੈਸਲਾ

1 ਦਸੰਬਰ : ਪੰਜਾਬ ਸਰਕਾਰ ਵੱਲੋਂ ਕੱਚੇ ਮੁਲਾਜ਼ਮਾਂ ਨੂੰ ਪੱਕੇ ਕਰਨ ਲਈ ਬਹੁਤ ਵਾਅਦੇ ਕੀਤੇ ਗਏ ਸਨ, ਪਰ ਸਿਹਤ ਸੇਵਾਵਾਂ ਦੇਣ ਵਾਲੇ ਨੈਸ਼ਨਲ ਹੈਲਸ਼ ਮਿਸ਼ਨ ਠੇਕਾ ਮੁਲਾਜਮਾਂ ਤੋਂ ਪੰਜਾਬ ਸਰਕਾਰ ਕਿਨਾਰਾ ਕਰਦੀ ਨਜਰ ਆ ਰਹੀ ਹੈ। ਨੈਸ਼ਨਲ ਹੈਲਸ਼ ਮਿਸ਼ਨ ਅਧੀਨ ਮੁਲਾਜਮ ਪਿੱਛਲੇ 15 ਸਾਲਾਂ ਤੋਂ ਕੰਮ ਕਰ ਰਹੇ ਹਨ। ਜਿਸ ਨਾਲ ਸਮੇਂ ਦੀਆਂ ਸਰਕਾਰਾਂ ਨੇ ਹਰ ਵਾਰ ਧੋਖਾ ਕੀਤਾ ਹੈ। ਇਸ ਸਬੰਧੀ ਅੱਜ ਦਫਤਰ ਸਿਵਲ ਸਰਜਨ ਪਠਾਨਕੋਟ ਵਿਖੇ ਪਠਾਨਕੋਟ ਐਨ.ਐਚ.ਐਮ. ਯੂਨੀਅਨ ਦੇ ਆਗੂਆਂ ਵੱਲੋਂ ਇੱਕ ਅਹਿਮ ਮੀਟਿੰਗ ਕੀਤੀ ਗਈ। ਜਿਸ ਵਿੱਚ ਸਰਬਸਮੰਤੀ ਨਾਲ ਇਹ ਫੈਸਲਾ ਕੀਤਾ ਗਿਆ ਕਿ ਪਿਛਲੇ ਦਿਨੀ ਪੰਜਾਬ ਸਰਕਾਰ ਵੱਲੋਂ ਕੱਚੇ ਮੁਲਾਜਮਾਂ ਨੂੰ ਪੱਕੇ ਕਰਨ ਦਾ ਜੋ ਐਲਾਨ ਕੀਤੀ ਗਿਆ ਸੀ, ਉਸ ਨੂੰ ਪੂਰਾ ਨਹੀਂ ਕੀਤਾ ਜਾ ਰਿਹਾ। ਇਸ ਲਈ ਸਮੂਹ ਮੁਲਾਜਮਾਂ ਵੱਲੋਂ ਅੱਜ ਤੋਂ ਸਰਕਾਰ ਨੂੰ ਯਾਦ ਦਿਵਾਉਣ ਲਈ ਦਫਤਰਾਂ ਵਿੱਚ ਕਾਲੇ ਬਿੱਲੇ ਲਗਾ ਕੇ ਕੰਮ ਕੀਤਾ ਗਿਆ ਅਤੇ ਫੈਸਲਾ ਕੀਤਾ ਗਿਆ ਕਿ ਅੱਗੇ ਆਉਣ ਵਾਲੇ ਦਿਨਾਂ ਵਿੱਚ ਜੇਕਰ ਸਰਕਾਰ ਐਨ.ਐਚ.