ਟਾਂਡਾ 7 ਜਨਵਰੀ (ਚੌਧਰੀ) : ਅੱਜ ਹਲਕਾ ਉੜਮੁੜ ਟਾਂਡਾ ਦੇ ਪਿੰਡ ਸ਼ੇਖੂਪੁਰ ਦੇਹਰੀਵਾਲ ਵਿਖੇ ਉੱਘੇ ਸਮਾਜ ਸੇਵੀ ਤੇ ਹਲਕਾ ਇੰਚਾਰਜ ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਸਰਦਾਰ ਮਨਜੀਤ ਸਿੰਘ ਦਸੂਹਾ ਨੂੰ ਉਸ ਵੇਲੇ ਭਰਵਾਂ ਹੁੰਗਾਰਾ ਮਿਲਿਆ ਜਦੋਂ ਗੁੱਜਰ ਭਾਈਚਾਰੇ ਨੇ ਮਨਜੀਤ ਸਿੰਘ ਦਸੂਹਾ ਦੀਆਂ ਲੋਕ ਭਲਾਈ ਦੀਆਂ ਸਕੀਮਾਂ ਤੋਂ ਪ੍ਰਭਾਵਿਤ ਹੋ ਕੇ ਉਹਨਾਂ ਦੀ ਹਿਮਾਇਤ ਦਾ ਐਲਾਨ ਕਰਦਿਆਂ ਕਿਹਾ ਕਿ ਅੱਜ ਤੱਕ ਕਿਸੇ ਨੇ ਵੀ ਗੁੱਜਰ ਭਾਈਚਾਰੇ ਦੀ ਸਮੱਸਿਆ ਦਾ ਹੱਲ ਨਹੀਂ ਕੀਤਾ ਤੇ ਮਨਜੀਤ ਸਿੰਘ ਦਸੂਹਾ ਤੋਂ ਗੁੱਜਰ ਭਾਈਚਾਰੇ ਨੂੰ ਆਸ ਬੱਝੀ ਹੈ ਕੇ ਉਹ ਗੁੱਜਰ ਭਾਈਚਾਰੇ ਦੀਆਂ ਸਮੱਸਿਆ ਨੂੰ ਹੱਲ ਕਰਨਗੇ ਤੇ ਗੁੱਜਰ ਭਾਈਚਾਰਾ ਹਲਕੇ ਵਿੱਚ ਮਨਜੀਤ ਸਿੰਘ ਦਸੂਹਾ ਨੂੰ ਜਿਤਾਉਣ ਲਈ ਅੱਗੇ ਹੋ ਕੇ ਕੰਮ ਕਰੇਗਾ। ਇਸ ਮੌਕੇ ਮਨਜੀਤ ਸਿੰਘ ਦਸੂਹਾ ਦਾ ਧੰਨਵਾਦ ਕਰਦਿਆਂ ਕਿ ਜਿਸ ਤਰ੍ਹਾਂ ਹਲਕੇ ਦੇ ਲੋਕਾਂ ਵੱਲੋਂ ਸਮਰਥਨ ਮਿਲ ਰਿਹਾ ਹੈ ਉਸ ਤਰ੍ਹਾ ਗੁੱਜਰ ਭਾਈਚਾਰੇ ਵੱਲੋਂ ਵੀ ਬਹੁਤ ਵੱਡੀ ਹਿਮਾਇਤ ਮਿਲੀ ਹੈ ਤੇ ਉਹਨਾਂ ਦਾ ਹਲਕੇ ਵਿੱਚ ਮੁੱਖ ਮਿਸ਼ਨ ਹੀ ਸਮਾਜ ਸੇਵਾ ਹੈ। ਉਹਨਾ ਕਿਹਾ ਕਿ ਹਲਕੇ ਦੇ ਲੋਕਾਂ ਨੂੰ ਜਿਹੜੀਆਂ ਸਹੂਲਤਾਂ ਲੰਮਾ ਸਮਾਂ ਕਰਨ ਵਾਲੀਆਂ ਪਾਰਟੀਆਂ ਨਹੀਂ ਦੇ ਸਕੀਆ ਉਹ ਸਹੂਲਤਾਂ ਲੋਕਾਂ ਤੱਕ ਪਹੁੰਚਾਉਣ ਹਰ ਤਰਾਂ ਦੀ ਵਾਹ ਲਾਉਣਗੇ ਤੇ ਹਲਕੇ ਦੇ ਲੋਕਾਂ ਨੂੰ ਸਮਰਪਿਤ ਹੋ ਕੇ ਚਲਣਗੇ। ਇਸ ਮੌਕੇ ਬਰਕਤ ਅਲੀ, ਰਮਜ਼ਾਨ ਮੁਹੰਮਦ, ਸੈਫ਼ ਅਲੀ, ਰਾਸ਼ਿਦ ਮੁਹੰਮਦ, ਸ਼ਰੀਫ਼ ਅਲੀ, ਅਮਜਦ ਖਾਨ, ਗੁਲਜ਼ਾਰ, ਸੁਖਵਿੰਦਰ ਸਿੰਘ ਮੂਨਕ, ਬਲਬੀਰ ਸਿੰਘ ਕਾਲਾ ਦਸੂਹਾ, ਕਿਰਪਾਲ ਸਿੰਘ ਜਾਜਾ, ਸਰਬਜੀਤ ਸਿੰਘ ਗੋਲਡੀ, ਸੰਦੀਪ ਗੋਲਡੀ, ਸਤਵੰਤ ਜਾਜਾ ਆਦਿ ਹਾਜ਼ਰ ਸਨ।