ਦਸੂਹਾ (ਚੌਧਰੀ) 

24 ਜੁਲਾਈ : ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਦੇ ਅਧੀਨ ਬੀਬੀ ਅਮਰ ਕੌਰ ਜੀ ਐਜੂਕੇਸ਼ਨਲ ਸੁਸਾਇਟੀ ਵੱਲੋਂ ਸਥਾਪਿਤ ਕੇ.ਐਮ.ਐਸ ਕਾਲਜ ਆਫ ਆਈ.ਟੀ. ਐਂਡ ਮੈਨੇਜਮੈਂਟ ਚੌ. ਬੰਤਾ ਸਿੰਘ ਕਲੋਨੀ ਦਸੂਹਾ ਦੇ ਵਿਦਿਆਰਥੀਆਂ ਵੱਲੋਂ ਕਮਾਹੀ ਦੇਵੀ ਗਊਸ਼ਾਲਾ ਵਿਖੇ ਸਵੱਛ ਭਾਰਤ ਅਭਿਆਨ ਦੇ ਤਹਿਤ ਐਨ.ਐਸ.ਐਸ. ਦਾ ਕੈਂਪ ਲਗਾਇਆ ਗਿਆ। ਕੈਂਪ ਦੀ ਜਾਣਕਾਰੀ ਦਿੰਦੇ ਹੋਏ ਕਾਲਜ ਦੇ ਚੇਅਰਮੈਨ ਚੌਧਰੀ ਕੁਮਾਰ ਸੈਣੀ ਨੇ ਦੱਸਿਆ ਕਿ ਇਸ ਕੈਂਪ ਵਿਚ ਕਾਲਜ ਦੇ ਵੱਖ ਵੱਖ ਵਿਭਾਗਾਂ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਕੈਂਪ ਦੌਰਾਨ ਸਭ ਤੋਂ ਪਹਿਲਾ ਸੇਵਾ ਕਰਦੇ ਹੋਏ ਗਊ ਵੰਸ਼ ਨੂੰ ਗੁੜ ਅਤੇ ਆਟੇ ਦੇ ਪੇੜੇ ਖਿਲਾਏ ਗਏ, ਬਾਅਦ ਵਿਚ ਵਿਦਿਆਰਥੀਆਂ ਨੇ ਸਫਾਈ ਦੌਰਾਨ ਗੋਬਰ ਚੁੱਕ ਕੇ ਗਊਆ ਦੇ ਵਾੜੇ ਸਾਫ ਕਰਕੇ ਸੇਵਾ ਕਮਾਈ। ਇਸ ਮੌਕੇ ਤੇ ਗਊਸ਼ਾਲਾ ਕਮਾਹੀ ਦੇਵੀ ਦੇ ਮੁੱਖ ਪ੍ਰਬੰਧਕ ਰਿਟਾਇਰਡ ਐਕਸੈਨ ਹਰਮਿੰਦਰ ਕੁਮਾਰ ਅਤੇ ਗਣੇਸ਼ ਕੁਮਾਰ ਮੁੱਖ ਸੇਵਾਦਾਰ ਨੇ ਕੇ.ਐਮ.ਐਸ ਕਾਲਜ ਵੱਲੋਂ ਲਗਾਏ ਐਨ.ਐਸ.ਐਸ. ਦੇ ਕੈਂਪ ਦੀ ਸ਼ਲਾਂਘਾ ਕਰਦੇ ਹੋਏ ਕਿਹਾ ਕਿ ਸਾਰੇ ਵਿਦਿਆਰਥੀਆਂ ਨੇ ਬੜੀ ਮਿਹਨਤ ਨਾਲ ਸਫ਼ਾਈ ਕਰਕੇ ਗਊਸ਼ਾਲਾ ਦੀ ਸੇਵਾ ਕੀਤੀ। ਇਸ ਤੋਂ ਇਲਾਵਾ ਉਹਨਾ ਦੱਸਿਆ ਕਿ ਕਾਲਜ ਵੱਲੋਂ ਗਊਸ਼ਾਲਾ ਨੂੰ ਦਾਨ ਵੀ ਦਿੱਤਾ ਗਿਆ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਡਾ. ਦਿਲਬਾਗ ਸਿੰਘ ਹੁੰਦਲ, ਬ੍ਰਹਮ ਦੇਵ ਰੱਲ੍ਹਣ, ਭਾਗ ਸਿੰਘ, ਸੁਰਿੰਦਰ ਨਾਥ, ਰਿਟਾਇਰਡ ਕਲਰਕ ਸੁਭਾਸ਼ ਸ਼ਰਮਾ, ਅਮਨਪ੍ਰੀਤ ਕੌਰ, ਗੌਰਵ ਕੁਮਾਰ, ਪਲਕ ਭਾਟੀਆ, ਬਲਜੀਤ ਕੌਰ, ਮਨਪ੍ਰੀਤ ਕੌਰ, ਸ਼ਿਖਾ ਕਸ਼ਬ, ਹਰਜਿੰਦਰ ਸਿੰਘ, ਪੁਨੀਤ ਕੁਮਾਰ ਅਤੇ ਹਰਮਨਦੀਪ ਸਿੰਘ ਆਦਿ ਹਾਜ਼ਰ ਸਨ।