ਬਟਾਲਾ 2 ਅਗਸਤ (ਅਵਿਨਾਸ਼ ਸ਼ਰਮਾ)

: ਅੱਜ ਐਸ ਪੀ ਹੈਡਕੁਆਰਟਰ ਸ੍ਰੀਮਤੀ ਰਿਆੜ ਵੱਲੋਂ ਪੁਲਿਸ ਲਾਈਨ ਬਟਾਲਾ ਵਿਖੇ ਪ੍ਰੈਸ ਕਾਨਫਰੰਸ ਕੀਤੀ ਗਈ ਜਿਸ ਵਿੱਚ ਦਸਿਆ ਗਿਆ ਕਿ ਮਿਤੀ 29 ਜੁਲਾਈ ਨੂੰ ਇੱਕ ਸੂਚਨਾ ਥਾਣਾ ਸਿਵਲ ਲਾਈਨ ਬਟਾਲਾ ਵਿੱਚ ਪ੍ਰਾਪਤ ਹੋਈ ਸੀ ਕਿ ਇੱਕ 02 ਸਾਲ ਦੀ ਬੱਚੀ ਨਾਲ ਉਸਦੇ ਗੁਆਂਢ ਵਿੱਚ ਰਹਿੰਦੇ ਅਭਿਸੇਕ ਰੋਕਾਇਆ ਪੁੱਤਰ ਗਿਆਨ ਇੰਦਰ ਰੋਕਾਇਆ ਵਾਸੀ ਬਾਸਕਟੀਆ ਜਿਲ੍ਹਾ ਬੇਜਾਗ, ਨੇਪਾਲ ਹੁਣ ਰਣਜੀਤ ਨਗਰ ਬਟਾਲਾ ਵੱਕਤ ਕਰੀਬ 4:30 ਸ਼ਾਮ ਪੀੜਤ ਲੜਕੀ ਦੇ ਘਰ ਗਿਆ ਅਤੇ ਪੀੜਤ ਲੜਕੀ ਨੂੰ ਉਸਦੇ ਮਾਪਿਆ ਪਾਸੋਂ ਆਪਣੇ ਕੋਲ ਰੱਖ ਲਿਆ ਅਤੇ ਪੀੜਤ ਲੜਕੀ ਦਾ ਪਰਿਵਾਰ ਕੰਮ ਪਰ ਚਲਾ ਗਿਆ ਤਾਂ ਉਕਤ ਦੋਸ਼ੀ ਨੇ 02 ਸਾਲ ਦੀ ਬੱਚੀ ਨਾਲ ਬੇਰਹਿਮੀ ਨਾਲ ਉਸ ਨਾਲ ਰੇਪ ਕੀਤਾ। ਜਿਸ ਤੇ ਪੁਲਿਸ ਵੱਲੋਂ ਤੁਰੰਤ ਕਾਰਵਾਈ ਕਰਦੇ ਹੋਏ ਮੁਕੱਦਮਾ ਨੰਬਰ 214 ਮਿਤੀ 29.ਜੁਲਾਈ ਥਾਣਾ ਸਿਵਲ ਲਾਈਨ ਬਟਾਲਾ ਦਰਜ ਰਜਿਸਟਰ ਕਰਕੇ ਮੁਢਲੀ ਤਫਤੀਸ ਅਮਲ ਵਿੱਚ ਲਿਆਂਦੀ ਅਤੇ ਦੋਸ਼ੀ ਉਕਤ ਨੂੰ ਗ੍ਰਿਫਤਾਰ ਕਰਨ ਲਈ ਮਾਨਯੋਗ ਸੀਨੀਅਰ ਕਪਤਾਨ ਪੁਲਿਸ ਬਟਾਲਾ ਦੀਆ ਹਦਾਇਤਾ ਅਨੁਸਾਰ ਵੱਖ-ਵੱਖ ਪੁਲਿਸ ਟੀਮਾਂ ਦਾ ਗਠਨ ਕੀਤਾ ਗਿਆ। ਤਫਤੀਸ਼ ਦੋਰਾਨ ਸ੍ਰੀ ਅਜਾਦ ਦਵਿੰਦਰ ਸਿੰਘ ਪੀ.ਪੀ.ਐੱਸ ਉਪ ਕਪਤਾਨ ਪੁਲਿਸ ਸ਼ਹਿਰੀ ਬਟਾਲਾ ਦੀ ਨਿਗਰਾਨੀ ਹੇਠ ਇੰਸ. ਪ੍ਰਭਜੋਤ ਸਿੰਘ ਮੁੱਖ ਅਫਸਰ ਥਾਣਾ ਸਿਵਲ ਲਾਈਨ ਅਤੇ ਇੰਸ. ਹਰਮੀਕ ਸਿੰਘ ਇੰਚਾਰਜ ਸੀ.ਆਈ.ਏ ਸਟਾਫ ਬਟਾਲਾ ਸਮੇਤ ਪੁਲਿਸ ਪਾਰਟੀਆ ਵੱਲੋਂ ਦੋਸ਼ੀ ਅਭਿਸੇਕ ਰੋਕਾਇਆ ਪੁੱਤਰ ਗਿਆਨ ਇੰਦਰ ਰੋਕਾਇਆ ਵਾਸੀ ਬਾਸਕਟੀਆ ਜਿਲ੍ਹਾ ਬੇਜਾਗ, ਨੇਪਾਲ ਹੁਣ ਰਣਜੀਤ ਨਗਰ ਬਟਾਲਾ ਨੂੰ ਦਿੱਲੀ ਤੋਂ ਦਿੱਲੀ ਪੁਲਿਸ ਦੇ ਆਈ.ਪੀ.ਐੱਸ ਪੁਲਿਸ ਅਫਸਰਾ ਦੀ ਸਹਾਇਤਾ/ਸਹਿਯੋਗ ਨਾਲ ਗ੍ਰਿਫਤਾਰ ਕਰਕੇ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਦੋਸ਼ੀ ਉਕਤ ਰਿਮਾਂਡ ਹਾਸਲ ਕੀਤਾ ਗਿਆ ਅਤੇ ਪੁੱਛ ਗਿੱਛ ਕੀਤੀ ਜਾ ਰਹੀ ਹੈ।