ਸ.ਸੀਨੀ.ਸੈਕੰ.ਸਕੂਲ ਖੁਆਸਪੁਰਹੀਰਾਂ ਦੇ ਰਣਵੀਰ ਕੁਮਾਰ ਦੀ ਨੈਸ਼ਨਲ ਪੱਧਰੀ ਯੋਗਾ ਓਲੰਪੀਆਡ ਲਈ ਹੋਈ ਚੋਣ 

ਹੁਸ਼ਿਆਰਪੁਰ 25 ਮਈ (ਚੌਧਰੀ) : ਜਿਲ੍ਹਾ ਸਿੱਖਿਆ ਅਫਸਰ (ਸੈ.ਸਿੱ) ਹੁਸ਼ਿਆਰਪੁਰ ਸ.ਗੁਰਸ਼ਰਨ ਸਿੰਘ ਉਪ ਜਿਲ੍ਹਾ ਸਿੱਖਿਆ ਅਫਸਰ (ਸੈ.ਸਿੱ) ਰਾਕੇਸ਼ ਕੁਮਾਰ ਅਤੇ ਸ. ਦਲਜੀਤ ਸਿੰਘ ਡੀ.ਐਮ. ਸਪੋਰਟਸ ਦੀ ਯੋਗ ਅਗਵਾਈ ਹੇਠ ਜਿਲ੍ਹਾ ਹੁਸ਼ਿਆਰਪੁਰ ਤੋਂ ਰਾਜ ਪੱਧਰੀ ਯੋਗਾ ਓਲੰਪੀਆਡ 2022-23 ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਲਈ ਜਿਲ੍ਹਾ ਪਟਿਆਲਾ ਵਿਖੇ ਗਏ।ਇਸ ਰਾਜ ਪੱਧਰੀ ਯੋਗ ਓਲੰਪੀਆਡ ਵਿੱਚ 23 ਜਿਲ੍ਹਿਆਂ ਦੇ ਖਿਡਾਰੀਆਂ ਨੇ ਭਾਗ ਲਿਆ।ਇਹਨਾਂ ਮੁਕਾਬਲਿਆਂ ਦੌਰਾਨ ਜਿਲ੍ਹਾ ਹੁਸ਼ਿਆਰਪੁਰ ਦੇ ਖਿਡਾਰੀ ਰਣਵੀਰ ਕੁਮਾਰ ਸਸਸਸ ਖੁਆਸਪੁਰਹੀਰਾਂ ਨੇ ਦੂਜਾ ਸਥਾਨ ਹਾਸਿਲ ਕਰਕੇ ਜਿਲ੍ਹਾ ਹੁਸ਼ਿਆਰਪੁਰ ਅਤੇ ਆਪਣੇ ਅਧਿਆਪਕਾਂ ਦਾ ਨਾਮ ਰੋਸ਼ਨ ਕੀਤਾ । ਖਿਡਾਰੀ ਦਾ ਜਿਲ੍ਹਾ ਸਿੱਖਿਆ ਅਫਸਰ (ਸੈ.ਸਿੱ) ਸ. ਗੁਰਸਰਨ ਸਿੰਘ, ਉਪ ਜਿਲ੍ਹਾ ਸਿੱਖਿਆ ਅਫਸਰ (ਸੈ.ਸਿੱ) ਰਾਕੇਸ਼ ਕੁਮਾਰ ਅਤੇ ਸ. ਦਲਜੀਤ ਸਿੰਘ ਡੀ.ਐਮ.ਸਪੋਰਟਸ ਵਲੋਂ ਸਨਮਾਨ ਕੀਤਾ ਗਿਆ।ਇਸ ਖਿਡਾਰੀ ਦੀ ਚੋਣ ਦਿੱਲੀ ਵਿਖੇ ਹੋਣ ਵਾਲੇ ਨੈਸ਼ਨਲ ਪੱਧਰੀ ਯੋਗਾ ਓਲੰਪੀਆਡ 2022-23 ਲਈ ਹੋਈ ਹੈ।ਇਹ ਜਾਣਕਾਰੀ ਡੀ.ਐਮ.ਸਪੋਰਟਸ ਸ. ਦਲਜੀਤ ਸਿੰਘ ਵਲੋਂ ਦਿੱਤੀ ਗਈ । ਇਸ ਸਨਮਾਨ ਮੌਕੇ ਪ੍ਰਿੰਸੀਪਲ ਮੈਡਮ ਰਮਨਦੀਪ ਕੌਰ, ਹੇਮਰਾਜ ਬੀ.ਐਮ.ਸਪੋਰਟਸ ਮੈਡਮ ਰੀਨਾ ਰਾਈ ਲੈਕਰਚਰਾਰ,ਸਤਿੰਦਰ ਕੁਮਾਰ ਡੀਪੀਈ ਵੀ ਹਾਜਰ ਸਨ।