ਤਲਵਾੜਾ (ਚੌਧਰੀ) 

ਨਬਾਲਿਗਾ ਨੂੰ ਵਰਗਲਾ-ਫੁਸਲਾ ਕੇ ਕਿਧਰੇ ਲੈ ਜਾਣ ਤੇ ਇੱਕ ਨੌਜਵਾਨ ਖਿਲਾਫ ਮਾਮਲਾ ਦਰਜ 

28 ਅਕਤੂਬਰ : ਤਲਵਾੜਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਨਬਾਲਿਗਾ ਦੇ ਪਿਤਾ ਨੇ ਕਿਹਾ ਕਿ ਉਸਦੀਆਂ ਪੰਜ ਲੜਕੀਆਂ ਹਨ ਤੇ ਇੱਕ ਲੜਕਾ ਹੈ। 3 ਲੜਕੀਆਂ ਸ਼ਾਦੀ ਸ਼ੁਦਾ ਹਨ ਤੇ ਉਸਦੀ ਛੋਟੀ ਲੜਕੀ ਜਿਸਦੀ ਉਮਰ 17.1/2 ਹੈ ਜੋ ਹੁਣ +2 ਤੋਂ ਬਾਅਦ ਘਰ ਹੀ ਰਹਿੰਦੀ ਹੈ ਜੋ ਮਿਤੀ 22-10-2022 ਨੂੰ ਵਕਤ ਕਰੀਬ 03 ਪੀ ਐਮ ਉਸਦੀ ਲੜਕੀ ਉਸਨੂੰ ਖਾਣਾ ਦੇਣ ਤੋਂ ਬਾਅਦ ਆਪਣੇ ਦੂਸਰੇ ਪਲਾਟ ਵਿੱਚ ਪਸੂਆਂ ਨੂੰ ਚਾਰਾ ਪਾਉਣ ਲਈ ਗਈ ਸੀ ਜੋ ਉਸਨੇ ਵਕਤ 4:30 ਪੀ ਐਮ ਦੇਖਿਆ ਕਿ ਉਸਦੀ ਲੜਕੀ ਵਾਪਸ ਨਹੀਂ ਆਈ। ਜਿਸਦੀ ਉਸਨੇ ਕਾਫੀ ਭਾਲ ਕੀਤੀ ਪਰ ਨਹੀਂ ਮਿਲੀ। ਜੋ ਉਸ ਨੂੰ ਅੱਜ ਪਤਾ ਲੱਗਾ ਕਿ ਉਹਨਾ ਦੇ ਪਿੰਡ ਦੇ ਨਜਦੀਕ ਪੁੱਲ ਦਾ ਕੰਮ ਚਲ ਰਿਹਾ ਹੈ ਜਿਥੇ ਮਨਿੰਦਰਜੀਤ ਸਿੰਘ ਪੁੱਤਰ ਹਰਮਿੰਦਰ ਸਿੰਘ ਵਾਸੀ ਪਿੰਡ ਹਰੀਗੜ ਥਾਣਾ ਦਿੜਬਾ ਜਿਲਾ ਸੰਗਰੂਰ ਕੰਮ ਕਰਦਾ ਹੈ ਜੋ ਦੁੱਧ ਲੈਣ ਲਈ ਉਨ੍ਹਾਂ ਦੇ ਘਰ ਆਉਂਦਾ ਸੀ ਜੋ ਉਸਦੀ ਲੜਕੀ ਪਾਇਲ ਨੂੰ ਵਰਗਲਾ ਕੇ ਵਿਆਹ ਦਾ ਝਾਂਸਾ ਦੇ ਕੇ ਆਪਣੇ ਨਾਲ ਲੈ ਗਿਆ ਹੈ। ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।