ਹੁਸ਼ਿਆਰਪੁਰ / ਗੜਦੀਵਾਲਾ 13 ਅਗਸਤ (ਚੌਧਰੀ) 

: ਕੱਲ ਸਵੇਰੇ ਦੀ ਗੱਲ ਹੈ ਜਦੋਂ ਗੜਦੀਵਾਲਾ ਤੋਂ ਅਮਰੀਕ ਸਿੰਘ ਤੇ ਅਮਿਤ ਕੁਮਾਰ ਸਬਜੀ ਮੰਡੀ ਹੁਸ਼ਿਆਰਪੁਰ ਪੁਰਹੀਰਾਂ ਵਿਖੇ ਸਬਜੀ ਲੈਣ ਗਏ ਤਾਂ ਉਹਨਾਂ ਨੂੰ ਇੱਕ ਬੜਾ ਝਟਕਾ ਲੱਗਾ।ਉਨ੍ਹਾਂ ਦੱਸਿਆ ਕਿ ਸਵੇਰੇ 5.35 ਦੇ ਕਰੀਬ ਜਦੋਂ ਇਹਨਾਂ ਨੇ ਦੋ ਗੰਡਿਆਂ ਦੇ ਤੋੜੇ ਖਰੀਦ ਕੇ ਗੱਡੀ ਵਿੱਚ ਰੱਖ ਲਏ ,ਜਦੋਂ ਇਹ ਦੁਬਾਰਾ ਹੋਰ ਸਮਾਨ ਲੈਣ ਗਏ ਤਾਂ ਗੰਡਿਆਂ ਦੇ ਤੋੜੇ ਜੋ ਗੱਡੀ ਵਿੱਚ ਰੱਖੇ ਸਨ ਚੋਰ ਲੈ ਕੇ ਫਰਾਰ ਹੋ ਗਏ ।ਇੱਕ ਤੋੜਾ 30 ਕਿਲੋ ਤੇ ਦੂਜਾ 50 ਕਿਲੋ ਦਾ ਸੀ।ਮੰਡੀ ਵਿੱਚ ਇਸ ਗੱਲ ਦਾ ਰੌਲਾ ਪੈ ਗਿਆ। ਇਹਨਾਂ ਦੋਨਾਂ ਨੇ ਆੜਤੀਆਂ ਤਾਈ ਪਹੁੰਚ ਕੀਤੀ ਗਈ । ਆੜਤੀਆਂ ਨੇ ਕੈਮਰੇ ਚੈੱਕ ਕੀਤੇ ਤਾਂ ਦੇਖਿਆ ਕਿ ਕੈਮਰਿਆਂ ਵਿੱਚ ਦੋ ਚੋਰ ਮੋਟਰਸਾਈਕਲ ਤੇ ਆਏ ਤੇ ਦੋਨੋਂ ਗੰਡਿਆਂ ਦੇ ਤੋੜੇ ਮੋਟਰਸਾਈਕਲ ਤੇ ਰੱਖ ਕੇ ਫਰਾਰ ਹੋ ਗਏ ।ਇਸ ਨਾਲ ਇਸ ਘਟਨਾ ਨਾਲ ਮੰਡੀ ਵਿੱਚ ਡਰ ਤੇ ਦਹਿਸ਼ਤ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਮੰਡੀ ਚ ਸਬਜ਼ੀ ਖਰੀਦਣ ਗਏ ਵੀ ਹੁਣ ਸੁਰੱਖਿਤ ਨਹੀਂ ਹਨ ।ਇਹਨਾਂ ਨੇ ਮੰਗ ਕੀਤੀ ਹੈ ਕਿ ਸਰਕਾਰ ਇਸ ਵੱਲ ਧਿਆਨ ਦੇਵੇ ਨਹੀਂ ਤਾਂ ਲੋਕਾਂ ਦਾ ਪੁਲਿਸ ਤੋਂ ਯਕੀਨ ਹੱਟ ਜਾਏਗਾ।

ਫੋਟੋ : ਘਟਨਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਅਮਰੀਕ ਸਿੰਘ ਤੇ ਅਮਿਤ ਕੁਮਾਰ।