ਗੜ੍ਹਦੀਵਾਲਾ ( ਚੌਧਰੀ / ਯੋਗੇਸ਼ ਗੁਪਤਾ)

22 ਜੂਨ : ਗੜ੍ਹਦੀਵਾਲਾ ਵਿਖੇ ਨਗਰ ਕੌਂਸਲ ਦੇ ਕਾਰਜ ਸਾਧਕ ਅਫਸਰ ਸਿਮਰਨ ਢੀਂਡਸਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਭਾਰਤ ਸਰਕਾਰ ਵੱਲੋਂ ਚਲਾਏ ਸਵੱਛ ਭਾਰਤ ਅਭਿਆਨ ਤਹਿਤ” ਮੇਰਾ ਸ਼ਹਿਰ ਮੇਰਾ ਮਾਣ” ਤਹਿਤ ਸਾਫ਼ -ਹਰਾ ਭਰਿਆ-ਪ੍ਰਦੂਸ਼ਣ ਮੁਕਤ ਸ਼ਹਿਰ ਸੰਬੰਧੀ ਸ਼ੁਰੂ ਕੀਤੇ ਪੰਦਰਵਾੜੇ ਦੇ 10ਵੇਂ ਦਿਨ ਦਸੂਹਾ -ਹੁਸਿ਼ਆਰਪੂਰ ਮੇਨ ਰੋਡ ਦੇ ਦੋਨੋਂ ਪਾਸੇ ਅਤੇ ਕੂੜੇ ਦੇ ਢੇਰਾਂ ਨੂੰ ਸਾਫ਼ ਕਰਕੇ ਖਾਲਸਾ ਕਾਲਜ ਦੇ ਵਲੰਟੀਅਰ ਦੀ ਮਦਦ ਨਾਲ 60 ਦੇ ਕਰੀਬ ਪੌਂਦੇ ਲਗਾਏ ਗਏ ਅਤੇ ਆਲੇ ਦੁਆਲੇ ਦੇ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਕਿ ਉਹ ਇਹਨਾਂ ਪੌਂਦੇਆਂ ਨੂੰ ਰੋਜ਼ ਪਾਣੀ ਦੇਣ ਅਤੇ ਦੇਖਭਾਲ ਕਰਨ।

ਇਸ ਸਬੰਧੀ ਸਵੱਛ ਭਾਰਤ ਅਭਿਆਨ ਦੀ ਸੀ.ਐਫ ਮੈਡਮ ਤ੍ਰਿਪਤਾ ਦੇਵੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨਗਰ ਕੌਂਸਲ ਗੜ੍ਹਦੀਵਾਲਾ ਵਲੋਂ ਦੁਸ਼ਹਿਰਾ ਗਰਾਉਂਡ ਵਿਖੇ ਮਿਤੀ 23/06/2023 ਦਿਨ ਸ਼ੁਕਰਵਾਰ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਪ੍ਰਦਰਸ਼ਨੀ ਲਗਾਈ ਜਾ ਰਹੀ ਹੈ। ਜਿਸ ਵਿਚ ਇੱਕ ਸਮੇਂ ਵਰਤੋਂ ਵਿੱਚ ਆਉਣ ਵਾਲੀ ਪਲਾਸਟਿਕ ਦੀ ਜਗ੍ਹਾ ਤੇ ਵਰਤੀ ਜਾਣ ਵਾਲਿਆਂ ਵਸਤਾਂ ਦੀ ਪ੍ਰਦਰਸ਼ਨੀ ਲਗਾਈ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਆਰ ਆਰ ਸੈਂਟਰ ਵਿਚ ਵੀ ਤੁਸੀਂ ਆਪਣੇ ਘਰ ਦਾ ਵਾਧੂ ਸਮਾਨ ਜਮਾਂ ਕਰਵਾ ਸਕਦੇ ਹੋ ਅਤੇ ਜਿਸ ਜ਼ਰੂਰਤਮੰਦ ਨੂੰ ਲੋੜ ਹੈ ਉਹ ਆ ਕੇ ਸਮਾਨ ਲੈ ਜਾ ਸਕਦਾ ਹਨ। ਆਪ ਸਭ ਨੂੰ ਅਪੀਲ ਹੈ ਕਿ ਇਹ ਪ੍ਰਦਰਸ਼ਨੀ ਦੇਖਣ ਜ਼ਰੂਰ ਆਉ ਜੀ।