ਗੁਰਦਾਸਪੁਰ (ਅਸ਼ਵਨੀ)

29 ਨਵੰਬਰ – ਪੁਲਿਸ ਜਿਲ੍ਹਾ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਦੀ ਪੁਲਿਸ ਵਲੋ ਚਾਈਨਾ ਡੋਰ ਦੇ 20 ਗੱਟੁ ਬਰਾਮਦ ਕਰਨ ਤੇ ਇਕ ਵਿਅਕਤੀ ਨੂੰ ਨਾਮਜ਼ਦ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ ।
ਹਰਪਾਲ ਸਿੰਘ ਸਹਾਇਕ ਸਬ ਇੰਸਪੈਕਟਰ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਨੇ ਦੱਸਿਆ ਕਿ ਉਹ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਮੁੱਖਬਰ ਖਾਸ ਦੀ ਸੂਚਨਾ ਤੇ ਅਸ਼ਵਨੀ ਕੁਮਾਰ ਪੁੱਤਰ ਗਰੀਬ ਦਾਸ ਵਾਸੀ ਬੈਕ ਸਾਈਡ ਮਾਈ ਕਾ ਤਲਾਬ ਮੁੱਹਲਾ ਸ਼ਿਵ ਨਗਰ ਵਾਲੀ ਗੱਲੀ ਗੁਰਦਾਸਪੁਰ ਦੇ ਘਰ ਨੇੜੇ ਪੁੱਜੇ ਤਾਂ ਅਸ਼ਵਨੀ ਕੁਮਾਰ ਨੇ ਪੁਲਿਸ ਪਾਰਟੀ ਨੂੰ ਵੇਖ ਕੇ ਸਿਰ ਉੱਪਰ ਰੱਖੀ ਇਕ ਬੋਰੀ ਸੁੱਟ ਕੇ ਭੱਜਿਆ ਜਦੋਂ ਬੋਰੀ ਚੈੱਕ ਕੀਤੀ ਗਈ ਤਾਂ ਇਸ ਵਿਚੋ ਚਾਈਨਾ ਡੋਰ ਦੇ 20 ਗੱਟੁ ਬਰਾਮਦ ਹੋਏ ।