ਐਮ. ਮੁਲਾਜਮਾਂ ਨੂੰ ਰੈਗੂਲਰ ਕਰਨ ਬਾਰੇ ਜਲਦੀ ਨੋਟੀਫਿਕੇਸ਼ਨ ਨਹੀਂ ਕਰਦੀ ਤਾਂ ਇੱਕ ਤਿੱਖਾ ਸੰਘਰਸ ਸਰਕਾਰ ਵਿਰੁੱਧ ਉਲੀਕੀਆ ਜਾਵੇਗਾ। ਜਿਸ ਵਿੱਚ ਕਾਲੇ ਬਿੱਲੇ ਲਗਾਉਣੇ, ਸਰਕਾਰ ਵਿਰੁੱਧ ਨਾਰੇਬਾਜੀ, ਪੁਤਲੇ ਫੁਕਣੇ ਅਤੇ ਅਖੀਰ ਸਾਰਾ ਕੰਮ ਬੰਦ ਕਰਕੇ ਧਰਨੇ ਲਗਾਏ ਜਾਣਗੇ। ਇਸ ਮੌਕੇ ਯੂਨੀਅਨ ਆਗੂ ਦੀਪਿਕਾ ਰਾਣੀ ਵੱਲੋਂ ਕਿਹਾ ਗਿਆ ਕਿ ਦਿਵਾਲੀ ਤੋਂ ਪਹਿਲਾ ਖਜਾਨਾ ਮੰਤਰੀ ਸ. ਹਰਪਾਲ ਚੀਮਾ ਵੱਲੋਂ ਕਿਹਾ ਗਿਆ ਸੀ ਕਿ ਦਿਵਾਲੀ ਤੋ ਤੁਰੰਤ ਬਾਅਦ ਪਹਿਲੀ ਕੈਬਿਨਟ ਮੀਟਿੰਗ ਵਿੱਚ ਐਨ.ਐਚ.ਐਮ. ਮੁਲਾਜਮਾਂ ਨੂੰ ਪੱਕੇ ਕਰਨ ਸਬੰਧੀ ਫੈਸਲਾ ਲਿਆ ਜਾਵੇਗਾ। ਪਰ ਸਰਕਾਰ ਵੱਲੋਂ ਐਨ.ਐਚ.ਐਮ. ਮੁਲਾਜਮਾਂ ਕੋਈ ਵੀ ਫੈਸਲਾ ਨਹੀਂ ਲਿਆ ਗਿਆ। ਇਸ ਲਈ ਮਜਬੂਰਨ ਸਾਨੂੰ ਸਰਕਾਰ ਸੰਘਰਸ ਵੱਲ ਤੋਰ ਰਹੀ ਹੈ। ਇਸ ਮੌਕੇ ਪੰਕਜ ਕੁਮਾਰ, ਜਤਿਨ ਕੁਮਾਰ, ਅਮਨਦੀਪ ਸਿੰਘ, ਤਨਵੀ ਸ਼ਰਮਾ, ਪ੍ਰਿਆ ਮਹਾਜਨ, ਮਿਨਾਕਸੀ, ਪਾਰਸ ਸੈਣੀ ਕੰਪਿਉਟਰ ਆਪਰੇਟਰ, ਹੇਮੰਤ ਸਰਮਾ ਡਾਟਾ ਮੈਨੇਜਰ, ਅਨੂਰਾਧਾ ਨਗੋਤਰਾ ਜਿਲ੍ਹਾ ਕਮਿਊਨਟੀ ਮੋਬਲਾਈਜਰ, ਨਰੇਸ ਕੁਮਾਰ ਕੰਪਿਉਟਰ ਆਪਰੇਟਰ, ਸਿਵ ਕੁਮਾਰ ਇੰਨਫਰਮੇਸ਼ਨ ਅਸਿਸਟੈਂਟ, ਪ੍ਰਗਟ ਸਿੰਘ, ਆਦਿ ਨੈਸ਼ਨਲ ਹੈਲਥ ਮਿਸ਼ਨ ਦੇ ਠੇਕਾ ਮੁਲਾਜ਼ਮ ਹਾਜ਼ਰ ਸਨ।