ਹੁਸ਼ਿਆਰਪੁਰ (ਬਿਊਰੋ) 

30 ਜੂਨ : ਚੋਰੀ ਸ਼ੁਦਾ ਮੋਟਰਸਾਈਕਲ  ਅਤੇ ਇੱਕ ਖਿਲੋਣਾ ਪਿਸਤੌਲ ਸਮੇਤ ਇੱਕ ਵਿਅਕਤੀ ਨੂੰ ਮਾਡਲ ਟਾਊਨ ਪੁਲਿਸ ਨੇ ਕਾਬੂ ਕੀਤਾ ਹੈ ।ਮੁਲਜ਼ਮ ਦੀ ਪਛਾਣ ਮਲਕੀਤ ਉਰਫ ਮਿਲਖੀ ਰਾਮ ਪੁੱਤਰ ਹਰੀ ਚੰਦ ਵਾਸੀ ਘੋੜਾਵਾਹੀ ਥਾਣਾ ਕਰਤਾਰਪੁਰ ਜਿਲਾ ਜਲੰਧਰ ਹਾਲ ਵਾਸੀ ਨੇੜੇ ਹਨੁਮਾਨ ਮੰਦਿਰ ਸੁੰਦਰ ਨਗਰ ਥਾਣਾ ਮਾਡਲ ਟਾਊਨ ਹੁਸ਼ਿਆਰਪੁਰ ਵਜੋਂ ਹੋਈ ਹੈ ।

ਮਾਣਯੋਗ ਸਰਤਾਜ ਸਿੰਘ ਚਾਹਲ ਆਈ ਪੀ ਐਸ ਸੀਨੀਅਰ ਪੁਲਿਸ ਕਪਤਾਨ ਜਿਲਾ ਹੁਸ਼ਿਆਰਪੁਰ ਦੀ ਹਦਾਇਤ ਅਤੇ  ਪਲਵਿੰਦਰ ਸਿੰਘ ਪੀ ਪੀ ਐਸ ਉਪ ਪੁਲਿਸ ਕਪਤਾਨ (ਸਿਟੀ) ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਚੋਰੀ ਅਤੇ ਲੁੱਟਾਂ ਖੋਹਾ ਦੀ ਰੋਕਥਾਮ ਲਈ ਵਿੱਢੀ ਮੁਹਿੰਮ ਤਹਿਤ ਇੰਸ:/ ਐਸ ਐਚ ਓ ਕਰਨੈਲ ਸਿੰਘ ਮੁੱਖ ਅਫਸਰ ਥਾਣਾ ਮਾਡਲ ਟਾਊਨ ਹੁਸਿਆਰਪੁਰ ਦੀ ਨਿਗਰਾਨੀ ਹੇਠ ਏ ਐਸ ਆਈ ਮਨਜੀਤ ਸਿੰਘ ਪੁਲਿਸ ਚੌਂਕੀ ਪੁਰਹੀਰਾ ਨੇ ਸਮੇਤ ਪੁਲਿਸ ਪਾਰਟੀ ਨੇ ਮਿਤੀ 28-06-2023 ਨੂੰ ਨਾਕਾਬੰਦੀ ਦੌਰਾਨ ਮੋਟਰਸਾਈਕਲ ਮਾਰਕਾ ਹਾਂਡਾ ਸ਼ਾਈਨ ਜਿਸ ਨੂੰ ਅੱਗੇ ਨੰਬਰ HP-20-G-0990 ਅਤੇ ਪਿੱਛਲੀ ਪਲੇਟ ਤੇ ਨੰਬਰ HP-20-G-0996 ਲੱਗਿਆ ਹੋਇਆ ਤੇ ਸਵਾਰ ਹੋ ਕੇ ਆ ਰਹੇ ਮਲਕੀਤ ਉਰਫ ਮਿਲਖੀ ਰਾਮ ਪੁੱਤਰ ਹਰੀ ਚੰਦ ਵਾਸੀ ਘੋੜਾਵਾਹੀ ਥਾਣਾ ਕਰਤਾਰਪੁਰ ਜਿਲਾ ਜਲੰਧਰ ਹਾਲ ਵਾਸੀ ਨੇੜੇ ਹਨੁਮਾਨ ਮੰਦਿਰ ਸੁੰਦਰ ਨਗਰ ਥਾਣਾ ਮਾਡਲ ਟਾਊਨ ਹੁਸ਼ਿਆਰਪੁਰ ਨੂੰ ਇਸ ਚੋਰੀ ਸ਼ੁਦਾ ਮੋਟਰਸਾਈਕਲ ਸਮੇਤ ਕਾਬੂ ਕੀਤਾ ਅਤੇ ਚੈਕਿੰਗ ਦੋਰਾਨ ਇਸ ਪਾਸੋਂ ਇੱਕ ਖਿਲੋਣਾ ਪਿਸਤੌਲ ਵੀ ਬ੍ਰਾਮਦ ਹੋਇਆ ।ਜਿਸ ਤੇ ਮੁਕੱਦਮਾ ਨੰਬਰ 168 ਮਿਤੀ 28-06-2023 ਅਧ 379,482,411 ਭ:ਦ ਥਾਣਾ ਮਾਡਲ ਟਾਊਨ ਜਿਲ੍ਹਾ ਹੁਸ਼ਿਆਰਪੁਰ ਦਰਜ ਰਜਿਸਟਰ ਕੀਤਾ ਗਿਆ । ਮੁਢਲੀ ਪੁਛਗਿਛ ਦੌਰਾਨ ਦੋਸ਼ੀ ਮਲਕੀਤ ਉਰਫ ਮਿਲਖੀ ਰਾਮ ਨੇ ਮੰਨਿਆ ਕਿ ਉਹ ਚੋਰੀਆਂ ਕਰਨ ਦਾ ਆਦੀ ਹੈ ਇਹ ਮੋਟਰਸਾਈਕਲ ਉਸ ਨੇ ਜਿਲਾ ਊਨਾ ਹਿਮਾਚਲ ਪ੍ਰਦੇਸ਼ ਤੋਂ ਚੋਰੀ ਕੀਤਾ ਹੈ । ਦੋਸ਼ੀ ਦੇ ਖਿਲਾਫ ਪਹਿਲਾ ਵੀ ਚੋਰੀ ਦੇ ਜਿਲਾ ਜਲੰਧਰ ਅਤੇ ਜਿਲਾ ਹੁਸ਼ਿਆਰਪੁਰ ਦੇ ਵੱਖ ਵੱਖ ਥਾਣਿਆ ਥਾਣਾ ਭੋਗਪੁਰ ਥਾਣਾ ਕਰਤਾਰਪੁਰ, ਥਾਣਾ ਨਵੀਂ ਬਾਰਾਦਰੀ ਜਿਲਾ ਜਲੰਧਰ ਅਤੇ ਥਾਣਾ ਬੁਲੋਵਾਲ, ਥਾਣਾ ਹਰਿਆਣਾ, ਥਾਣਾ ਸਿਟੀ ਹੁਸਿਆਰਪੁਰ ਵਿੱਚ 7/8 ਮੁਕੱਦਮੇ ਦਰਜ ਹਨ ਦੋਸ਼ੀ ਨੂੰ ਪੇਸ਼ ਅਦਾਲਤ ਕਰਕੇ ਦੋਸ਼ੀ ਦਾ ਪੁਲਿਸ ਰਿਮਾਂਡ ਹਾਸਲ ਕਰਕੇ ਇਸ ਵਲੋ ਕੀਤੀਆ ਗਈਆ ਹੋਰ ਵਾਰਦਾਤਾਂ ਬਾਰੇ ਡੂੰਘਾਈ ਨਾਲ ਪੁੱਛ ਗਿੱਛ ਕੀਤੀ ਜਾਵੇਗੀ।