ਗੜਦੀਵਾਲਾ 4 ਜਨਵਰੀ (ਚੌਧਰੀ)
: ਅੱਜ ਨੰਗਲ ਘੋੜੇਵਾਹਾ ਤੋਂ ਨਹਿਰ ਨੂੰ ਜਾਂਦਿਆਂ ਪੁਲੀ ਦੇ ਲਾਗੇ ਇੱਕ ਜੰਗਲੀ ਜੀਵ ਨੀਲਗਰ ਦੇ ਨਹਿਰ ਵਿਚ ਡਿੱਗਣ ਨਾਲ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਇਸ ਸਬੰਧੀ ਸੂਚਨਾ ਮਿਲਣ ਤੇ ਵਰਲਡ ਲਾਈਫ ਵਿਭਾਗ ਦੀ ਗੱਡੀ ਘਟਨਾ ਵਾਲੀ ਥਾਂ ਤੇ ਪਹੁੰਚੀ। ਵਿਭਾਗ ਦੇ ਅਧਿਕਾਰੀਆਂ ਵਲੋਂ ਮਰੇ ਹੋਏ ਜੰਗਲੀ ਜੀਵ ਨੂੰ ਨਹਿਰ ਚੋਂ ਰੱਸਾ ਬੰਨ ਕੇ ਬਾਹਰ ਕੱਢ ਕੇ ਹੁਸ਼ਿਆਰਪੁਰ ਵਿਖੇ ਲੈ ਗਈ।ਇਸ ਬਾਰੇ ਬਲਾਕ ਅਫਸਰ ਚਰਨਜੀਤ ਸਿੰਘ ਨੇ ਦੱਸਿਆ ਕਿ ਮੌਸਮ ਵਿੱਚ ਵਧ ਰਹੀ ਠੰਡ ਕਰਕੇ ਇਹ ਜਾਨਵਰ ਨਹਿਰ ਚੋਂ ਪਾਣੀ ਪੀਣ ਆਉਂਦੇ ਹਨ, ਪਰ ਇਹਨਾਂ ਨੂੰ ਨਹਿਰ ਚੋਂ ਨਿਕਲਣ ਦਾ ਕੋਈ ਰਸਤਾ ਨਹੀਂ ਲੱਭਦਾ ਤੇ ਵਿੱਚ ਹੀ ਮਰ ਜਾਂਦੇ ਹਨ। ਉਹਨਾਂ ਕਿਹਾ ਕਿ ਹੁਣ ਅਸੀਂ ਇਸਦਾ ਪੋਸਟਮਾਰਟਮ ਕਰਾਵਾਂਗੇ ਤੇ ਬਾਅਦ ਵਿੱਚ ਜੋ ਪੋਸਟਮਾਰਟਮ ਰਿਪੋਰਟ ਆਈ ਉਸ ਦੇ ਅਧਾਰ ਤੇ ਅਗਲੀ ਕਾਰਵਾਈ ਕਰ ਦਿੱਤੀ ਜਾਵੇਗੀ।
