UPDATED.. ਰੋਇਲ ਇੰਨਫੀਲਡ ਤੇ ਇਨੋਵਾ ਕਾਰ ਦੀ ਜਬਰਦਸਤ ਟੱਕਰ ‘ਚ ਗੰਭੀਰ ਜਖਮੀ ਹੋਏ ਦੂਸਰੇ ਨੌਜਵਾਨ ਦੀ ਇਲਾਜ ਦੌਰਾਨ ਮੌਤ 

ਤਲਵਾੜਾ / ਦਸੂਹਾ 5 ਜੂਨ (ਚੌਧਰੀ) : ਰੋਇਲ ਇੰਨਫੀਲਡ ਤੇ ਇਨੋਵਾ ਕਾਰ ਦੀ ਜਬਰਦਸਤ ਟੱਕਰ ਹੋਣ ਨਾਲ ਇੱਕ ਦੀ ਮੌਤ ਅਤੇ ਇੱਕ ਦੇ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਸੀ। ਪਰ ਸੂਤਰਾਂ ਦੇ ਹਵਾਲੇ ਨਾਲ ਹੁਣੇ ਪਤਾ ਚੱਲਿਆ ਹੈ ਕਿ ਦੂਸਰੇ ਜਖਮੀ ਨੌਜਵਾਨ ਦੀ ਇਲਾਜ ਦੌਰਾਨ ਮੌਤ ਹੋ ਗਈ ਦੱਸੀ ਜਾ ਰਹੀ ਹੈ। ਤਲਵਾੜਾ ਪੁਲਿਸ ਨੇ ਇਨੋਵਾ ਕਾਰ ਡਰਾਈਵਰ ਤੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਸੁਜਾਤਾ ਦੇਵੀ ਪਤਨੀ ਸਤਵੀਰ ਸਿੰਘ ਵਾਸੀ ਬਰਿੰਗਲੀ ਥਾਣਾ ਤਲਵਾੜਾ ਕਿ ਉਸਦੀ ਸ਼ਾਦੀ ਅਰਸਾ ਕਰੀਬ ਡੇਢ ਸਾਲ ਪਹਿਲਾਂ ਸਤਵੀਰ ਸਿੰਘ ਪੁੱਤਰ ਲੇਟ ਸ਼੍ਰੀ ਸੁਖਦੇਵ ਸਿੰਘ

ਵਾਸੀ ਬਰਿੰਗਲੀ ਥਾਣਾ ਤਲਵਾੜਾ ਜਿਲਾ ਹੁਸ਼ਿਆਰਪੁਰ ਨਾਲ ਹੋਈ ਸੀ। ਉਸ ਦਾ ਇੱਕ 6 ਮਹੀਨੇ ਦਾ ਬੇਟਾ ਹੈ। ਉਸਦਾ ਪਤੀ ਸਤਵੀਰ ਸਿੰਘ ਅੱਡਾ ਬਰਿੰਗਲੀ ਵਿਖੇ ਰੈਡੀਮੇਡ ਦੀ ਦੁਕਾਨ ਕਰਦਾ ਸੀ। ਮਿਤੀ 03.06.22 ਨੂੰ ਉਸਦਾ ਪਤੀ ਸਤਵੀਰ ਸਿੰਘ ਸਮੇਤ ਘਣਸ਼ਾਮ ਭਾਰਦਵਾਜ ਪੁੱਤਰ ਰਵਿੰਦਰ ਸਿੰਘ ਵਾਸੀ ਬਰਿੰਗਲੀ ਨਾਲ ਆਪਣੇ ਮੋਟਰ ਸਾਈਕਲ ਰੋਇਲ ਇੰਨਫੀਲਡ ਨੰਬਰੀ PB-07-BV-1360 ਪਰ ਸਵਾਰ ਹੋ ਕੇ ਆਪਣੇ ਜੀਜੇ ਦੀ ਖਬਰ ਲੈਣ ਲਈ ਦਤਾਰਪੁਰ ਵਿਖੇ ਗਏ ਸੀ ਰਾਤ ਨੂੰ ਉਸਦਾ ਪਤੀ ਸਮੇਤ ਘਣਸ਼ਾਮ ਦੇ ਦਤਾਰਪੁਰ ਤੋਂ ਮੋਟਰ ਸਾਈਕਲ ਤੇ ਵਾਪਿਸ ਆਪਣੇ ਘਰ ਬਰਿੰਗਲੀ ਨੂੰ ਆ ਰਹੇ ਸੀ ਜਦੋਂ ਉਹ ਪਿੰਡ ਭੰਬੋਤਾੜ ਪੁੱਜੇ ਤਾਂ ਵਕਤ ਕਰੀਬ 11.30 ਪੀ.ਐਮ ਰਾਤ ਦਾ ਹੋਵੇਗਾ ਤਾਂ ਦੋਲਤਪੁਰ ਸਾਈਡ ਤੋਂ ਇੱਕ ਇਨੋਵਾ ਗੱਡੀ ਨੰਬਰੀ HP-01-A-7025 ਦੇ ਡਰਾਈਵਰ ਨੇ ਗੱਡੀ ਤੇਜ ਰਫਤਾਰੀ, ਲਾਹਪ੍ਰਵਾਹੀ ਤੇ ਅਣਗਹਿਲੀ ਨਾਲ ਬਿਨਾ ਹਾਰਨ ਦਿੱਤੇ ਚਲਾ ਕੇ ਗਲਤ ਸਾਈਡ ਲਿਆ ਕੇ ਉਸਦੇ ਪਤੀ ਜੋ ਆਪਣੀ ਸਾਈਡ ਜਾ ਰਿਹਾ ਸੀ ਸਿੱਧੀ ਟੱਕਰ ਮਾਰੀ। ਜਿਸ ਨਾਲ ਉਸਦੇ ਪਤੀ ਸਤਵੀਰ ਸਿੰਘ ਦੀ ਮੋਕਾ ਪਰ ਹੀ ਮੌਤ ਹੋ ਗਈ ਤੇ ਘਣਸ਼ਾਮ ਭਾਰਦਵਾ ਦੇ ਕਾਫੀ ਸੱਟਾਂ ਲੱਗੀਆਂ ਤੇ ਮੋਟਰ ਸਾਈਕਲ ਦਾ ਵੀ ਕਾਫੀ ਨੁਕਸਾਨ ਹੋਇਆ ਹੈ।ਜਿਸ ਤੇ ਮੁਕੱਦਮਾ ਦਰਜ ਰਜਿਸਟਰ ਕੀਤਾ ਗਿਆ।

ਫੋਟੋ : ਐਕਸੀਡੈਂਟ ਚ ਮਾਰੇ ਗਏ ਦੋਵੇਂ ਨੌਜਵਾਨਾਂ ਦੀ ਫਾਈਲ ਫੋਟੋ।