ਤਲਵਾੜਾ / ਦਸੂਹਾ(ਚੌਧਰੀ) 

ਨੋਜਵਾਨ ਵਲੋਂ ਵਿਆਹ ਦਾ ਦਵਾ ਬਣਾਉਣ ਤੇ ਮੁਟਿਆਰ ਨੇ ਨਹਿਰ ਚ’ ਛਾਲ ਮਾਰਕੇ ਜਿੰਦਗੀ ਨੂੰ ਕਿਹਾ ਅਲਵਿਦਾ

7 ਸਤੰਬਰ : ਥਾਣਾ ਤਲਵਾੜਾ ਦੇ ਅਧੀਨ ਆਉਂਦੇ ਇੱਕ ਪਿੰਡ ਦੀ ਇਕ ਮੁਟਿਆਰ ਜੋ ਤਲਵਾੜਾ ਵਿਖੇ ਕੰਪਿਊਟਰ ਦਾ ਕੋਰਸ ਕਰ ਰਹੀ ਸੀ, ਨੇ ਇੱਕ ਸਿਰ ਫਿਰੇ ਨੋਜਵਾਨ ਤੋਂ ਤੰਗ ਆਕੇ ਆਪਣੀ ਜ਼ਿੰਦਗੀ ਨੂੰ ਅਲਵਿਦਾ ਕਹਿ ਦਿੱਤਾ। ਐਸਐਚਓ ਤਲਵਾੜਾ ਨੇ ਇਸ ਸੰਬੰਧ ਵਿੱਚ ਦੱਸਿਆ ਕਿ ਮ੍ਰਿਤਕਾ ਦੇ ਪਿਤਾ ਨੇ ਪੁਲਿਸ ਨੂੰ ਦਿੱਤੇ ਆਪਣੇ ਬਿਆਨ ਵਿੱਚ ਦੱਸਿਆ ਕਿ ਉਸ ਦੀ ਲੜਕੀ ਉਮਰ( 20) ਵਰ੍ਹੇ ਜੋ 12ਵੀਂ ਜਮਾਤ ਤੋਂ ਬਾਅਦ ਤਲਵਾੜਾ ਵਿੱਖੇ ਇੱਕ ਨਿਜੀ ਕੰਪਿਊਟਰ ਸੈਂਟਰ ਵਿੱਚ ਕੰਪਿਊਟਰ ਕੋਰਸ ਕਰ ਰਹੀ ਸੀ। ਅਤੇ ਪਿੰਡ ਤੋਂ ਹਰ ਰੋਜ਼ ਦੋਪਹਰ 12 ਵਜੇ ਕਲਾਸ ਲਈ ਜਾਂਦੀ ਸੀ, ਤੇ 6 ਵਜੇ ਦੇ ਕਰੀਬ ਪਰਤ ਕੇ ਘਰ ਵਾਪਸ ਆ ਜਾਂਦੀ ਸੀ।ਮਹਿਜ਼ 12 ਦਿਨ ਉਸ ਦੀ ਲੜਕੀ ਕੰਪਿਊਟਰ ਸੈਂਟਰ ਕੋਰਸ ਕਰਨ ਲਈ ਗਈ, ਜੱਦ ਉਹ 5 ਸਤੰਬਰ ਨੂੰ ਸ਼ਾਮ ਨੂੰ ਘਰ ਸਮੇਂ ਸਿਰ ਨਹੀਂ ਪੰਹੁਚੀ। ਤਾਂ ਉਨ੍ਹਾਂ ਵਲੋਂ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ। ਭਾਲ ਕਰਨ ਤੇ ਪਤਾ ਲੱਗਾ ਕਿ ਉਸ ਦੀ ਲੜਕੀ ਨਾਂ ਤਾਂ ਉਸ ਦਿਨ ਕੰਪਿਊਟਰ ਸੈਂਟਰ ਪੰਹੁਚੀ ਸੀ ਤਾਂ ਨਾਂ ਹੀ ਕਿਸੇ ਰਿਸ਼ਤੇਦਾਰ ਦੇ ਘਰ। ਮੰਗਲਵਾਰ ਨੂੰ ਉਸ ਨੂੰ ਕਿਸੇ ਦਾ ਫੋਨ ਆਈਆ ਕੀ ਇਕ ਨੌਜਵਾਨ ਲੜਕੀ ਦੀ ਲਾਸ਼ ਮੁਕੇਰੀਆਂ ਹਾਇਡਲ ਪ੍ਰੋਜੈਕਟ ਤੇ ਬਣੇ ਪਾਵਰ ਹਾਉਸ ਨੰਬਰ-1 ਵਿੱਚੋਂ ਬਰਾਮਦ ਹੋਈ ਹੈ। ਜਿਸ ਦੀ ਪਛਾਣ ਉਸ ਦੀ 20 ਸਾਲਾ ਲੜਕੀ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਲੜਕੀ ਦੇ ਪਿਤਾ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਉੰਨਾਂ ਵਲੋਂ ਕੀਤੀ ਗਈ ਨਿਜੀ ਜਾਂਚ ਵਿੱਚ ਪਾਇਆ ਗਿਆ ਕਿ ਇੱਕ ਨੋਜਵਾਨ ਸੋਰਵ ਵਾਸੀ ਪਿੰਡ ਪੱਲੀ ਉਸ ਦੀ ਲੜਕੀ ਨੂੰ ਤੰਗ ਪਰੇਸ਼ਾਨ ਕਰਦਾ ਸੀ, ਤੇ ਉਸ ਨਾਲ ਵਿਆਹ ਕਰਵਾਉਣ ਲਈ ਜਬਰਦਸਤੀ ਦਵਾਅ ਬਣਾ ਰਿਹਾ ਸੀ। ਜਿਸ ਤੋਂ ਪਰੇਸ਼ਾਨ ਹੋਕੇ ਉਸ ਦੀ ਲੜਕੀ ਨੇ ਆਤਮ ਹੱਤਿਆ ਕੀਤੀ ਹੈ।ਥਾਣਾ ਤਲਵਾੜਾ ਦੀ ਪੁਲਿਸ ਨੇ ਮ੍ਰਿਤਕ ਲੜਕੀ ਦੇ ਪਿਤਾ ਦੇ ਬਿਆਨਾਂ ਤੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।