ਗੜ੍ਹਦੀਵਾਲਾ (ਚੌਧਰੀ)

: ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਵੱਲੋਂ ਇੱਕ ਹੋਰ ਵੀਰ ਨੂੰ ਉਸਦੇ ਪਰਿਵਾਰ ਨਾਲ ਮਿਲਾਇਆ ਹੈ। ਇਸ ਮੌਕੇ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਵੀਰ ਕੁਝ ਦਿਨ ਪਹਿਲਾਂ 18 ਅਪ੍ਰੈਲ 2025 ਨੂੰ ਦਸ ਗਰਾਈਆਂ ਪੁਲ ਪਿੰਡ ਬੀਹਲੂ ਤੋਂ ਲਾਵਾਰਿਸ ਹਾਲਤ ਵਿਚ ਲਿਆਂਦਾ ਗਿਆ ਸੀ। ਇਹ ਵੀਰ ਆਪਣੇ ਵਾਰੇ ਕੁਝ ਨਹੀਂ ਦੱਸ ਰਿਹਾ ਸੀ। ਇਸ ਵੀਰ ਨੂੰ ਸੋਸਾਇਟੀ ਵਲੋਂ ਗੁਰ ਆਸਰਾ ਸੇਵਾ ਘਰ ਪਿੰਡ ਬਾਹਗਾ ਵਿਖੇ ਲਿਆ ਕੇ ਇਸ ਸਾਂਭ ਸੰਭਾਲ ਅਤੇ ਇਲਾਜ ਕਰਵਾਇਆ ਗਿਆ। ਕੁਝ ਠੀਕ ਹੋਣ ਉਪਰੰਤ ਇਸ ਨੇ ਆਪਣਾ ਨਾਮ ਉਮੇਸ਼ ਭੱਟ ਅਤੇ ਆਪਣੇ ਪਰਿਵਾਰ ਬਾਰੇ ਦੱਸਿਆ ।ਅੱਜ ਗੁਰ ਆਸਰਾ ਸੇਵਾ ਘਰ ਪਿੰਡ ਬਾਹਗਾ ਵਿਖੇ ਇਸਦੇ ਪਰਿਵਾਰ ਚੋਂ ਇਸਦਾ ਭਰਾ ਹਿਮਾਸ਼ੂ ਭੱਟ ਇਸ ਵੀਰ ਨੂੰ ਲੈਣ ਲਈ ਪਹੁੰਚੇ। ਸੋਸਾਇਟੀ ਵਲੋਂ ਇਸ ਵੀਰ ਨੂੰ ਇਸ ਦੇ ਭਰਾ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ। ਇਸ ਮੌਕੇ ਵੀਰ ਹਿਮਾਸ਼ੂ ਭੱਟ ਪੁੱਤਰ ਨੀਲਧਰ ਭੱਟ ਨੇ ਸੋਸਾਇਟੀ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ, ਪੁਰਸ਼ੋਤਮ ਸਿੰਘ ਬਾਹਗਾ, ਜਸਵਿੰਦਰ ਸਿੰਘ,ਬੂਟਾ ਮਾਨਸਾ, ਮਨਿੰਦਰ ਸਿੰਘ ਸਮੇਤ ਸੋਸਾਇਟੀ ਦੇ ਹੋਰ ਮੈਂਬਰ ਹਾਜ਼ਰ ਸਨ।