ਗੜ੍ਹਦੀਵਾਲਾ 13 ਦਸੰਬਰ (ਚੌਧਰੀ / ਯੋਗੇਸ਼ ਗੁਪਤਾ) 

: ਸਬ ਤਹਿਸੀਲ ਗੜ੍ਹਦੀਵਾਲਾ ਅਧੀਨ ਮਹੀਨਾ ਜੂਨ 2023 ਵਿੱਚ ਡਰੋਨ ਸਰਵੇਖਣ ਦੇ ਸੁਰੂਆਤੀ ਗੇੜ ਦੌਰਾਨ ਬਕਾਇਆ ਪਿੰਡਾਂ ਵਿੱਚ ਵੀ ਮਿਤੀ 14/12/2023 ਦੇ ਡਰੋਨ ਫਲਾਇੰਗ ਸ਼ਡਿਊਲ ਤਹਿਤ ਮਾਛੀਆਂ-44, ਮੂਸੇ-439, ਪੱਖੋਵਾਲ-432, ਖੁਰਦ-45, ਬੀਰਮਪੁਰ48, ਧਰਮਕੋਟ-51, ਨੰਗਲ-36, ਧੂਰੀਆਂ-56 ਵਿੱਚ ਲਾਲ ਲਾਕੀਰ ਰਕਬੇ ਦੇ ਸਰਵੇਖਣ ਲਈ ਡਰੋਨ ਉਡਾਣ ਭਰ ਸਕਦੇ ਹਨ। ਇਸ ਲਈ ਇਹਨਾਂ ਪਿੰਡਾਂ ਅਤੇ ਨਾਲ ਲੱਗਦੇ ਪਿੰਡਾਂ ਵਿੱਚ ਦਿਨ ਵੇਲੇ ਡਰੋਨ ਦਿਖਾਈ ਦੇਣ ਦੀ ਸੂਰਤ ਵਿੱਚ ਬਿਲਕੁਲ ਘਬਰਾਉਣ ਦੀ ਜਰੂਰਤ ਨਹੀਂ ਹੈ। ਇਹ ਇੱਕ ਵਿਭਾਗੀ ਕਾਰਵਾਈ ਦਾ ਹਿੱਸਾ ਹੈ। ਇਸ ਸਬੰਧੀ ਨਾਇਬ ਤਹਿਸੀਲਦਾਰ ਲਵਦੀਪ ਸਿੰਘ ਧੂਤ ਨੇ ਦੱਸਿਆ ਕਿ ਜਿਕਰਯੋਗ ਹੈ ਕਿ ਸੁਰੂਆਤੀ ਗੇੜ ਅਧੀਨ ਸਰਵੇਖਣ ਮੁਕੰਮਲ ਹੋ ਚੁੱਕੇ ਪਿੰਡ ਡੱਫਰ-1, ਰਾਣਾ , ਖਿਆਲਾ ਬਲੁੰਦਾ , ਸਰਾਈ, ਝੰਬੋਵਾਲ, ਪੰਡੋਰੀ(ਮੱਲੀਆਂ) ,ਅੱਲੜ ਪਿੰਡ, ਚੋਹਕਾ, ਢੋਲੋਵਾਲ, ਜੀਆ ਸਹੋਤਾ ਕਲਾਂ ,ਚਿਪੜਾ , ਰਮਦਾਸਪੁਰ , ਚੱਕ ਨੂਰ ਅਲੀ ਆਦਿ ਦੇ ਨਕਸ਼ੇ /ਮੈਪ-1 ਪ੍ਰਾਪਤ ਹੋਣ ਤੇ ਵਿਭਾਗੀ ਕਰਮਚਾਰੀਆਂ ਵਲੋਂ ਘਰ-ਘਰ ਜਾ ਕੇ ਮਾਲਕੀ ਦਾ ਸਰਵੇ/ ਵੇਰਵੇ ਇਕੱਤਰ ਕੀਤੇ ਜਾ ਰਹੇ ਹਨ ਅਤੇ ਕੰਮ ਨਾਲ ਨਿਪਟਾਉਣ ਦੇ ਯਤਨ ਕੀਤੇ ਜਾ ਹਨ।
ਸਥਾਨਿਕ ਵਸਨੀਕਾਂ ਦੀ ਜਾਣਕਾਰੀ ਲਈ ਜਣਹਿੱਤ ਵਿੱਚ ਜਾਰੀ।