ਗੁਰਦਾਸਪੁਰ ( ਅਸ਼ਵਨੀ )
ਕਾਂਗਰਸੀ ਕੌਂਸਲਰ ਸਮੇਤ ਜੂਆ ਖੇਡਦੇ 14 ਕਾਬੂ,ਤਾਸ਼ ਅਤੇ 2.05 ਲੱਖ ਬਰਾਮਦ
26 ਅਕਤੂਬਰ : ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਤਿੱਬੜ ਦੀ ਪੁਲਿਸ ਵਲੋ ਕਾਂਗਰਸੀ ਕੌਸਲਰ ਸਮੇਤ 14 ਵਿਅਕਤੀਆਂ ਨੂੰ ਜੂਆ ਖੇਡਦੇ ਤੇ ਤਾਸ਼ ਸਮੇਤ ਕਾਬੂ ਕਰਨ ਅਤੇ 2 ਲੱਖ , 5 ਹਜ਼ਾਰ , 5 ਸੋ 5 ਰੁਪਏ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ ।
ਸਬ ਇੰਸਪੈਕਟਰ ਅਮੈਨੂਅਲ ਮੱਲ ਪੁਲਿਸ ਸਟੇਸ਼ਨ ਤਿੱਬੜ ਨੇ ਦੱਸਿਆ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਮੁੱਖਬਰ ਖਾਸ ਦੀ ਸੂਚਨਾ ਤੇ ਘਰਾਲਾ ਬਾਈਪਾਸ ਮੁਕੇਰੀਆ ਰੋਡ ਗੱਲੀ ਵਿੱਚ ਚੁਬਾਰੇ ਤੇ ਰੇਡ ਕਰਕੇ ਨਿੰਮਾ ਵਾਸੀ ਨੋਸ਼ਿਹਰਾ ਮੱਝਾਂ ਸਿੰਘ , ਅਮਿੱਤ ਕੁਮਾਰ , ਅੰਕੁਰ , ਅਦਿਤਿਆ , ਵਰਿੰਦਰ ਕੁਮਾਰ , ਪਵਨ ਕੁਮਾਰ ਵਾਸੀਆਨ ਗੁਰਦਾਸਪੁਰ , ਐਡਵਿਨ ਵਾਸੀ ਧਾਰੀਵਾਲ , ਅਸ਼ਵਨੀ ਕੁਮਾਰ , ਨਵਦੀਪ ਸਿੰਘ , ਜੰਗ ਬਹਾਦਰ , ਲਖਵਿੰਦਰ , ਜਿੰਮੀ ਕਾਂਤ , ਅਕਾਸ਼ ਅਤੇ ਦੀਪਕ ਸੈਣੀ ਵਾਸੀਆਨ ਗੁਰਦਾਸਪੁਰ ਨੂੰ ਕਾਬੂ ਕੀਤਾ ਤੇ ਮੋਕਾ ਤੋਂ ਤਾਸ਼ ਅਤੇ 206505/ – ਰੁਪਏ ਬਰਾਮਦ ਹੋਏ ਇਹਨਾਂ ਵਿਰੁੱਧ ਪੁਲਿਸ ਸਟੇਸ਼ਨ ਤਿੱਬੜ ਵਿੱਖੇ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।
